«Հասարակություններին խաղաղությանը պատրաստելու օրակարգը տարածաշրջանում. ինչպե՞ս և ե՞րբ»
10.05.2019
11:00
Մեդիա կենտրոն, Երևան: Քաղաքացիական հասարակության ներկայացուցիչների կարծիքով՝ Հայաստանի և Ադրբեջանի հասարակություններին խաղաղությանը պատրաստելու գործընթացում մեծ դեր ունեն կատարելու թե կառավարությունը, թե մեդիան, թե հասարակական կազմակերպությունները:

Այս մասին մայիսի 10-ին «Մեդիա կենտրոնում» տեղի ունեցած քննարկմանը կարծիք հայտնեցին «Democracy today» ՀԿ հիմնադիր Գյուլնարա Շահինյանը, Հետազոտական ռեսուրսների կովկասյան կենտրոնի (CRRC) գործադիր տնօրեն Հեղինե Մանասյանը և Հելսինկյան քաղաքացիական ասամբլեայի հայկական կոմիտե ՀԿ-ի նախագահ Նատալյա Մարտիրոսյանը։

ԵԱՀԿ Մինսկի խմբի միջնորդները հունվարի 16-ին Փարիզում Հայաստանի և Ադրբեջանի արտգործնախարարների հանդիպումիցհետո հայտարարեցին՝  նախարարները համաձայնել են, որ անհրաժեշտ է կոնկրետ քայլեր կատարել հասարակություններին խաղաղության պատրաստելու համար։

Քննարկման մասնակիցների խոսքով՝ Մինսկի խմբի միջնորդների հայտարարությունից հետո գործողությունների առումով որևէ տեղաշարժ չկա: Հելսինկյան քաղաքացիական ասամբլեայի հայկական կոմիտե ՀԿ-ի նախագահ Նատալյա Մարտիրոսյանն ընդգծեց, որ երկար տարիների ընթացքում կառավարության, քաղաքական բարձր շերտերի ու հասարակության մեջ երբևէ քննարկում տեղի չի ունեցել հասարակություններին խաղաղության  պատրաստելու հարցի շուրջ։

«Ցանկացած տրամաբանող մարդու եթե հարցնեք՝ խաղաղություն ես ուզում, թե պատերազմ, կասի՝ խաղաղություն, և դա նորմալ է։ Սակայն որոշակի պարզաբանումներ են անհաժեշտ՝ ինչ բովանդակություն ենք դնում այս խաղաղության գաղափարի մեջ։ Պետք է հարթակ ստեղծել, որպեսզի հասարակ մարդիկ, քաղհասարակյության ներկայացուցիչները և պետությունը կարողանան պարզել՝ ինչ է խաղաղությունը, ինչի համար է»,- ասաց Նատալյա Մարտիրոսյանը։

Բանախոսը կարևորեց նախևառաջ Արցախի ու Հայաստանի քաղհասարակության համագործակցությունը՝ ընդգծելով, որ հայկական երկու պետությունների բնակիչները լավ չեն ճանաչում միմյանց, հարցի շուրջ չգիտեն միմյանց  մոտեցումների մասին:

Հետազոտական ռեսուրսների կովկասյան կենտրոնի (CRRC) գործադիր տնօրեն Հեղինե Մանասյանի կարծիքով՝ հասարակությանը խաղաղության պետք է պատրաստել նախ մտքով, իսկ միտքը կարող է թունավորել մեդիան, քարոզչությունը։

«Երբ նայում ենք ադրբեջանական հռետորաբանությանը, դեռ դասագրքերից սերմանվում է հայատյացություն, մտայնություն, որ հայերը թշնամիներ են: Հայաստանի պարագայում մի քիչ տարբեր է, քանի որ մեր երկիրը դիտարկվում է որպես Ղարաբաղյան պատերազմում շահած կողմ, ադրբեջանատյացությունն այդքան զարգացած չէ», -նշեց Մանասյանը:

Ըստ նրա՝ թեև կենտրոնը ընտրանքային հետազոտական աշխատանքներ է կատարում Հայաստանում,Վրաստանում և Ադրբեջանում, սակայն 2013-ից հետո հարցումներ հնարավոր չի եղել կատարել հանրային ոլորտի ճնշվածության պատճառով:

Նատալյա Մարտիրոսյանի կարծիքով՝ հասարակություններին խաղաղության պատրաստելու հայտարարությունը թեև դեկլարատիվ բնույթ է կրում, սակայն կարևոր ու դրական է։

«Այս հայտարարությամբ Մինսկի խմբի, հայաստանյան և  ադրբեջանական քաղաքական վերնախավը շեշտում է այն հանագամանքը, որ հակամարտությունը պետք է լուծել միմիայն խաղաղ ճանապարհով։ Բայց նաև թաքնված միտք կա այս նախադասության մեջ. քաղաքական վերնախավը պատրաստ է խաղաղության, խանգարող հագամանքը հասարակութունն է, որ պատրաստ չէ։ Այստեղ հարցական կդնեմ։ Ճիշտ է, պետք է նախապատրաստել հասարակություններին, բայց պետք է քաղաքական համառություն և հետևողականություն ունենալ», - ասաց Հելսինկյան քաղաքացիական ասամբլեայի հայկական կոմիտե ՀԿ-ի նախագահը:

«Democracy today» ՀԿ հիմնադիր Գյուլնարա Շահինյանն էլ նշեց, որ եթե նախկինում հայաստանյան ու ադրբեջանական քաղհասարակության ներկայացուցիչները կարողանում էին մեկ առ մեկ հանդիպել, հիմա կրկին այն փուլում են, որ երկխոսության համար հարկավոր է միջազգային կառույց: Կարևորելով քաղհասարակության համագործակցությունը, Գյուլնարա Շահինյանը մտահոգություն հայտնեց այդ առչությամբ:

«Երկխոսության անընդհատ գալիս են նույն մարդիկ: Ադրբեջանը չի լայնացնում իր սպեկտորը: Հարց է առաջանում, թեդա ինչպես է հետադարձ աշխատում, արդյոք տեղեկատվությունը չի մնում այդ կազմակերպության կամ մարդու շրջանակում»,- նշեց Շահինյանը:

Հայաստանյան քաղհասարակության ներկայացուցիչների խոսքով՝ ադրբեջանցի գործընկերների հետ հանդիպումներում տեղեկացել են, որԱդրբեջանում քաղաքացիական սեկտորի նկատմամբ շատ խիստ կարգավորումները թուլացնելու միտում կա, ինչը ըստ նրանց, հետևանք է տնտեսական վիճակի թուլացման: Համընդհանուր դժգոհությունը մեծացնելու խաթարում է վստահությունը իշխանությունների նկատմամբ:

ՀԿ ներկայացուցիչների խոսքով՝ այս իրավիճակն ինչ-որ չափով նպաստավոր է խաղաղության հասնելու համար, քանի որ իշխանության ռազմատենչ կոչերը հանրային աջակցություն հնարավոր է չստանան:

 

 

Տեսանյութ
Print Friendly and PDF
Այլ մամլո հաղորդագրություններ
Աշխատանք, թե պատվաստում․ ո՞ր տարբերակը կընտրեն քաղաքացիները
16.09.2021
17:41
Հեղինակ՝ Սոֆի Թովմասյան

Հոկտեմբերի 1-ից, աշխատող այն քաղաքացիները, որոնք պատվաստված չեն, պետք է ամսվա ընթացքում 2 անգամ ՊՇՌ թեստի բացասական պատասխան ներկայացնեն իրենց գործատուին։

Պատվաստման սերտիֆիկատ կամ ՊՇՌ թեստ չներկայացնելն ըստ Արդարադատության նախարարության՝ «Հանրային ծառայության մասին» օրենքում փոփոխություններ կատարելու մասին նախագծի սահմանվել է իբրև հանրային պաշտոնյային աշխատանքից ազատելու հիմք։
Աշխատանքային իրավունքների պաշտպանության գործընթացը Հայաստանում
07.09.2021
16:01
Հեղինակ՝ Սոֆի Թովմասյան

Կորոնավիրուսային համավարակը «ջրի երես դուրս բերեց» գործատու-աշխատող հարաբերություններում առկա բազմաթիվ խնդիրներ՝ դառնալով խախտումների բացահայտման ու վեճերի առաջացման պատճառ։ Ամեն բան սկսվեց նրանից, որ Կառավարության կողմից հայտարարված աջակցության ծրագերից օգտվել ցանկացող աշխատողները պարզեցին, որ իրենք իրականում գրանցված աշխատողներ չեն և չունեն աշխատանքային պայմանագրեր։
Ներքաղաքական լարվածության արտաքին քաղաքական ազդեցությունը
02.09.2021
12:00
Սեպտեմբերի 2-ին, ժամը 12:00-ին, Մեդիա կենտրոնում տեղի ունեցավ քննարկում՝ «Ներքաղաքական լարվածության արտաքին քաղաքական ազդեցությունը» թեմայով:
Հայաստանի ինքնիշխանություն. չափազանցությու՞ն է
01.09.2021
12:00
Սեպտեմբերի 1-ին, ժամը 12:00-ին, Մեդիա կենտրոնում, Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ զրուցեցինք «Հայաստանի ինքնիշխանություն. չափազանցությու՞ն է» թեմայով:
Բիրտ ուժի կիրառում ոստիկանների կողմից. պողպատե մանդատ ընդդեմ քաղաքացիների՞
31.08.2021
12:00
Օգոստոսի 31-ին՝ ժամը 12:00-ին, Մեդիա կենտրոնը անցկացրեց առցանց քննարկում «Բիրտ ուժի կիրառում ոստիկանների կողմից. պողպատե մանդատ ընդդեմ քաղաքացիների՞» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ