«ՀՀ ԱԺ արտահերթ ընտրությունների նախընտրական շրջանի դիտարկման նախնական արդյունքները»
22.11.2018
14:00
Նոյեմբերի 22-ին «Մեդիա կենտրոնում» տեղի ունեցավ մամուլի ասուլիս «ՀՀ ԱԺ արտահերթ ընտրությունների նախընտրական շրջանի դիտարկման նախնական արդյունքները» թեմայով, որին մասնակցում էին Թրանսփարենսի Ինթերնեյշնլ հակակոռուպցիոն կենտրոնի ծրագրերի ղեկավար Վարուժան Հոկտանյանը, Թրանսփարենսի Ինթերնեյշնլ հակակոռուպցիոն կենտրոնի գործադիր տնօրեն Սոնա Այվազյանը և Թրանսփարենսի Ինթերնեյշնլ հակակոռուպցիոն կենտրոնի ծրագրերի համակարգող Ալիկ Պետրոսյանը:

Բանախոսները ներկայացրեցին «Ականատես» դիտորդական առաքելությունը, որը հիմնադրվել է 2018 թվականին Թրանսփարենսի Ինթերնեյշնլ հակակոռուպցիոն կենտրոնի, Ժուռնալիստների Ասպարեզ ակումբի և Ռեստարտ քաղաքացիական նախաձեռնության կողմից:

«Նախընտրական շրջանում դիտարկելու ենք ընտրական հանձնաժողովների գործունեությունը, նախընտրական քարոզչությունը, քարոզարշավի ֆինանսավորման խնդիրները, ընտրողների ցուցակների խնդիրներև և դրանցից ածանցվող մի շարք այլ խնդիրներ», - ասաց Ալիկ Պետրոսյանը:

Նա նշեց նաև, որ այս պահին ունեն 36 երկարաժամկետ դիտորդ ՀՀ ամբողջ տարածքով: Իսկ ԱԺ արտահերթ ընտրությունների օրը` դեկտեմբերի 9-ին, դիտորդություն իրականացնելու համար ստացել են 1500 հայտ:

«Ընտրությունների օրը մենք դիտորդություն ենք իրականացնելու 300 ընտրատեղամասում և ապահովելու ենք 600-700 դիտորդ»,-հավելեց Պետրոսյանը:

Սոնա Այվազյանը ներկայացրեց նախընտրական փուլի դիտարկման արդյունքները մի քանի ուղղությամբ. հանձնաժողովների կազմավորման աշխատանքներ, վարչական ռեսուրսի չարաշահում, ընտրակաշառքներ, քարոզչություն և ատելության խոսքի տարածում:

«Թիվ 8 հանձնաժողովի նախագահը 2008թ սեպտեմբերի 23-ի Երևանի ընտրությունների ժամանակ ֆիզիկական ուժի գործադրմամբ խոչընդոտել է լրագրողի աշխատանքը, և դա պարզապես բիծ է այդ նախագահի վրա, և մենք կառաջարկեինք, որպեսզի ԿԸՀ-ը, օգտվելով իր լիազորություններից, հեռացներ այդ նախագահին»,-ասաց Այվազյանը:

Վարուժան Հոկտանյանն էլ անդրադարձավ ընտրացուցակներում առկա խնդիրներին:

«571 ընտրող շարունակում է մնալ առանց հասցե: 885 հասցեներում էլ գրանցված է 20 և ավելի ընտրող, իսկ 90 տարեկանից բարձր ընտրողների թիվը կազմում է 8826»,-նշեց Հոկտանյանը:

Տեսանյութ
Print Friendly and PDF
Այլ մամլո հաղորդագրություններ
Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...