Դիաբետի բուժման հնարավորությունները Հայաստանում
21.11.2018
11:00
Այսօր Հայաստանում կա 576 երեխա՝ մինչև 18 տարեկան, որոնք ունեն տիպ 1 շաքարային դիաբետ. այս մասին նոյեմբերի 21-ին Մեդիա կենտրոնում տեղի ունեցած քննարկմանը ասաց Մուրացան համալսարանական կլինիկայի ներզատաբանական բաժանմունքի վարիչ Ելենա Աղաջանովան:

Նրա խոսքով` Հայաստանում և ամբողջ աշխարհում գնալով աճում է  շաքարային դիաբետ ունեցողների թիվը, իսկ տարեկան շուրջ 3 տոկոսով ավելանում է տիպ 1 շաքարային դիաբետ ունեցող երեխաների քանակը:

«Դիաբետ ունեցող երեխաները ստանում են մի տեսակ բուժում, դա ինսուլինն է,  որը ներարկման ձևով է տրվում, և նրանք պետք է ստանան դա ամբողջ կյանքի ընթացքում: Այն պատրաստվում է բավականին թանկ դեղորայքից և պետությունը այդ բեռը իր վրա է վերցնում, մանավանդ եթե դա երեխաներին է վերաբերում»,-ասում է Ելենա Աղաջանովան:

Նա ընդգծում է, որ Հայաստանում բուժսպասարկումը բարելավել է դիաբետ ունեցող երեխաների համար, բայց մյուս կողմից ոլորտում կա նորագույն տեխնոլոգիաների հասանելիության խնդիր:

«Գիտությունը առաջ է գնում, կան ինսուլինային պոմպեր, որոնք առանց ներարկման են և ինքնահսկման ավելի լայն հնարավորություններ են ընձեռում, դրանք թույլ են տալիս կարգավորել և մաքսիմալ նորմային մոտ հասցնել գլյուկոզան օրգանիզմում»,-ասում է Աղաջանովան:

Քննարկման մյուս բանախոս «Շաքե» բարեգործական հիմնադրամի հիմնադիր Սահակ Դաշյանն ասում է, որ Հայաստանում տարեկան ծնվում է 40-45 հազար երեխա և այդ երեխաներից 4-5 հոգին պարտադիր հիվանդանում են դիաբետով:

«Այսօր ոչ կարելի է կանխարգելել, ոչ էլ կանխագուշակել դիաբետը և արմատական բուժում այս հիվադնության դեմ չկա: Այսօր մենք Հայաստանում  հնարավորություն ունենք 6 ինսուլինային պոմպի, որոնք տեղադրված են վեց հիվանդի մոտ, այս պոմպերը շատ կարևոր են նաև դիաբետ ունեցող հղի կանանց համար»,-ասաց Դաշյանը:

Նրա խոսքով` նորաստեղծ «Շաքե» հիմնադրամը փորձելու է աջակցություն տրամադրել դիաբետ ունեցող երեխաներին. «Մեր նպատակն է առաջիկա 5-6 տարիների ընթացքում Հայաստանում հասնել նրան, որ շաքարային դիաբետ ունեցող երեխան հնարավորություն ունենա ստանալ ինսուլինային պոմպը և դրա ծախսատար պարագաները»:

 

Տեսանյութ
Print Friendly and PDF
Այլ մամլո հաղորդագրություններ
Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ
20.01.2022
12:00
Հունվարի 20-ին՝ ժամը 12:00-ին, Մեդիա կենտրոնում տեղի ունեցավ հարցազրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ:

Թեման՝ «Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ»:
Հանրակրթությունը քրեակատարողական հիմնարկներում
19.01.2022
12:00
Հունվարի 19-ին՝ ժամը 12:00-ին, Մեդիա կենտրոնում տեղի ունեցավ քննարկում «Հանրակրթությունը քրեակատարողական հիմնարկներում» թեմայով:

Բանախոսներն են՝
Նարե Հովհաննիսյան՝ «Իրավական նախաձեռնությունների կենտրոն» ՀԿ-ի նախագահ,
Ծովինար Թադևոսյան՝ ՀՀ ԱՆ քրեակատարողական ծառայության սոցիալական, հոգեբանական և իրավական աշխատանքների բաժնի պետ,
Անուշ Հայրումյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի ուսումնամեթոդական դեպարտամենի պետ,
Անահիտ Խաչատրյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի վերականգնողական ծրագրերի և հանրակրթության բաժնի գլխավոր մասնագետ
ՀՀ Սահմանադրությունը և դատական իշխանությունը
18.01.2022
12:00
Հունվարի 18-ին՝ ժամը 12։00-ին, Մեդիա կենտրոնում տեղի ունեցավ փորձագիտական քննարկում՝ «ՀՀ Սահմանադրությունը և դատական իշխանությունը» խորագրով:

Բանախոսներ՝
Արթուր Սաքունց՝ Հելսինկյան քաղաքացիական ասամբլեայի Վանաձորի գրասենյակի նախագահ
Դավիթ Գյուրջյան՝ Իրավունքի զարգացման և պաշտպանության hիմնադրամի իրավական հարցերով փորձագետ
ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում
13.01.2022
12:00
Հունվարի 13-ին՝ ժամը 12:00-ին, Մեդիա կենտրոնում տեղի ունեցավ հարցազրույց ՀՀ ԱԺ եվրոպական ինտեգրման հարցերի մշտական հանձնաժողովի նախագահ, ԱԺ «Քաղաքացիական պայմանագիր» խմբակցության պատգամավոր Արման Եղոյանի հետ՝ «ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ