«ՀԿ-ների հաշվետվողականության անհարկի բարձրացո՞ւմ․ ինչո՞ւ է «Հասարակական կազմակերպությունների մասին» ՀՀ օրենքում փոփոխություններ կատարելու մասին նախագիծը կրկին հայտնվել օրակարգում»
12.03.2020
12:00
Մարտի 12-ին՝ ժամը 12:00-ին, «Մեդիա կենտրոն»-ում տեղի ունեցավ քննարկում «ՀԿ-ների հաշվետվողականության անհարկի բարձրացո՞ւմ․ ինչո՞ւ է «Հասարակական կազմակերպությունների մասին» ՀՀ օրենքում փոփոխություններ կատարելու մասին նախագիծը կրկին հայտնվել օրակարգում» թեմայով:

Բանախոսներն էին՝

Արթուր Հովհաննիսյան՝ ԱԺ «Իմ քայլը» խմբակցության պատգամավոր

Դավիթ Ամիրյան՝ «Բաց հասարակության հիմնադրամներ-Հայաստանի» ծրագրերի գծով փոխտնօրեն

Արման Ղազարյան՝ ՀՀ ՊԵԿ ոչ առևտրային կազմակերպությունների հսկողության բաժնի պետ

Արթուր Սաքունց՝ Հելսինկյան քաղաքացիական ասամբլեայի Վանաձորի գրասենյակի ղեկավար

Մովսես Արիստակեսյան՝ «Տնտեսական իրավունքի կենտրոն» ՀԿ նախագահ

Խոսելով օրենքի անհրաժեշտության մասին՝ ԱԺ «Իմ քայլը» խմբակցության պատգամավոր Արթուր Հովհաննիսյանը ասաց․ «Ես ուզում եմ, որ առաջին պլանում լինի հանրության պահանջը, որ ՀԿ-ները բաց ու թափանցիկ լինեն առաջին հերթին հանրության առջև, ոչ թե պետության, քանի որ պետությունը որևէ ՀԿ-ի հետ կապված կասկածների դեպքում կարող է հարցումների կամ այլ իրավական մեխանիզմների միջոցով ճշտումներ անել»։

ՀՀ ՊԵԿ ոչ առևտրային կազմակերպությունների հսկողության բաժնի պետ Արման Ղազարյանը նշում է, որ այս նախագծի միակ նապատակն է հանրային հաշվետվողականության ապահովման բարձրացումը։ Պարոն Ղազարյանը հավաստիացնում է, որ իր աշխատանքային գործունեության ընթացքում երբևէ ոչ մի կազմակերպություն, թե հասարակական, թե հիմնադրամ, չի ենթարկվել որևէ միջամտության, և նման նպատակ չեն հետապնդում։

«Բաց հասարակության հիմնադրամներ- Հայաստանի» ծրագրերի գծով փոխտնօրեն Դավիթ Ամիրյանը դեմ է այս օրենքի նախագծին․ «Ես ուզում եմ մի օրինակ բերել, որը ցույց է տալիս հասարակական կազմակերպությունների մասին մեր հասարակության տպավորությունները։ ՀՀ քաղաքացիները վերջին հարցումների ժամանակ որպես կոռուպցիայի դեմ պայքարող ամենաարդյուավետ մարմին նշել են հասարակական կազմակերպությունները։ Մեր հասարակությունը առանց հարկային տեսչության ենթակայաության տակ գտնվող մարմնի արդեն իր կարծիքը տվել է ՀԿ-ների մասին։ Եթե մենք ուսումնասիրեինք հասարակական կարծիքը կանանց իրավուքների զբաղվելու, երեխաների իրավունքների, կրթության հարցերով զբաղվելու հետ կապված, հավատացեք առաջին տեղում էլի կլինեին հասարակական կազմակերպությունները և դրա համար ունենալ հիմնավորում, որ ստեղծում ենք մի հարթակ, որտեղ մարդիկ կմտնեն կտեսնեն՝ ով ինչով է զբաղվում, որևիցէ կապ էսօրվա մեր հասարակության տեղեկացվածության մակարդակի հետ ՀԿ-ների գործունեության մասին չունի։ Բովանդակային հաշվետվություն պահանջել ՀԿ-ներից պետության գործը չէ, բոլոր ՀԿ-ները հաշվետու են իրենց ֆինանսավորող կազմակերպությանը»։

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը կարծում է, որ այս օրենքի նախագիծը իրավական հիմքեր չունի։ «Հանրային մարմինների նկատմամբ կարող է լինել հաշվետու և թափանցիկ լինելու պահանջ, մասնավոր և քաղաքացիական միավորումների նկատմամբ կարող է լինել միմիայն օրենքով սահմանված գործունեություն, բայց այս օրենքը բովանդակությամբ իրավական չէ, սա սողանք է թողնում հետագայում որևէ անբարեխիղճ պաշտոնյայի կողմից հետապնդում իրականացնել որևէ ՀԿ-ի նկատմամբ»։

Տեսանյութ
Print Friendly and PDF
Այլ մամլո հաղորդագրություններ
Կրթություն հանուն փոփոխությունների - լրագրողական մրցույթ
22.09.2020
17:00
Սեպտեմբերի 22-ին՝ ժամը 17:00-ին, «Մեդիա կենտրոն»-ում տեղի ունեցավ տեղեկատվական առցանց հանդիպում նվիրված «Կրթություն հանուն փոփոխությունների - լրագրողական մրցույթին»:


«Անկախություն. ձեռք բերելը բարդ էր, պահպանելն՝ ավելի»
21.09.2020
14:00
Սեպտեմբերի 21-ին, ժամը 14:00-ին, Մեդիա կենտրոնը Վանաձոր քաղաքի «Կիրովական» հյուրանոցում կազմակերպեց հանրային քննարկում «Անկախություն. ձեռք բերելը բարդ էր, պահպանելն՝ ավելի» թեմայով:

«Մեր սոցիալական իմունիտետը» ֆիլմի դիտում-քննարկում Գյումրիում
18.09.2020
14:00
Սեպտեմբերի 18-ին՝ ժամը 14:00-ին, «Մեդիա կենտրոն»-ը Շիրակի թեմի Սոցիալ-կրթական կենտրոնում կազմակերպեց «Մեր սոցիալական իմունիտետը» վերտառությամբ ֆիլմի դիտում-քննարկում։

«Ոստիկանությունում խոշտանգումները շարունակվում են․ այս անգամ զոհը աշխարհի չեմպիոն Արմեն Ղազարյանն է»
17.09.2020
12:00
Սեպտեմբերի 17-ին՝ ժամը 12:00-ին, «Մեդիա կենտրոն»-ում տեղի ունեցավ մամուլի ասուլիս «Ոստիկանությունում խոշտանգումները շարունակվում են․ այս անգամ զոհը աշխարհի չեմպիոն Արմեն Ղազարյանն է» թեմայով։

Դատավորների տեղափոխությունից ՍԴ հանդեպ վստահությունը չի ավելանում. թե՞ այդպես չէ
16.09.2020
12:00
Սեպտեմբերի 16-ին, ժամը 12:00-ին, Մեդիա կենտրոնը կազմակերպեց առցանց քննարկում «Դատավորների տեղափոխությունից ՍԴ հանդեպ վստահությունը չի ավելանում. թե՞ այդպես չէ» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Սեպտեմբերի 24, 12:00
Հարցազրույց
Վատ խաղաղությու՞ն, թե՞ լավ պատերազմ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...