Եվս մեկ քայլ դեպի Եվրոպա. Հայաստան-Լիտվա երկկողմ հարաբերությունները Համապարփակ և ընդլայնված գործընկերության համաձայնագրի համատեքստում
01.10.2021
16:09
Եվրամիության և անդամ պետությունների հետ հարաբերությունների համատեքստում մեծ նշանակություն ունի նոր իրավական հենք հանդիսացող ՀՀ-ԵՄ Համապարփակ և ընդլայնված գործընկերության համաձայնագիրը՝ որպես նաև կարևոր գործիք Հայաստանում ընթացող բարեփոխումները խրախուսելու համար:
Ավելի քան երեք տարի առաջ՝ 2017-ի նոյեմբերի 24-ին Բրյուսելում ստորագրված համաձայնագիրն ուժի մեջ մտավ 2021-ի մարտի 1-ին: Լիտվան առաջին երկրներից էր, երրորդ երկիրը, որ վավերացրեց համաձայնագիրը (2018):

ՀՀ-ում Լիտվայի արտակարգ և լիազոր դեսպան Ն.Գ. տիկին Ինգա Ստանիտե-Տոլոչկիենեն ՀՀ 10 մարզերում գործող քաղաքացիական հասարակության կառույցների ներկայացուցիչների հետ հանդիպման ընթացքում անդրադարձավ Հայաստան-Լիտվա երկկողմ հարաբերություններին՝ ՀՀ-ԵՄ Համապարփակ և ընդլայնված գործընկերության համաձայնագրի համատեքստում: 

 

«Համաձայնագիրը շատ կարևոր է երկու երկրների համար, և 2021-ի մարտի 1-ին, երբ փաստաթուղթը ուժի մեջ մտավ, դեսպանատան տարածքում գտնվող հրեշտակը պատեցինք հայկական դրոշով: Սա խոսում է այն մասին, որ մենք միշտ պատրաստակամ ենք եղել այս ուղին միասին անցնելու համար», - նշեց ՀՀ-ում Լիտվայի արտակարգ և լիազոր դեսպանը: Ըստ նրա՝ Լիտվան Արևելյան գործընկերության կայացման և ամրապնդման ամենաակտիվ մասնակիցներից, ամենամեծ ջատագովներից մեկն է, և Համաձայնագիրը շատ կարևոր նոր հարթակ է նոր բարեփոխումների համար: 

Անդրադառնալով հարցին, թե ինչ նոր հնարավորություններ է տալիս համաձայնագիրը երկու երկրների հարաբերությունները զարգացնելու առումով, դեսպանը նշեց, որ համագործակցության հնարավոր տիրույթները, բարեփոխումների զարգացման հեռանկարները բավական շատ են: Համաձայնագիրը համագործակցություն ստեղծելու հնարավորություն է տալիս բոլոր ոլորտներում:  «Դրանցից առաջինը Եվրոպան Հայաստանին  և Հայաստանը Եվրոպային մոտեցնելու հնարավորությունն է, որը թույլ է տալիս համաձայնագիրը: Մենք շատ ենք  կարևորում համաձայնագրում առկա քաղաքականությանը վերաբերող դրույթները, որոնք առաջ են մղում հենց ժողովրդավարական արժեքների հաստատումը Հայաստանում»:  

 

Ըստ դեսպանի՝  այս պահին երկու երկրները համագործակցում են երկու հիմնական ուղղություններով՝ տրանսպորտի և շրջակա միջավայրի պահպանության: Ինգա Ստանիտե-Տոլոչկիենեն այս առումով կարևորեց դրական փորձի փոխանակումը Լիտվայի ու Հայաստանի փորձագետների միջև՝ արժեվորելով այդ ոլորտներում եվրոպական չափանիշների մոտեցումը Հայաստանին: 

30 տարի առաջ ՝ օգոստոսի 14 -ին, Լիտվայի Հանրապետության և Հայաստանի Հանրապետության միջև ստորագրվեց միջազգային հարաբերությունների պայմանագիրը: Հայաստանի անկախության 30-ամյակը համընկավ Հայաստան-Լիտվա հարաբերությունների 30-ամյակի հետ:   

Դեսպանի խոսքով երկու երկրների հարաբերությունները շատ ավելի վաղ են ձևավորվել, իսկ 30 տարին շատ լավ առիթ է վերանայելու անցած ճանապարհը,  տեսնել, թե ինչ ոլորտներ, կապեր կան, որ արդեն հաստատվել են և ինչ բացեր կան, որ պետք է լրացնել:   

«Հասարակությունները և երկրները դեռ 30 տարի առաջ սկսել են պայքարել այն ազատությունների համար, որոք մենք այսօր կարևորում ենք: Հենց այդ պատճառով  արխիվային լուսանկարներում կարելի է տեսնել Լիտվայի դրոշը Հայաստանում և հակառակը»: Ըստ դեսպանի՝ պատահական չէ երկու երկրների սերտ համագործակցությունը: Հայաստանն ու Լիտվան համընթաց մի ուղի են անցել ազգային վերածնունդը ապահովելու հարցում: «Միասնականությունը որպես արժեք շատ կարևոր է երկու երկրների համար, թեև որպես տարբեր հանրապետություններ տարբեր ուղիներ ենք անցել այս երեսուն տարիների ընթացքում, բայց կարծում եմ՝ միասնության մեր հավատարմությունը ժողովրդավարության ստեղծման կարևոր արժեքների ցայտուն օրինակն է»:   

Համաձայնագրի լիարժեք ուժի մեջ մտնելը համընկավ Հայաստանում առկա քաղաքական ճգնաժամի հետ:  Դեսպանի խոսքով՝ հայ-լիտվական  հարաբերությունների մեջ ամենակարևոր շարժիչ ուժը եղել է այն կարևոր դիմացկունությունը, որ Հայաստանը՝ որպես ժողովրադավարական երկիր, ցուցաբերեց այս գործընթացում:

Ինգա Ստանիտե-Տոլոչկիենեն հույս հայտնեց, որ այն ինչ տեղի ունեցավ անցյալում է, և երկու երկրները՝ Հայաստանն ու Լիտվան, նոր շնչով նոր հեռանկարներով կկարողանան առաջ շարժվել:

Լուսանկարներ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ