«Ականատես» դիտորդական առաքելության երկարաժամկետ դիտորդության նախընտրական փուլի արդյունքների ամփոփում
07.12.2018
14:00
«Ականատես» դիտորդական առաքելությունը դեկտեմբերի 9-ին կարճաժամկետ դիտորդական առաքելություն է իրականացնելու նոր մեթոդով՝ ընտրանքի վրա հիմնված:

Այս անգամ դիտորդները հաղորդագրություններ են ուղարկելու քվեարկության ընթացքի, արդյունքների ամփոփման, տեղամասի կահավորանքի մասին ստանդարտացված թերթիկի միջոցով: Այդ օրը 300 դիտարկվող տեղամասեր կունենան, դիտորդները կաշխատեն զույգերով:

Այս մասին դեկտեմբերի 7-ին  «Մեդիա կենտրոնում» ասացին «Ականատես» դիտորդական առաքելության անդամները և ներկայացրեցին նախընտրական քարոզարշավի ընթացքում իրենց արձանագրած խախտումներն ու գնահատականը: 

«Թրանսփարենսի Ինթերնեյշնլ հակակոռուպցիոն կենտրոնի» ծրագրի ղեկավար Ալեքսեյ Պետրոսյանն ասաց, որ թիվ 19 ընտրատարածքում ՀՅԴ թեկնածուն Գավառի սոցիալական աջակցության գործակալության պետ Լավրիկ Արեւշատյանն ընտրողներին առաջարկել է ձայներ տալ իրեն՝ փոխարենը խոստանալով ընդգրկել վերջիններիս նպաստառուների ցանկում:

«Թիվ 1 ընտրատարածքում ԲՀԿ Ավանի գրասենյակի մուտքի մոտ փակցված է եղել «անվճար իրավաբանական խորհրդատվություն» հայտարարություն եւ ընդունելությունների ժամը քաղաքացիների համար, որը եւս ընտրական քարոզչության կանոնների խախտում է: Եվս մեկ դեպք նոր է արձանագրվել, վարչական ռեսուրս է չարաշահվել. հանձնաժողովների անդամների կողմից նախընտրական քարոզչությանն են մասնակցել: Դեկտեմբերի 4-ին դիտորդի կողմից Շենգավիթի շրջանում արձանագրվել է թիվ 8/9 հանձնաժողովի անդամ Վահան Արսենյանի ակտիվ մասնակցությունն ու ելույթները «Իմ քայլը» դաշինքի միջոցառմանը, չնայած նա հանդիսանում է «Ելք» խմբակցության կողմից նշանակված հանձնաժողովի անդամ»,-ասաց Պետրոսյանը:

 Ըստ «Թրանսփարենսի Ինթերնեյշնլ հակակոռուպցիոն կենտրոնի» տնօրեն Սոնա Այվազյանի, նախընտրական փուլն, ընդհանուր առմամբ, ընթացել է ազատ, մրցակցային եւ խաղաղ ընտրապայքարի պայմաններում:

Արձանագրվել է լրջագույն առաջընթաց վարչական ռեսուրսի չարաշահման եւ ընտրողների կամարտահայտման վրա ճնշումների նվազման առումով: 
Նա ասաց, որ ԿԸՀ-ն պատշաճ չի իրականացնում իր գործառույթները, չի բացառվում ֆեյք դիտորդների մասնակցությունը, ինչը անկախ դիտորդների առաքելությունը դնելու է կասկածի տակ. «Քարոզչության ժամանակահատվածից դուրս քարոզչության կարգավորման բացակայությունը ստեղծում է անհավասար մրցակցային պայմաններ քաղաքական ուժերի համար եւ չի ապահովում հավասարություն: Նախընտրական քարոզչական նյութերի տարածման առումով կուսակցություններն ու դաշինքներն ամբողջովին անտեսել են օրենքով սահմանված կանոնները եւ այդ կանոնները պատշաճ չեն վերահսկվում իրավասու մարմինների կողմից, չեն ձեռնարկվում անհրաժեշտ միջոցներ՝ խախտումները վերացնելու համար: Ստացվում է, որ այդ կանոնները զուտ ձեւական բնույթ են կրում: Ընտրակաշառքի եւ բարեգործության պրակտիկան համարյա վերացել է, չնայած եղել են առանձին ահազանգեր ու դեպքեր: Վարչական ռեսուրսի չարաշահման դեպքերի քանակը զգալիորեն ավելի փոքր է եղել 2017-ի համեմատ»:

Հանրայինի եթերում հեռուստաբանավեճը Այվազյանը դրական գնահատեց, բայց ասաց, որ անհանգստացնող են քարոզչության ընթացքում հնչող վիրավորական արտահայտությունները, սպառնալիքներն ու ատելության խոսքը, ինչը չի կարող նպաստել քաղաքակիրթ քաղաքական մշակույթի ձեւավորմանը Հայաստանում:

«Ռեստարտ» նախաձեռնության համակարգող Դավիթ Պետրոսյանն ասաց, որ առաքելությունն իրականացվում է ԵՄ-ի, ԱՄՆ ՄԶԳ-ի, Ազգային ժողովրդավարական ինստիտուտի, Բաց հասարակության հիմնադրամի օգնության միջոցով, դիտորդներ են ունենալու ինչպես Երեւանում, այնպես էլ մարզերում: 

 

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...