Ընտրապայքար. արտաքին քաղաքականության և ԼՂ հարցի կարգավորման հիմնախնդիրները կուսակցությունների օրակարգում
30.11.2018
17:30
Նոյեմբերի 30-ին «Մեդիա կենտրոնի» նախաձեռնությամբ «Ա1պլյուսի» տաղավարում առցանց ուղիղ հեռարձակմամբ անցկացվեց բանավեճ «Ընտրապայքար. արտաքին քաղաքականության և ԼՂ հարցի կարգավորման հիմնախնդիրները կուսակցությունների օրակարգում» թեմայով:

Բանախոսներն էին Տաթև Հայրապետյան` «Իմ քայլը» դաշինքի պատգամավորի թեկնածու, Ստեփան Գրիգորյան` «Սասնա ծռեր» համահայկական կուսակցության պատգամավորի թեկնածու, Վլադիմիր Հովհաննիսյան` «Քաղաքացու որոշում» սոցիալ-դեմոկրատական կուսակցության պատգամավորի թեկնածու, Հայկ Փայտյան` «Ազգային առաջընթաց» կուսակցության պատգամավորի թեկնածու և Արմեն Առաքելյան` «Մենք» դաշինքի պատգամավորի թեկնածու

Բանավեճի սկզբում Հայկ Փայտյանն ասաց, որ արտաքին քաղաքականության ոլորտում Ազգային առաջընթաց կուսակցությունը բովանդակային փոփոխությունների փաթեթ է առաջարկում:

«Մեր տարբերակում չկա որևէ ռուսատյացություն կամ եվրոպատյացություն, ռուսամետություն կամ եվրոպամետություն: ՀՀ արտաքին քաղաքականությունը գլխավորապես պետք է սպասարկի ՀՀ տնտեսության շահերը»,-ասաց Փայտյանը:

Վլադիմիր Հովհաննիսյանն ասաց, որ իրենց կուսակցության համար չկա Արևելք կամ Արևմուտք կեղծ օրակարգ. «Չկա արևմտամետություն կամ արևելամետություն, կա միայն ՀՀ շահը: Երկրի տնտեսական շահի արդյունավետ սպասարկումը պետք է լինի ՀՀ արտաքին քաղաքականության անկյունաքարը»:

Տաթև Հայրապետյանն էլ ասաց, որ Իմ քայլը դաշինքը որևէ  էական փոփոխություններ չի պատրաստվում անել արտաքին քաղաքականության օրակարգում:

«Խնդիրը այստեղ այլ է, ոչ թե փոխվելու են արտաքին քաղաքականության ուղղությունները, այլ փոխվելու է ձևը, ֆորմատը, մեր մոտեցումները: Մենք պետք է լինենք ավելի նախաձեռնողական`գիտակցելով մեր շահը: Լինենք հայաստանակենտրոն, հայաստանամետ»,-ասաց Հայրապետյանը:

Արմեն Առաքելյանն էլ ասում է, որ Մենք դաշինքը միակ ուժն է, որ հստակ հայտարում է, որ մեր արժեհամակարգը արևմտյան արժեհամակարգն է:

Ստեփան Գրիգորյանն էլ շեշտեց, որ անվտանգության մասին խոսելիս, Սասնա ծռեր կուսակցությունը նկատի ունի 3 բաղադրիչ. «Առաջինը մարդկային գործոնն է, թե օրենսդրական դաշտը ինչ վիճակում է, օրենքի գերակայությունը աշխատում է, թե ոչ: Երկրորդ բաղադրիչը տնտեսություն է,  հայաստանակենտրոն քաղաքականություն պետք է վարել և անպայման ստեղծել այլընտրանքներ, օրինակ` նավթամուղը բերել Իրանից, նույն երկաթգիծը կառուցել Իրանից: Իսկ երրորդը ռազմաքաղաքական բաղադրիչն է, որով մենք ասում ենք` աշխարհի կենտրոնների հետ պետք է աշխատել, սերտ կապեր հաստատել Արևմուտքի, ՆԱՏՕ-ի, Եվրոպայի հետ: Իսկ Ռուսաստանի հետ վասալային հարաբերությունները վտանգավոր են և քայլ առ քայլ պետք է վերանայվեն»:

 

 

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...