«Աուտիզմ ունեցող երեխաների կրթությունը հանրակրթական դպրոցներում. ներառականության խնդիրները»
02.04.2019
12:00
Մեդիա կենտրոն, Ապրիլի 2, Երևան: Աուտիզմի համաշխարհային օրվա կապակցությամբ ոլորտի մասնագետները, օրենսդիր և գործադիր մարմնի ներկայացուցիչները Մեդիա կենտրոնում քննարկեցին աուտիզմ ունեցող երեխաների կրթության և ներառականության հետ կապված խնդիրները:

Քննարկմանը մասնակցում էին «TMM – Սովորեցրու ինձ ավելին» ուսուցման և զարգացման կենտրոնի ղեկավար Լենա Հարությունյանը, ՀՀ ԿԳ նախարարության Հանրակրթության վարչության գլխավոր մասնագետ Անահիտ Մուրադյանը, «Հույսի կամուրջ» ՀԿ նախագահ Սուսաննա Թադևոսյանը, ՀՀ ԱԺ «Իմ քայլը» խմբակցության պատգամավոր, Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի անդամ Սոֆիա Հովսեփյանը, «Լուսե» հաշմանդամություն ունեցող երեխաների սոցիալ-վերականգնողական կենտրոնի էրգոթերապիստ Գայանե Հովհաննիսյանը:

Սուսաննա Թադևոսյանի կարծիքով՝ այսօր լուրջ խնդիր են մարդկանց մտածելակերպը և ծնողների շրջանում առկա կանխակալ վախերն ու կարծրատիպերը. «Երեխայի հետ տարվող աշխատանքի հիմքում տեսնում են երեխայի դիագնոզը, մինչդեռ կրթությունը պետք է տեսնի երեխայի ուժեղ կողմերն ու հնարավորությունները»:

Խոսելով խնդիրների մասին՝ Լենա Հարությունյանը նշեց, որ դժվարություններ են լինում սկսած մանկապարտեզային տարիքից, երբ երեխան խնդիրների է բախվում հաղորդակցական հմտություններ ձեռք բերելու հարցում, իսկ դպրոցում առանց այդ հմտությունների չի կարողանում ներառվել:

Ըստ բանախոսների՝ լուրջ խնդիր է նաև ուսուցիչների վերապատրաստումը և առանձնահատուկ ծրագրերի ներդրումը:

«Ուսուցչի համար դժվար է երեսուն երեխայի հետ նաև մի քանի կրթության առանձնահատուկ պայմանների կարիք ունեցող երեխայի ներառել, բայց խնդիր ունենք ապահովել այդ երեխաների շփումը իրենց ընկերների հետ»,- նշում է Լենա Հարությունյանը:

Սոֆիա Հովսեփյանը բարձր գնահատեց Հայաստանի գրանցած արդյունքները ներառական կրթության ոլորտում. «Այն ձեռքբերումները, որոնք մենք ունեցանք Հայաստանի պես կարծրատիպային երկրում, ոչ մի այլ երկիր չունի, մենք այս առումով մրցակցային ենք: Այն հանգամանքը, որ Հայաստանի հեռավոր համայնքներում գործում է ներառական կրթությունը և մարդիկ դրական են համարում դա, արդեն իսկ մեծ առաջընթաց է»:

Անահիտ Մուրադյանն էլ իր հերթին խոսեց հասարակության մտածելակերպի մեջ կատարված փոփոխությունների մասին՝ ընդգծելով բազմազանության ընկալման կոնցեպտի կարևորությունը. «Տասը տարի առաջ մենք օգտագործում էինք հանդուրժողականություն բառը, իսկ այսօր դրան փոխարինում է բազմազանություն բառը, այսօր արդեն նոր սերնդի համար ընկալելի է բազմազանություն բառի կոնցեպտը»:

Ամփոփելով քննարկումը՝ հանդիպման բանախոսները կարևորեցին համընդհանուր ներառականության գաղափարը, որը հիմնված պետք է լինի ոչ թե երեխայի խնդիրների, այլ կարողությունների վրա:

 

Տեսանյութ
Print Friendly and PDF
Այլ մամլո հաղորդագրություններ
Հայաստան-Սփյուռք փոխհարաբերություններ. ինչպե՞ս ավելի արդյունավետ, վստահելի ու անկեղծ դարձնել
30.11.2021
14:00
Դեկտեմբերի 2-ին, ժամը 15:00-ին, Մեդիա կենտրոնում տեղի ունեցավ հարցազրույց Սփյուռքի գործերի գլխավոր հանձնակատար Զարեհ Սինանյանի հետ: Թեման՝ «Հայաստան-Սփյուռք փոխհարաբերություններ. ինչպե՞ս ավելի արդյունավետ, վստահելի ու անկեղծ դարձնել»:
Եզրակացություններ Սոչիում կայացած եռակողմ հանդիպումից
29.11.2021
13:00
Նոյեմբերի 29-ին, ժամը 13:00-ին, Մեդիա կենտրոնում տեղի ունեցավ հարցազրույց Մարդկային զարգացման միջազգային կենտրոնի տնօրեն Թևան Պողոսյանի հետ: Թեման՝ «Եզրակացություններ Սոչիում կայացած եռակողմ հանդիպումից»:
Տնօրենները կվերապատրաստվեն. ԿԳՄՍՆ-ն ներկայացրել է նախադպրոցական հաստատությունների տնօրենների հավաստագրման կարգը
26.11.2021
16:00
Նոյեմբերի 26-ին, ժամը 16:00-ին, Մեդիա կենտրոնը կազմակերպեց առցանց քննարկում՝ «Տնօրենները կվերապատրաստվեն. ԿԳՄՍՆ-ն ներկայացրել է նախադպրոցական հաստատությունների տնօրենների հավաստագրման կարգը» թեմայով:
էկոլոգիական ռիսկեր, խնդիրներ Լոռու, Արարատի, Սյունիքի, Արագածոտնի մարզերում, անհրաժեշտ բարեփոխումների կարիքը Հայաստանում
26.11.2021
11:00
Նոյեմբերի 26-ին՝ ժամը 11:00-ին, Մեդիա կենտրոնում տեղի ունեցավ քննարկում «էկոլոգիական ռիսկեր, խնդիրներ Լոռու, Արարատի, Սյունիքի, Արագածոտնի մարզերում, անհրաժեշտ բարեփոխումների կարիքը Հայաստանում» թեմայով:
Բանախոսներ՝
Օլեգ Դուլգարյան, «Համայնքային համախմբման եւ աջակցության կենտրոն» ՀԿ նախագահ, իրավապաշտպան
Նազելի Վարդանյան, փաստաբան, բնապահպան,
Ինգա Զարաֆյան, «ԷկոԼուր» տեղեկատվական ՀԿ-ի նախագահ
Հայաստանի անվտանգության բանալիները Հայաստանու՞մ են, թե՞ Հայաստանից դուրս. ունե՞նք այս հարցի պատասխանը
24.11.2021
14:00
Նոյեմբերի 24-ին, ժամը 14:00-ին, Մեդիա կենտրոնում տեղի ունեցավ հարցազրույց քաղաքագետ Սարո Սարոյանի հետ՝ «Հայաստանի անվտանգության բանալիները Հայաստանու՞մ են, թե՞ Հայաստանից դուրս. ունե՞նք այս հարցի պատասխանը» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ