Հյուսիսային պողոտայի նախկին բնակիչները պահանջում են լրացուցիչ փոխհատուցում
28.03.2019
12:00
Մեդիա կենտրոն, Մարտի 28,Երևան: Հյուսիսային պողոտայի նախկին բնակիչները հավելյալ փոխհատուցում ստանալու պահանջ են ներկայացնում ներկայիս քաղաքային իշխանություններին:

Երևան քաղաքի Հյուսիսային պողոտայի և Բյուզանդի 9 հասցեի բնակարանները դեռևս 2000-ականներին ճանաչվել են հանրային գերակա շահ և նախկին բնակիչներից օտարվել: Ըստ նախկին բնակիչների տեղեկությունների`այդ բնակարանների մի քանի նախկին սեփականատերեր «Կենտրոն» և «Երևան» հիմնադրամների կողմից ստացել են լրացուցիչ փոխհատուցումներ։ Նշված հասցեների մի խումբ բնակիչներ փորձել են Երևանի քաղաքապետարանից (թե նախկին քաղաքային իշխանություններից, թե ներկա), «Կենտրոն» և «Երևան» հիմնադրամներից ստանալ տեղեկատվություն լրացուցիչ փոխհատուցումների մասին, պարզելու համար, թե ինչի հիման վրա են բնակիչների մի մասին տրամադրել լրացուցիչ փոխհատուցում, իսկ մնացածներին՝ ոչ, արդյոք այդ փոխհատուցումները ընտրողական մոտեցման արդյունք չեն եղել։ Սակայն ոչ Երևանի քաղաքապետարանից, և ոչ էլ հիմնադրամներից մինչև օրս նրանց տեղեկություն չի տրամադրվել:

Այս թեմայի շուրջ մարտի 28-ին Մեդիա կենտրոնում տեղի ունեցավ մամուլի ասուլիս, որին մասնակցում էին Հյուսիսային պողոտայի նախկին բնակիչ Արթուր Մելիք-Շահնազարյանը և իրավապաշտպան, Հայաստանի Հելսինկյան կոմիտեի նախագահ Ավետիք Իշխանյանը:

Ըստ Արթուր Մելիք-Շահնազարյանի, իրենք` փոխհատուցում չստացած 8 ընտանիք, դիմել են և՛ նախկին և՛ ներկայիս իշխանություններին հավելյալ փոխհատուցման պահանջով:

«Սակայն գործող իշխանությունները հրաժարվում են պատասխանատվություն կրել»,-ասում է Հյուսիսային պողոտայի նախկին բնակիչը:

Ավետիք Իշխանյանը հաստատեց, որ ներկայիս իշխանություններն իրենց նախորդների իրավահաջորդը չեն համարում, ուստի պատասխանատվություն չեն կրում. «Հյուսիսային պողոտայի նախկին բնակիչներն, ի սկզբանե, անարդարության և խտրական վերաբերմունքի են արժանացել: Այս պատճառով էլ նրանք մինչ այսօր շարունակում են զոհ լինել»:

Արթուր Մելիք-Շահնազարյանի խոսքով՝ մի քանի բնակիչներ, այդ թվում և ինքը, խտրականության զոհ են դարձել: Վերջինիս բնակարանը, որը գտնվում էր Տերյան փողոցում և զբաղեցնում էր 33 քմ. տարածք և որտեղ բնակվում էր 6 անձ, օտարվել է 21 հազար ԱՄՆ դոլարով:

«Այդ գումարով նույնիսկ Երևանի ծայրամասում տուն չկարողացանք գնել այդ թվերին, ստիպված գնացել ենք Էջմիածնում ենք ապրում: Պետական կարիքների համար մեր տները քանդեցին, խլեցին և տվեցին այլ էլիտար սեփականատերերի»,-ասում է Արթուր Մելիք-Շահնազարյանը:

Ավետիք Իշխանյանի կարծիքով՝ Երևանի քաղաքապետարանը պետք է այս հարցի վերաբերյալ հանդես գա հստակ հայտարարությամբ՝ պատրաստվու՞մ է այս խնդրի պատասխանատվությունը  վերցնել իր վրա, թե՝ ոչ:

 

 

Տեսանյութ
Print Friendly and PDF
Այլ մամլո հաղորդագրություններ
Փաշինյանի զանգը Լուկաշենկոյին կբնութագրեի որպես չհաշվարկված
31.03.2020
20:03
Այսօր՝ մարտի 31-ին, հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի հեռախոսազրույցը: Այս լուրը տարածել է բելառուսական «Բելտա» տեղեկատվական գործակալությունը: Ըստ աղբյուրի՝ ի թիվս այլ հարցերի՝ «Լուկաշենկոն և Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին»:
Արտակարգ դրության ժամանակ ոչ մի անձնական կյա՞նք. փորձագետների կարծիքներ
30.03.2020
16:00
Ազգային ժողովն այսօր՝ մարտի 30-ին, առաջին ընթերցմամբ ընդունեց կառավարության ներկայացրած օրենքների նախագծերի փաթեթը, որով համաճարակի հետևանքով առաջացած արտակարգ դրության ժամանակ մարդկանց անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության, գաղտնիության իրավունքներին միջամտություն իրականացնելու հնարավորություն է տրվում:
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Հայտարարություն
27.03.2020
17:00
Մենք՝ ներքոստորագրյալ կազմակերպություններս, գոհունակությամբ ենք ընդունել այն, որ ՀՀ կառավարությունը մարտի 25-ին վերանայեց մարտի 16-ի իր որոշումը և վերացրեց նոր կորոնավիրուսի հետ կապված խնդիրների լուսաբանման անհամաչափ սահմանափակումները։
«Որքանով է հայակական համացանցը պատրաստ գերծանրաբեռնված աշխատանքին»
27.03.2020
10:30
Մեդիա կենտրոնն իրականացրեց հեռավար հարցազրույց Կանադայում բնակվող Դավիթ Սանդուխչյանի՝ «Որքանով է հայակական համացանցը պատրաստ գերծանրաբեռնված աշխատանքին» թեմայով։ Դավիթ Սանդուխչյանն ինտերնետ ոլորտի իրավաբան է և հարցազրույցի ժամանակ կիսվում է իր մտահոգություններով և տեսլականով, խոսում հայաստանյան և համաշխարհային ինտերնետ կապի որակի, առկա մարտահրավերների և լուծումների մասին։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ