Ի՞նչ է կատարվում ՔԿՀ-ներում ԱԴ պայմաններում. միայն պաշտոնական տեղեկատվություն
25.03.2020
21:51
Մարտի 16-ին սահմանված Արտակարգ դրությունը սահմանափակումներ է նախատեսել նաև քրեակատարողական հիմնարկներում, ձերբակալվածներին պահելու վայրերում:

Մասնավորապես՝ 

Քրեակատարողական հիմնարկներում եւ ձերբակալվածներին պահելու վայրերում արգելվում են`հանձնուքներ, ծանրոցներ եւ փաթեթներ ստանալը եւ ուղարկելը, տեսակցություններ ունենալը (բացառությամբ տեսազանգից օգտվելու դեպքերի),
կրոնական ծեսերի կազմակերպումը եւ դրանց մասնակցելը:

Քրեակատարողական հիմնարկներում քրեակատարողական հիմնարկի առաջարկությամբ եւ պարետի ցուցումով համապատասխանաբար կարող են սահմանափակվել կամ արգելվել`զբոսանքները, քրեակատարողական հիմնարկի տարածքի սահմաններում եւ դրանից դուրս գտնվելը (այդ թվում՝ կարճաժամկետ մեկնելը), տարածքի սահմաններում տեղաշարժվելը, պարետի ցուցումով` այլ գործունեություն:

ԶԼՄ-ներն այսօր տեսանյութ էին տարածել, որում լսվում է, թե ինչպես են «Դատապարտյալների հիվանդանոց»-ից օգնության կանչեր լսվում https://news.am/arm/news/568298.html:

Քրեակատարողական ծառայությունն այսօր՝ ի պատասխան ԶԼՄ-ներում հայտնված տեղեկատվության, թե ՔԿՀ-ներում հայտնաբերված նոր կորոնավիրուսային հիվանդության դեպքերով պայմանավորված «Դատապարտյալների հիվանդանոց» ՔԿՀ-ում պահվող կալանավորված անձանց և դատապարտյալների բուժումը դադարեցվել է, և նրանք տեղափոխվում են այլ ՔԿՀ-եր,  հավաստիացրեց՝ ՙՔԿՀ-ներում  իրավիճակը լիովին վերահսկելի է։ Ներկա դրությամբ քրեակատարողական հիմնարկներից և որևէ մեկում COVID-19 կորոնավիրուսային հիվանդության հաստատված դեպքեր չեն արձանագրվել և այդ հիվանդությանը բնորոշ կլինիկական ախտանշաններով հիվանդներ չկան՚։

Այդուհանդերձ, որքանո՞վ է ՔԿՀ-ներում պաշտպանված կալանավորված անձանց և դատապարտյալների կյանքի և առողջության ապահովման գերակայության սկզբունքը, Արտակարգ դրության պայմաններում իրավապաշտպանները, դիտորդներն իրավունք ունե՞ն տեղում ծանոթանալու՝ իրավիճակին:
Իրավապաշտպան Նինա Կարապետյանցը ափսոսանք հայտնեց, որ իրավապաշտպան կառույցները  չունեն  մանդատ՝ մտնելու ՔԿՀ-ներ: Բոլոր այն իրավապաշտպաններին, որոնք նման ցանկություն ունեին, թույլատրվում էր մուտքը ՔԿՀ ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի կազմում միայն: ՙՄենք առաջարկել ենք ստեղծել ալտերնատիվ տարբերակ, հնարավորություն տալ բոլոր այն մասնագիտացած կառույցներին, որոնք աշխատում են ՔԿՀ-ների հետ, այնտեղ մտնելու և այլ ալտերնատիվ զեկույցներ ներկայացնելու: Ցավոք սրտի, այդպիսի առաջարկ նախկինում չէր ընդունվել: Ներկա իշխանություններին դեռևս առիթ չենք ունեցել առաջարկելու, սակայն փաստ է, որ մենք այսօր նման հնարավորություն չունենք: Այսօր նման մանդատ ունեն ընդամենը երկու կառույց՝ դիտորդական խումբը և ՄԻՊ գրասենյակը: Այսօր տարածվեց տեսանյութ՝ դատապարտյալների հիվանդանոցի հետ կապված, կա Արդարադատության նախարարության արձագանքը: Հուսամ այդ երկու՝ մանդատ ունեցող կառույցներն՝ իրենց հերթին, կմասնակցեն, կճշտեն ու հանրությանը տեղյակ կպահեն՝ ի՞նչ է կատարվում իրականում, քանի որ դա բավական անհանգստացնող է՚:
Հնարավո՞ր է բացառապես պաշտոնական տեղեկատվությամբ հավաստիանալ, որ ՔԿՀ-ներում չեն խախտվում դատապարտյալների իրավունքները՝ առողջության, կյանքի, հատկապես որ անգամ ո՜չ Արտակարգ դրության պայմաններում են արձանագրվում  իրավունքների ոտնահարման  դեպքեր: ՙ Եթե դա լիներ նախկինում, միանշանա՜կ կպատասխանեի, որ պաշտոնական տեղեկատվությունն ինձ չի կարող բավարարել կամ ընդունելի չէ ինձ համար: Գուցե անհրաժեշտություն լինի՝ բացի նախարարության արձագանքից, որպեսզի հանրությունը, բոլորս հարյուր տոկոսով վստահ լինենք, որ նման խնդիր չկա, հրատապ կարգով արձագանք լինի ՄԻՊ գրասենյակի աշխատակիցներից: Հասկանում եմ, որ բոլորս կարանտինի մեջ ենք, սակայն հաշվի առնելով ՔԿՀ-ներում տեղի ունեցող իրադարձությունները, բարքերը, գուցե հնարավորություն ստեղծեն ներկա գտնվենք և տեղում հասկանանք՝ ի՞նչ է կատարվում՚:

Զրույցի աուդիո տարբերակն ամբողջությամբ այստեղ՝ https://anchor.fm/media-center/episodes/--------by-Lilit-Avagyan-ebu2io 

Print Friendly and PDF
Այլ մամլո հաղորդագրություններ
«Տնտեսական կյանքը կարևոր է, մարդկանց կյանքերը՝ ավելի»
27.05.2020
15:30
Մայիսի 27-ին՝ ժամը 16:30-ին, Մեդիա կենտրոնը կազմակերպեց առցանց քննարկում «Տնտեսական կյանքը կարևոր է, մարդկանց կյանքերը՝ ավելի» թեմայով:
Ռամիլ Սաֆարովին Հունգարիա վերադարձնելու պահանջով ՄԻԵԴ ներկայացված գանգատով որոշումը կհրապարակվեց
26.05.2020
01:44
Մայիսի 26-ին՝ ժամը 15:30-ին, «Մեդիա կենտրոն»-ը տեսակապի միջոցով կազմակերպեց մամուլի ասուլիս «Ռամիլ Սաֆարովին Հունգարիա վերադարձնելու պահանջով ՄԻԵԴ ներկայացված գանգատով որոշումը կհրապարակվի» թեմայով:

COVID-19. միայն, խնդրում եմ, առանց խուճապի
25.05.2020
15:00
Այսօր՝ մայիս 25-ին, Մեդիա կենտրոնը անցկացրեց առցանց հարցազրույց «Նորք» ինֆեկցիոն կլինիկական հիվանդանոցի վարակաբան, լյարդաբան Հասմիկ Ղազինյանի հետ:
«Զբոսաշրջությունը Հայաստանում COVID-19-ի պայմաններում»
21.05.2020
18:00
Մայիսի 21-ին, ժամը 18:00-ին, Մեդիա կենտրոնը կազմակերպեց առցանց քննարկում «Զբոսաշրջությունը Հայաստանում COVID-19-ի պայմաններում» թեմայով:

«Ո՞ր տարիքից և ինչպե՞ս երեխան կարող է պաշտպանվել սեռական ոտնձգություններից»
18.05.2020
14:00
Մայիսի 18-ին՝ ժամը 14:00-ին, «Մեդիա կենտրոն»-ը տեսակապի միջոցով կազմակերպեց քննարկում «Ո՞ր տարիքից և ինչպե՞ս երեխան կարող է պաշտպանվել սեռական ոտնձգություններից» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Հունիսի 1, 14:30
Քննարկում
«Վեթինգ լինելու է, բայց ինչպե՞ս»
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ