Հրազդանի ՏԻՄ ընտրություններին ընտրակաշառք է բաժանվել. դիտորդներ
21.04.2016
13:00
Ապրիլի 17-ին Հրազդանում կայացած քաղաքապետի ընտրությունների արդյունքներն ի գիտություն ընդունած ընդդիմադիր «Քաղաքացիական պայմանագիր» կուսակցությունը, որը պաշտպանում էր Սասուն Միքայելյանի թեկնածությունը, հայտարարում է, որ վերընտրված գործող քաղաքապետ Արման Դանիելյանին հաջողվել է հաղթել ընտրակաշառքների միջոցով:

«Հրազդանի քաղաքապետի ընտրություններին ընտրատեղամասերում տեխնիկական բնույթի ընտրախախտումներ չեն եղել: Մեզ հաջողվել է դիտրոդների հետ համատեղ իրականացնել արդյունավետ վերահսկողություն բոլոր ընտրատեղամասերում: Սակայն, եթե Արամ Դանիելյանին հաջողվել է հաղթել ընտրակաշառքների միջոցով, որը նույնպես քրեական հանցագործություն է, ըստ էության, այս ընտրությունները չեն կարող համարվել արդար», - Հրազդանում «Մեդիա կենտրոնի» կազմակերպած քննարկմանը հայտարարեց «Քաղաքացիական պայմանագիր» կուսակցության վարչության անդամ Ռուբեն Ռուբինյանը:

Ապրիլի 21-ին «Մեդիա կենտրոնը» Հրազդանի Քաղաքացիական երիտասարդական կենտրոնի հետ համատեղ Հրազդան քաղաքում՝ Երեխաների աջակցության հիմնադրամի գրասենյակում Ռուբեն Ռուբինյանի, Թրանսփարենսի Ինթերնեյշնլ հակակոռուպցիոն կենտրոնի ընտրական ծրագրերի համակարգող Արմեն Գրիգորյանի, «Իրազեկ քաղաքացիների միավորում» ՀԿ-ի արագ արձագանքման խմբի պատասխանատու Գևորգ Ղահրամանյանի և Հրազդանի Քաղաքացիական երիտասարդական կենտրոնի անդամ, դիտորդ Թագուհի Մարկոսյանի մասնակցությամբ կազմակերպեց քննարկում «Հրազդանի քաղաքապետի ընտրություն. գնահատականներ և դիտարկումներ» թեմայով:

Քննարկմանը հրավիրված էին նաև Հրազդանի քաղաքապետարանի և գործող քաղաքապետ Արման Դանիելյանի ընտրական շտաբի ներկայացուցիչները, սակայն նրանք այդպես էլ չներկայացան միջոցառմանը:

Հայաստանի ութ մարզերի 36 համայնքներում, այդ թվում Հրազդան քաղաքում, ապրիլի 17-ին անցկացված ՏԻՄ ընտրություններնում տեղ են գտել ընտրախախտումների տարբեր դրսևորումներ՝ ընտրակաշառք բաժանելուց ու ընտրատեղամասերում կուտակումներից մինչև վարչական ռեսուրսի գործադրում: Թեպետ «թվերի նկարչություն չի եղել», ընտրատեղամասերում բավականին արդյունավետ վերահսկվել է քվերակության գործըթացը, սակայն վարչական և ֆինանասական ռեսուրսի գործադրումն, ըստ դիտրոդների եւ ընդդիմության ներկայացուցիչների, էական ազդեցություն է ունեցել ընտությունների արդյունքների վրա:

«Ընտրակաշառքները նույնպես ընտրախախտում են և բնականաբար ազդել են ընտրությունների արդյունքների վրա», - ասաց քննարկման մասնակից Արմեն Գրիգորյանը՝ հավելելով, որ նախկին ընտրություններում արձանագրված խախումները այս ընտրություներում եւս տեղ գտան: «Խնդիրներ կային հատկապես ստորագրված ընտրացուցակներին ծանոթանալու հարցում: Դիտորդներին շատ հաճախ խոչընդոտում էին ընտրական ընձնաժողովի անդամները ծանոթանալ այդ ցուցակներին: Ահազանգերն են ստացվել ընտրակաշառքների բաժանման վերաբերյալ, ինչպես նաև եղել են կուտակումներ ընտրատեղամասերում», - նշեց Գրոգորյանը:

Ելնելով վերոնշյալ դիտարկումներից՝ բանախոսի ընդհանրական գնահատականն ընտրություններին հետևյալն. «Այս անգամ ևս հնարավոր չեղավ Հայաստանում անցկացնել պատշաճ, թափանցիկ և օրինական ընտրություններ»:

Դիտորդներին շատ հաճախ, նշում է քննարկման մասնակից Գևորգ Ղահրամանյանը, խոչընդոտում էին աշխատել հենց հանձնաժողովի անդմները, քանի որ տեղյակ չէին իրենց լիզորություններից, օրենքի տառից և միայն առաջնորդվում էին «վերադասի հրահնագով»: «Հանձնաժողովների անդամները, որ լիցենզիա էին ստացել, չէին համապատասխանում, անտեղյակությունը բարձր էր, տեղյակ չէին, որ երեկոյան ժամը ութից հետո լրագրողը ազատ ելումուտ կարող է անել: Օրենքը անտեսելով՝ լսում են թե իրենց վերադասը ինչ կասի», - ասաց «Իրազեկ քաղաքացիների միավորում» ՀԿ-ի արագ արձագանքման խմբի պատասխանատու Գևորգ Ղահրամանյանը:

Հրազդանի Քաղաքացիական երիտասարդական կենտրոնի անդամ, դիտորդ Թագուհի Մարկոսյանի խոսքով ընտրատեղամասերում խախտումներ չեն արձանագրվել: «Ընտրակաշառքներ, մարդկանց տեղամաս բերել-տանել, դրանք բոլորը դրսում են եղել», - հավելեց նա: «Այն տեղամասում, որտեղ դիտարկել եմ ընտրությունները, ինքս չեմ արձանագրել կրկնակի քվերակության կամ ուրիշի տեղը քվերակելու դեպքեր: Սակայն համամիտ եմ, որ հանձնաժողովի անդամների, հատկապես նախագահի տեղեկացվածության խնդիր կար, քանի որ քվերակության օրը մամուլի, «Քաղաքացիական պայմանագիր» կուսակցության ներակայոցուցիչների ու հանձնաժողովի նախագահի միջև մի շարք տարաձայունթնուններ առաջ եկան: Դրանք պայմանավորված էին մամուլի ներկայացուցչի լիզաորությունների հետ, թե ինչ է նրան թույլատվրում, իսկ ինչը՝ ոչ», - եզրափակեց նա:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...