Իշխող ուժերի տնտեսական խոստումներն ու իրականությունը. ի՞նչ են խոստացել և ի՞նչ են կատարում
05.02.2018
13:00
Հայաստանում 2017 թ-ին, իհարկե, արձանագրվել է 7.7 տոկոս տնտեսական ակտիվության, արտահանման, ներկրման ու հարկերի հավաքման ծավալների աճ, սակայն դեռեւս չլուծված է մնում իշխանության տարբեր օղակներում հատկապես բարձրաստիճան պաշտոնյաների անհատական ու համակարգային պատասխանատվության խնդիրները:

«Մեդիա կենտրոնում» փետրվարի 5-ին հրավիրված «Իշխող ուժերի տնտեսական խոստումներն ու իրականությունը. ի՞նչ են խոստացել և ի՞նչ են կատարում» թեմայով քննարկմանը հայտարարեց Հայաստանի գործատուների հանրապետական միության նախագահ Գագիկ Մակարյանը:

Նրա խոսքով, 2016-ից դեռևս բազմաթիվ վերլուծությունները հարյուրավոր գործատուների շրջանում բացահայտել են 7 հիմնական խոչընդոտներ, որոնցից չորս հիմնականներն են՝ ստվերային տնտեսությունը, կառավարման որակը, կոռուպցիան եւ անհավասար մրցակցությունը: «Կարելի է ասել, որ այս ուղղություններով էլ աշխատանքներ տարվել են»,– նշում է նա ու հավելում, որ ամենակարևոր խնդիրը դեռ լուծման լուրջ կարիք ունի: Իսկ դա ըստ Մակարյանի, վստահության ու պատասխանատվության հարցն է, որր  նախագահը մշտապես դնում է կառավարության առաջ ։ «Այդ վստահությունը ձևավորվում է պետական մարմինների պատասխանատվությունից»,- ասաց Մակարյանը ու բերեց մեկ պարզ օրինակ:

«Տեսեք, շատ հաճախ պետական չինովնիկի վատ կառավարման կամ ոչ ճիշտ որոշման արդյունքում կարող է սննկանալ մի ամբողջ ձեռնարկություն, աշխատանքից զրկվեն մարդիկ, իսկ այդ վնասի դիմաց նույն չինովնիկը որպես մաքսիմալ պատիժ ուղղակի կարող է հեռացվել աշխատաքից», - նշեց նա: Բանախոսի կարծիքով, անգամ Սահմանադրությամբ իշխանության պատասխանատվության խնդրի ձևակերպման հարցում կա որոշակի բացթողում:

Քննարկման մասնակից ԱԺ ՀՀԿ խմբակցության քարտուղար, պատգամավոր Գագիկ Մելիքյանը, խոսելով, իշխանության նախընտրական խոստումների ու ներկայիս տնտեսական իրողություններից, սկզբից հիշատակեց տնտեսական ակտիվության ու ՀՆԱ-ի աճի ցուցանիշները՝ ներկայացնելով որոշ ոչ ճիշտ տվյալներ: «2017-ին ապահովվել է 7,7 տոկոս ՀՆԱ-ի աճ (իրականում սա տնտեսական ակտիվության աճի ցուցանիշն է – խմբ.) և 12 տոկոսից ավելի տնտեսական ակտիվության աճ (իսկ նման թիվ 2017-ի վերաբերյալ տարվա կտրվածքով ուղղակի գոյություն չունի - խմբ): Սրան հասնելը հեշտ չէր, հատկապես մեր տարածաշրջանում գտնվող երկրների համար: ՀՀ-ն այն միակ երկիրն է տարածաշրջանում, որ ապահովեց նման տնտեսական աճ», - ասաց նա:

Հակադարձմանը՝ դա տեղի է ունեցել ցածր տնտեսական բազայի վրա, քանի որ 2016 թ-ին ՀՀ-ում ՀՆԱ-ի աճը կազմել թր 0.2 տոկոս, Մելիքյանը պատասխանեց Վրաստանի ու Ադրբեջանի օրինակով: «Այնպես չէ, որ նախորդ տարիներին Ադրբեջանի կամ Վրաստանի տնտեսական աճի կամ համախառն ներքին արդյունքի աճն այնքան մեծ է եղել (Վրաստանի պարագայում աճը կազմել է 2.2 տոկոս – խմբ.), հատկապես Ադրբեջանինը՝ մինուսով: Այնպես որ, չի կարելի համեմատել. մենք ու Ադրբեջանը, մենք ու Վրաստանը համեմատվելու եզր չունենք», - ասաց նա:

ՀՅԴ Տնտեսական հետազոտությունների գրասենյակի պատասխանատու Սուրեն Պարսյանը արձանագրեց, որ ՀՅԴ-ի և ՀՀԿ-ի կոալիցիոն կառավարության ծրագրում ներառված դրույթներն ապահովվում են: «Նախընտրական ծրագրերում ամրագրված էր մինչև 5 տոկոս տնտեսական աճ. այդ ցուցանիշը կարողացանք ապահովել: Ամրագրված էր ապահովել ՀՆԱ նկատմամբ քառասուն տոկոսի ծավալ, այժմ ունենք 25,2 տոկոսի արտահանման չափեր: Ամրագրված էր նաև ավելացնել նվազագույն աշխատավարձը՝ 25 տոկոսով. այս ուղղությամբ քայլեր կատարվում են: Հաշվարկներ են արվում, որը թույլ կտա դա անել», - ասաց նա:

Սակայն միեւնույն ժամանակ նա մտահոգություն հայտնեց առ այն, որ Հայաստանում դեռեւս տնտեսական աճը հատվածական, կլաստերային է եւ այն ներառական էֆեկտ չի ապահովում: «Խնդիրը նրանում է, որ մենք չունեցանք ներառական աճ, որը տարբերվում է տնտեսական աճից: Այսինքն՝ չեղավ աղքատության կրճատում, արտադրողականության բարձրացում, եկամուտների բևեռացման նվազում», - եզրափակեց նա:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
Աշխատանք, թե պատվաստում․ ո՞ր տարբերակը կընտրեն քաղաքացիները
16.09.2021
17:41
Հեղինակ՝ Սոֆի Թովմասյան

Հոկտեմբերի 1-ից, աշխատող այն քաղաքացիները, որոնք պատվաստված չեն, պետք է ամսվա ընթացքում 2 անգամ ՊՇՌ թեստի բացասական պատասխան ներկայացնեն իրենց գործատուին։

Պատվաստման սերտիֆիկատ կամ ՊՇՌ թեստ չներկայացնելն ըստ Արդարադատության նախարարության՝ «Հանրային ծառայության մասին» օրենքում փոփոխություններ կատարելու մասին նախագծի սահմանվել է իբրև հանրային պաշտոնյային աշխատանքից ազատելու հիմք։
Աշխատանքային իրավունքների պաշտպանության գործընթացը Հայաստանում
07.09.2021
16:01
Հեղինակ՝ Սոֆի Թովմասյան

Կորոնավիրուսային համավարակը «ջրի երես դուրս բերեց» գործատու-աշխատող հարաբերություններում առկա բազմաթիվ խնդիրներ՝ դառնալով խախտումների բացահայտման ու վեճերի առաջացման պատճառ։ Ամեն բան սկսվեց նրանից, որ Կառավարության կողմից հայտարարված աջակցության ծրագերից օգտվել ցանկացող աշխատողները պարզեցին, որ իրենք իրականում գրանցված աշխատողներ չեն և չունեն աշխատանքային պայմանագրեր։
Ներքաղաքական լարվածության արտաքին քաղաքական ազդեցությունը
02.09.2021
12:00
Սեպտեմբերի 2-ին, ժամը 12:00-ին, Մեդիա կենտրոնում տեղի ունեցավ քննարկում՝ «Ներքաղաքական լարվածության արտաքին քաղաքական ազդեցությունը» թեմայով:
Հայաստանի ինքնիշխանություն. չափազանցությու՞ն է
01.09.2021
12:00
Սեպտեմբերի 1-ին, ժամը 12:00-ին, Մեդիա կենտրոնում, Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ զրուցեցինք «Հայաստանի ինքնիշխանություն. չափազանցությու՞ն է» թեմայով:
Բիրտ ուժի կիրառում ոստիկանների կողմից. պողպատե մանդատ ընդդեմ քաղաքացիների՞
31.08.2021
12:00
Օգոստոսի 31-ին՝ ժամը 12:00-ին, Մեդիա կենտրոնը անցկացրեց առցանց քննարկում «Բիրտ ուժի կիրառում ոստիկանների կողմից. պողպատե մանդատ ընդդեմ քաղաքացիների՞» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ