Որքան՞վ կնվազի էլէներգիայի սակագինը եւ ի՞նչ ազդեցություն կունենա տնտեսության վրա
06.05.2016
12:00
«Եթե մենք ոչինչ չանեինք էլ օգոստոսի 1-ին առնվազն 6 դրամով պետք է իջներ էլէկտրաէներգիայի սակագինը»,- «Մեդիա կնտրոնում» հրավիրված քննարկման ժամանակ հայտարարեց տնտեսագետ Արտակ Մանուկյանը` այդ պնդումը ամրագրելով նրանով, որ մինչեւ 2016 թ. օգոստոսի 1-ը ծածկվելու է ՀԷՑ-ի 24 մլրդ դրամի պարտքը, որով հիմնավորվում էր նախորդ տարվա էլեկտրաէներգիայի սակագնի բարձրացումը:

Տնտեսագետը ներկայացրեց նաեւ այլ կարեւոր գործոններ,որոնց համադրման արդյունքում էլէներգիայի սակագինը  կարող է նվազել 10 դրամով. «Հիմա վերադառնանք ՀԾԿՀ-ի այն փաստարկներին, որոնք բերվում էին սակագնի բարձրացման ժամանակ 1) Դոլար/դրամ-ազդեցություն: Այդ ազդեցությունը հիմա գրեթե չկա, քանի որ դրամը տարածաշրջանի ամենակայուն արժույթն է:  2) Սակավաջրություն: Այս ազդեցությունը այլեւս հակառակ ուղղությունն ունի` տարին ջրառատ է, որի հետևանքով ՀԷԿ-ը նախորդ տարվա համեմատ 28%-ով ավելացրել է իրենց կողմից արտադրվող էլեկտրաէներգիայի ծավալները: 3) Ատոմակայանի պարապուրդ: Սա էլ այլեւս չկա`ՀԱԷԿ-ը արտադրել է ավելի շատ հոսանք: Մասնավորապես նախորդ տարվա համեմատ գրանցվել է ավելի քան 1% աճ: Արդյունքում համապատասխանաբար նվազել են ՋԷԿ-ի կողմից էլեկտրաէներգիայի արտադրության ծավալները: Ի դեպ, քանի որ ՋԷԿ-ն արտադրում էր ամենաթանկ էլեկտրաէներգիան, սա նշանակում է էլեկտրաէներգիայի միջին կշռված ինքնարժեքի նվազում»,-հավելեց տնտեսագետը` նշելով, որ սակագնի նվազման վրա որոշակի ազդեցություն կունենա նաեւ գազի գնի էջեցումը:

Քննարկմանը մասնակցող տնտեսագետ Վահագն Խաչատրյանի հաշվարկներով եւս էլէկտրաէներգիայի սակագինը հնարավոր է նվազեցնել 10 դրամով: Ըստ տնտեսագետի` այն հաշվարկները, որոնցով հիմնավորվում էին գազի ու էլեկտրաէնեգիայի սակագինը, Հայաստանի իրականության հետ կապ չունեն:

«Այսօր հին սովետական պլանային տնտեսության տրամաբանությամբ  է հաշվարկվում էլեկտրաէներգիայի սակագինը , նույնը վերաբերում է նաև գազին: Մեր հաշվարկներով՝ այսօր գազի գինը Հայաստանում 156 դրամի փոխարեն կարող է նվազել մինչև 100 դրամ, իսկ էլեկտրաէներգիայի գինը ոչ վերջնական, սակայն ըստ մոտավոր հաշվարկների  կարող է 10 դրամով իջնել:Էլեկտրաէներգիա արտադրող և գազ ներմուծող ընկերությունները ինչքան կարողանան, այնքան էլ ծախսեր ցույց կտան, բայց դա չի նշանակում, որ սակագինը պետք է բարձրանա»,-ընդգծեց բանախոսը:

Քննարկմանը մասնակցող «Հայրենական ապրանքներ արտադրողների» միության նախագահ Վազգեն Սաֆարյանն էլ նախ ընդգծեց, որ  այսօր Հանրային ծառայությունները կարգավորող  հանձնաժողովն իր նախաձեռնությամբ է սկսել սակագնի իջեցման գործընթացը, ապա նկատեց. «Գազի գնի իջեցման հայտը հաշվի առնելով՝ բնականաբար, պետք է այս փոփոխությունները լինեին: Խնդիրն այն է՝ ինչքանը կբավարարի մեր արդյունաբերությանն ու բնակիչներին: Հաշվի առնելով արտաքին այն վտանգները, որ ունենք, մաքսիմում պետք է հաշվարկվի, որքան կարող են իջնել գները: Էլեկտրաէներգիայի սակագնի վերաբերյալ հարցը կքննարկենք նաեւ հանրային խորհրդում: Իսկ բերված թվերը, թե  5, 6 դրամով կարող են իջեցնել, դրանք մոտավոր թվեր են, ու էական չեն: էական եմ համարում այն մոտեցումը, որ սակագինը պետք է հաշվարկվի դրանց մեջ կուտակելով ծախսերը, որովհետեւ կան ծախսեր, որոնք ձեռնարկությունը պետք է անի ու չբերի ծախսերի մեջ մտցնի»,- նկատեց Սաֆարյանը:

Հակադարձելով այս պնդմանը` քննարկմանը մասնակցող տնտեսական մեկնաբան Հայկ Գեւորգյանն էլ նկատեց, որ 5, 6 դրամով իջեցնելու եւ մնացած հաշվարկներն ամենեւին էլ մոտավոր չեն. «Կան կոնկրետ հաշվարկներ, որոնցից օգտվում են նաև ՀԾԿՀ-ում, միայն իրենք չէ, որ կարող են այդ աշխատանքն անել, պարզ թվեր են, մնում է իմանալ ինչից հետո ինչ անել»,- նկատեց Գեւորգյանը` հիշեցնելով, որ  երկու աուդիտ է արվել ՀԾԿՀ-ում և ՀԷՑ-ում, բայց արդյունքները կիսատ են մնացել:

«Չկատարվեց ամենահիմնականը՝ այն օպերացիոն աուդիտը, որ մինչև վերջին բոլտ ու գայկան, որը որ ՀԷՑ-ը գնել  ու ցույց է տվել, որ ծախսել է ու այդ ծախսերը դրել  սակագնի մեջ, դրանք որքանով էին հիմնավոր։ Այդ հարցին ընդհանրապես չմոտեցավ կառավարությունը։ Ու քանի որ այդպես ատամներով պահեց ու չմտավ այդ դաշտ, ես խորը կասկածներ ունեմ, որ հենց այդտեղ է պետք ստուգել։ Այսինքն, երբ բարձրացվեց սակագինը 39 դրամից, պետք էր նայել՝ այդ  39 դրամը որքանով էր հիմնավոր։ Կարող է 20 պիտի լիներ, ոչ թե 39»,- ընդգծեց Գևորգյանը։

Արևիկ Սահակյան, «Մեդիա կենտրոն» ծրագրի համակարգող:

Հեղինակի հետ կապվելու համար գրեք  [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...