«Խոշտանգումներ և բռնություններ բանակում. ինչպե՞ս բարեփոխել իրավիճակը»
08.04.2019
12:00
Մեդիա կենտրոն, Երևան: Ապրիլի 8-ին Մեդիա կենտրոնում տեղի ունեցավ քննարկում «Խոշտանգումներ և բռնություններ բանակում. ինչպե՞ս բարեփոխել իրավիճակը» թեմայով, որին մասնակցում էին «Լրագրողներ հանուն մարդու իրավունքների» ՀԿ-ի նախագահ, իրավապաշտպան Ժաննա Ալեքսանյանը, ՄԻՊ գրասենյակի Զինծառայողների և նրանց ընտանիքների անդամների իրավունքների պաշտպանության բաժնի պետ Ռազմիկ Մարիկյան և Հելսինկյան ասոցիացիայի փաստաբան Արա Ղարագյոզյանը:

«Հայաստանի բարձրագույն իշխանությունը պետք է առաջին հերթին նվիրի իր գործունեությունը բանակին, առողջական խնդիրներով առաջացած դեպքերին, բռնության դեպքերին և փոխի այդ իրավիճակը: Ինչքան կարող են զինվորները սպանվել և ինքնասպանվել, դժվար չէ այս  հարցերի կարգավորումը, պետությունը պետք է կամք դրսևորի, ինչը մենք չենք տեսնում»,-ասաց Ժաննա Ալեքսանյանը Մեդիա կենտրոնի քննարկմանը:

ՀՀ զինված ուժերում շարունակվում են ամեն տարի գրանցվել խաղաղ պայմաններում մահվան դեպքեր, ինչպես նաև հրամանատարական կազմի կողմից զինծառայողների նկատմամբ խոշտանգումների, հոգեբանական, ֆիզիկական բռնության, նրանց նկատմամբ անմարդկային կամ դաժան վերաբերմունքի դրսևորման դեպքեր: Ըստ պաշտոնական վիճակագրության` մահվան դեպքերի պատճառների մեջ ամեն տարի գրանցվում են ինքնասպանության կամ ինքնասպանության դրդման դեպքեր:

ՀՔԱ Վանաձորի գրասենյակի 2018 թվականին ՀՀ և ԱՀ /ԼՂ/ զինված ուժերում մահացության դեպքերի մասին հրապարակված տեղեկանքում նշվում է, որ ՀՀ պաշտպանության նախարարության և ՀՀ զինվորական դատախազության 2018թ. տվյալների համաձայն՝  բանակում մահացության 63 դեպքերից  38-ը կապված են զինվորական ծառայության հետ, իսկ 25-ը՝ ոչ, մինչդեռ ՀՀ քննչական կոմիտեի տվյալներով՝ 50 զինծառայողի  մահացության դեպքից 37-ն են կապված  զինվորական ծառայության հետ, 13-ը՝ ոչ:

2018 թ.-ին հրադադարի ռեժիմի խախտման հետևանքով զոհերը 7-ն են, իսկ ոչ մարտականը՝ 56-ը: Ոչ մարտական մահացությունների թվում մեծ թիվ են կազմում ավտովաթարի հետեւանքով մահացությունները /17/, առողջական խնդիրներով պայմանավորված մահացությունները /13/ եւ ինքնասպանություններ որակված դեպքերը /11/: 

Ըստ վիճակագրական տվյալների` 2017 թ-ի համեմատ 2018 թ-ին հրադադարի ռեժիմի խախտման հետեւանքով մահացության դեպքերը նվազել են մոտ երեք անգամ (16-ով), 1-ով աճել է ինքնասպանություն որակված դեպքերի թիվը, ավելի քան 40 %-ով աճել են առողջական խնդիրների հետեւանքով մահացության դեպքերը եւ ավելի քան կրկնակի անգամ ավտովթարի հետեւանքով մահացության դեպքերի թիվը։

Ժաննա Ալեքսանյանն ասում է, որ 2019 թ-ին բանակում արդեն գրանցվել է 11 մահվան դեպք:  

«Հեղափոխությունից հետո բանակի հանդեպ բացարձակ անտարբերություն է:  Նույն վիճակն է, ոչինչ չի փոխվել: Սպայական կազմը դուրս է վերահսկողությունից և պատասխանատվությունից: Առողջական խնդիրները ՊՆ-ի կողմից պատշաճորեն չեն վերահսկվում, զինվորները չեն ստանում պատշաճ բուժում, որ վերականգնեն կորցրած առողջությունը: Երբ զինվորի առողջական խնդրի մասին հարց է առաջանում, ՊՆ-ն դա դիտարկում է որպես սիմուլյանտություն: Պաշտպանության նախարարությունը խուսափում է պատասխանատվությունից, իսկ քննչական մարմինների անտարբեր և դանդաղկոտ վերաբերմունք են ցուցաբերում: Քննությունների անցկացման առումով բռնի մթնոլորտ և անպատժելիություն կա»,-ասում է Ալեքսանյանը:

Արա Ղարագյոզյանն էլ ասում է, որ  ԵԽ որոշումները մնում են թղթի վրա, ոչ քննչական կոմիտեն, ոչ դատախազությունը չեն գործածում դրանք:

«Թե՛ նախկին, թե՛ ներկայիս իշխանությունները քայլեր չեն ձեռնարկում բանակում անպատժելիությունը վերացնելու ուղղությամբ: Ովքեր դաժան վերաբերմունք են ցուցաբերում, շարունակում են ծառայել բանակում և շփվել մյուս զինվորների հետ: Քանի դեռ անպատժելիություն է տիրում, խոշտանգում կիրառողը, կյանքից զրկողը քրեական պատասխանատվության չի ենթարկվում, այս իրավիճակը կշարունակվի»,-ասաց Ղարագյոզյանը:

Ռազմիկ Մարիկյանն էլ շեշտում է, որ պետությունը պետք է կյանքի իրավունքի ապահովման ուղղությամբ հստակ և տեսանելի քայլեր անի:

«Հասարակությանը սեղմ ժամկետներում պետք է վստահելի աղբյուրներից տեղեկատվություն տրամադրվի, որպեսզի չստուգված այլ աղբյուրներից ինֆորմացիա չհասնի»:

Նա նշեց նաև միջազգային չափանիշները, որոնք պետք է պահպանվեն նման գործերը քննելիս. անկախ մարմինների կողմից գործերի քննություն, պետության կողմից ապացույցներ հավաքելու պատշաճ ընթացակարգ, անհապաղ և ողջամիտ ժամկետներում գործերի քննություն և մանրակրկիտ քննության իրականացում:

Քննարկման վերջում բանախոսները ուղղեցին իրենց առաջարկները պատկան կառույցներին իրավիճակը զինված ուժերում բարեփոխելու ուղղությամբ. անպատժելիության վերացում, հաշվետվողականություն և թափանցիկություն, զինված ուժերում կարգապահության ուժեղացում, կարգապահական կանոնագրքի փոփոխություն, անհատական հոգեբանական աշխատանքներ զինծառայողների հետ, աղջամիտ ժամկետներում գործերի քննություն և հանրության իրազեկում:

Տեսանյութ
Print Friendly and PDF
Այլ մամլո հաղորդագրություններ
Հայաստան-Սփյուռք փոխհարաբերություններ. ինչպե՞ս ավելի արդյունավետ, վստահելի ու անկեղծ դարձնել
30.11.2021
14:00
Դեկտեմբերի 2-ին, ժամը 15:00-ին, Մեդիա կենտրոնում տեղի ունեցավ հարցազրույց Սփյուռքի գործերի գլխավոր հանձնակատար Զարեհ Սինանյանի հետ: Թեման՝ «Հայաստան-Սփյուռք փոխհարաբերություններ. ինչպե՞ս ավելի արդյունավետ, վստահելի ու անկեղծ դարձնել»:
Եզրակացություններ Սոչիում կայացած եռակողմ հանդիպումից
29.11.2021
13:00
Նոյեմբերի 29-ին, ժամը 13:00-ին, Մեդիա կենտրոնում տեղի ունեցավ հարցազրույց Մարդկային զարգացման միջազգային կենտրոնի տնօրեն Թևան Պողոսյանի հետ: Թեման՝ «Եզրակացություններ Սոչիում կայացած եռակողմ հանդիպումից»:
Տնօրենները կվերապատրաստվեն. ԿԳՄՍՆ-ն ներկայացրել է նախադպրոցական հաստատությունների տնօրենների հավաստագրման կարգը
26.11.2021
16:00
Նոյեմբերի 26-ին, ժամը 16:00-ին, Մեդիա կենտրոնը կազմակերպեց առցանց քննարկում՝ «Տնօրենները կվերապատրաստվեն. ԿԳՄՍՆ-ն ներկայացրել է նախադպրոցական հաստատությունների տնօրենների հավաստագրման կարգը» թեմայով:
էկոլոգիական ռիսկեր, խնդիրներ Լոռու, Արարատի, Սյունիքի, Արագածոտնի մարզերում, անհրաժեշտ բարեփոխումների կարիքը Հայաստանում
26.11.2021
11:00
Նոյեմբերի 26-ին՝ ժամը 11:00-ին, Մեդիա կենտրոնում տեղի ունեցավ քննարկում «էկոլոգիական ռիսկեր, խնդիրներ Լոռու, Արարատի, Սյունիքի, Արագածոտնի մարզերում, անհրաժեշտ բարեփոխումների կարիքը Հայաստանում» թեմայով:
Բանախոսներ՝
Օլեգ Դուլգարյան, «Համայնքային համախմբման եւ աջակցության կենտրոն» ՀԿ նախագահ, իրավապաշտպան
Նազելի Վարդանյան, փաստաբան, բնապահպան,
Ինգա Զարաֆյան, «ԷկոԼուր» տեղեկատվական ՀԿ-ի նախագահ
Հայաստանի անվտանգության բանալիները Հայաստանու՞մ են, թե՞ Հայաստանից դուրս. ունե՞նք այս հարցի պատասխանը
24.11.2021
14:00
Նոյեմբերի 24-ին, ժամը 14:00-ին, Մեդիա կենտրոնում տեղի ունեցավ հարցազրույց քաղաքագետ Սարո Սարոյանի հետ՝ «Հայաստանի անվտանգության բանալիները Հայաստանու՞մ են, թե՞ Հայաստանից դուրս. ունե՞նք այս հարցի պատասխանը» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ