Խախտումներ, խնդիրներ և հնարավոր լուծումներ կինոարտադրության ոլորտում
26.11.2018
12:00
Նոյեմբերի 26-ին «Մեդիա կենտրոնում» տեղի ունեցավ մամուլի ասուլիս կինոոլորտի կազմակերպման ու զարգացման հեռանկարների, առկա խնդիրների ու դրանց լուծման տարբերակների մասին:

Քննարկման բանախոսներն էին 2018թ․ Կինոկենտրոն ներկայացված հայտերի ուսումնասիրման մասնագիտական հանձնաժողովի ներկայացուցիչներ, ՀՀ Մշակույթի փոխնախարար, արվեստաբան Նազենի Ղարիբյանը, պրոդյուսեր/դերասան Արմինե Անդան, ռեժիսոր/պրոդյուսեր Վիկտորյա Ալեքսանյանը, վավերագրող ռեժիսորներ Սեդա Գրիգորյանը և Խանե Պողոսյանը:

Նազենի Ղարիբյանը ասուլիսի սկզբում ասաց, որ այս տարի մեծ փոփոխություններ են կատարվել Հայաստանի ազգային կինոկենտրոնի և կինոյի կազմակերպման ոլորտում:

«Կինեկենտրոնը պետք է լինի բաշխող մարմին և ոչ կինո արտադրությամբ զբաղվող: Կինոարտադրության ֆինանսավարման հետ կապված այլևս Կինոկենտրոնին կից գործում է այս անկախ  հանձնաժողովը»,-ասաց Մշակույթի փոխնախարարը:

Սեդա Գրիգորյանն էլ ասաց, որ երբ հանձնաժողովի կազմում ստանձնել են իրենց պարտավորությունները, կինորտադրության համար պետական բյուջեից նախատեսված տարեկան բյուջեն եղել է կեսից ավելի քիչ:

«Տարեկան բյուջեն կինորտադրության համար եղել է  274 մլն 440 հազար դրամ,  իսկ մենք արդեն կարող էինք տնօրինել 119 մլն 597 հազար դրամը, ինչով պայմանավորված է  նաև փոքր հատկացումները ֆիլմերին: Ընդհանուր 45 նախագիծ է ներկայացվել, որից մեզ հասել է 44-ը»:

Վիկտորյա Ալեքսանյանն էլ նշեց, որ կան կիսատ և անցողիկ ֆիլմեր, որոնք մնացել են տարիների ընթացքում և այդ ֆիլմերին ամեն տարվա բյուջեից գումարներ են հատկացվել:

«Պետությունը տարիներով ֆինանսավորել է այնպիսի կինո նախագծեր, որոնք չեն ունեցել համաֆինանսավորում, և անավարտ մնալով, տեղափոխվել են  հաջորդ տարի: Կինոֆինանսավորման այդպիսի ռազմավարությունը շարունակվել է մինչև այս տարի: Այդ ֆիլմերը ոչ մի մրցույթի միջով չեն անցել, արտոնյալ վիճակում են եղել: Այդ մոտեցումը չի նպաստում ֆիլմ արտադրության զարգացմանը, նույնիսկ ստեղծում է լճացման և կոռուպցիոն նախադրյալներ»,-ասաց Ալեքսանյանը:

Սեդա Գրիգորյանը մատնանշեց այդ ֆիլմերից մեկը` «Սուսերով պարը», որը հայ-ռուսական համատեղ արտադրության ֆիլմ է և նվիրված է Արամ Խաչատրյանին:

«2018 թ, մարտի 20-ին ֆիլմը ներկայացվել է որպես պետական պատվեր: Մենք հետաքրքրվել ենք ու պետական պատվեր հաստատող որևէ փաստաթուղթ չենք գտել: Մենք նախարարությունից ստացել ենք պետական սուբսիդիա տրամադրելու մասին թուղթ, որը ձևակերպված է եղել մայիսին: Այս տարվա բյուջեից 50 մլն գնացել է  այս ֆիլմին ու այն հայտարարվել է  որպես պետական պատվեր` առանց որևէ փաստաթղթի: Միայն կա պայմանագիր կինոկենտրոնի հետ, որը պարտավորեցնում է  հայկական կողմին վճարել ֆիլմի համար նաև հաջորդ տարի 47 մլն դրամ»,-ասում է Գրիգորյանը:

Արմինե Անդան էլ ընդգծում է, որ անցողիկ կամ կիսատ ֆիլմեր չունենալու համար պետք է ոլորտը կանոնակարգել:

«Չի կարելի ֆիլմը սկսել` չունենալով ամբողջ արտադրական պրոցեսի ֆինսավարուոմը: Սա մի կանոն է, որը պետք է ընդհանուր լինի բոլորի համար: Կանոնակարգը և «Կինոյի մասին» օրենքը, որոնք մեզ անհրաժեշտ են, բարենպաստ պայմաններ կստեղծեն արտադրողի և համատեղ արտադրողի համար: Ինչպես զարգացնել կինոն օրենքի միջոցով, այս հարցը պետք է լուծի օրենքը և ես շատ ուրախ եմ, որ Մշակույթի նախարարությունը  արդեն ձեռնարկել է օրենքի հանձնախմբի ստեղծումը»,-ասաց Անդին:

Քննարկման վերջում բանախոսները միաձայն պնդեցին, որ անգամ պետական պատվերի դեպքում պետք է մեկ ընդհանուր մրցույթ անցկացվի:

 

 

 

 

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...