«Նախընտրական քարոզարշավ. միջազգային և հայաստանյան դիտորդների գնահատականներն ու դիտարկումները»
07.12.2018
12:00
Նախընտրական փուլը եղել է հիմնականում ազատ, մրցակցային և խաղաղ ընտրապայքարի պայմաններում, ինչը էապես տարբերվում է նախորդ տարվա խորհրդարանական ընտրություններից. այս մասին դեկտեմբերի 7-ին Մեդիա կենտրոնում տեղի ունեցած մամուլի ասուլիսի ժամանակ ասաց Թրանսփարնեսի Ինթերնեյշնլ հակակոռուպցիոն կենտրոնի ծրագրի ղեկավար Ալեքսեյ Պետրոսյանը:

Ասուլիսին մասնակցում էին նաև Ժողովրդավարական ընտրությունների եվրոպական պլատֆորմի ներկայացուցիչ Լենե Վեթելանդը և ՀՔԱ Վանաձորի գրասենյակի ղեկավար Արթուր Սաքունցը:
«Արձանագրվել է առաջընթաց վարչական ռեսուրսի չարաշահման և ընտրողների վրա ճնշումների խնդիրների մասով»,-ասաց Պետրոսյանը:
Ըստ նրա՝ արձանագրված վարչական ռեսուրսի չարաշահման դեպքերը վերաբերում են պետական համայնքային և հանրային  ծառայողների նախընտրական քարոզչությանը, նաև համայնքային կառույցներում ծառայողների կողմից քարոզչություն իրականացնելուն, ներսում աշխատանքային ժամին հանձնաժողովի անդամների կողմից քարոզարշավին մասնակցելուն և ելույթներ ունենալուն:
«Դիտորդներն արձանագրել են նաև ընտրակաշառքի, բարեգործության դրվագներ, բայց դրանք չեն կրել համակարգված բնույթ, հիմնականում դրվագներ են եղել»,-ասաց Պետրոսյանը:
Նրա խոսքով`խնդրահարույց է ընտրական հանձնաժողովներում պրոֆեսիոնալիզմի մակարդակի ցածր լինելը:

«Ինչ-որ կասկածելի կազմակերպություններ բավական մեծ թվով դիտորդների են գրանցել: Օրինակ` Միացյալ երիտասարդական պալատ և Աբովյանի ուսանողական խորհուրդը, գրանցել են կասկածելի մեծ թվով դիտորդներ, յուրաքանչյուրը 5400-ի սահմաններում»:
Քննարկման մյուս բանախոս ՀՔԱ Վանաձորի գրասենյակի ղեկավար Արթուր Սաքունցի դիտարկմամբ՝ բավական լուրջ մարտահրավեր էր այս արտահերթ ընտրությունները թե´ ընտրողների, թե´ դիտորդների համար:

«Որովհետև այս ընտրարշավին մասնակցում են կուսակցություններ, որոնք նախորդ ավտորիտար համակարգի քաղաքական համակարգի կրողներն են և բազմիցս ասում էին, թե այդ համակարգը մահացած է: Ըստ նրա՝ նախորդ ընտրություններում չկար դիսկուրս, մտքերի բախումներ, որին հիմա ականատես եղանք: Այս ընտրությունների առավել ուշագրավ առանձնահատկություններ են թեկուզ ամենասուր, ծայրահեղ դրսևորումներով մտքի ազատ արտահայտումները և իհարկե տարբեր կարծիքների բախումները»,-ասաց Սաքունցը:

Նա նշեց, որ իերնք նույնպես երկարաժամկետ դիտարկում են արել 84 դիտորդներով բոլոր մարզերում:
«Նախընտրական շտաբների ղեկավարների դիտարկումներից պարզվում է՝ 12 տոկոսը մտահոգություն են հայտնել քարոզչանյութերի տարածման խոչընդոտների վերաբերյալ, 33 տոկոսը հայտնել են այլ կուսակցությունների կողմից կանոնների խախտման մասին, 24 տոկոսն ասել է, որ դրսևորվել է ատելության խոսք այլ կուսակցության կողմից: 149 նախընտրական հավաքներից արձանագրվել է բյուջետային հիմնարկների աշխատողների ակտիվ մասնակցություն, որը ռեսուրսների կիրառում է»,-ասաց նա:
Նախընտրական քարոզչության ընթացքում 325 կանոնների խախտումներից 16-ը վերաբերում է «Իմ քայլին», բայց նման խախտումներ արձանագրվել է նաև ԲՀԿ-ի և «Սասնա Ծռերի» կողմից:
«Այնուամենայնիվ, չնայած իշխանությունների կողմից, ի տարբերություն նախորդների, չի եղել կազմակերպված, հրահանգված, կարգավորված վարչական ռեսուրսների օգտագործման դեպքեր ընդդիմադիր կուսակցությունների նկատմամբ, ոչ բարենպաստ պայմաններ ստեղծելուն ուղղված հրահանգներ, բայց այն մտահոգությունները, որ ասում էինք, թե տարածքային ցուցակները չեն կարող բարենպաստ լինել ազատ ընտրությունների ազատ և արդար անցկացնելու համար, այս ընտրություններին հաստատվեց»,-ասաց Սաքունցը:

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...