«Նախկին դատապարտյալների վերաինտեգրման խնդիրները Հայաստանում»
07.11.2018
12:00
Նախկին դատապարտյալների վերաինտեգրման գործընթացը սկսվում է հենց այն պահից, երբ ազատազրկված անձը մուտք է գործում քրեակատարողական հիմնարկ։

Այս մասին նոյեմբերի 7-ին Մեդիա կենտրոնում տեղի ունեցած «Համաներում. նախկին դատապարտյալների վերաինտեգրման խնդիրները» թեմայով քննարկմանն ասաց «Սոցիալական արդարություն» ՀԿ-ի նախագահ Արշակ Գասպարյանը։

«Քրեակատարողական հիմնարկի ողջ անձնակազմը պետք է միտված լինի մեկ խնդրի՝ քրեակատարողական հիմնարկ մուտք գործած  անձին նախապատրաստել ազատման։ Սա է բանտային համակարգի  փիլիսոփայությունը, որը դեռևս չունենք»,- նշեց Գասպարյանը։

Նա հավելում է, որ վերականգնողական ծառայությունը պետք է կազմի ուղղման անհատական պլան՝ վերասոցիալականացման պլան ամբողջ պատժի կրման համար, իսկ պատժից ազատելուց վեց ամիս առաջ՝ վերաինտեգրման պլան, որը վերաբերում է հասարակությունում նրա սոցիալական հմտությունների ձևավորմանն ու դրսևորմանը:

«Արդեն ազատության մեջ վերաինտեգրման գործընթացը շարունակվում են ՀԿ-ների կողմից։ Բայց սխալ է այդ գործը թողնել միայն ՀԿ-ներին։

Մեր պետության գերխնդիրն է, նաև մեր կազմակերպությունն է փորձում առաջ քաշել սոցիալական պատվերի գաղափարը, որ ազատազրկման վայրերից վերադարձածների համայնքի պատվերը գնա դեպի պետություն։ Պետությունը երաշխավորն է, որպեսզի իր կողմից, թեկուզ  դատական իշխանության,  դուրս թողնված անձը մաքսիմալ արդյունավետ վերաինտեգրվի»,- ասաց Գասպարյանը։

Իրավապաշտպան, ՔԿՀ-ներում հասարակական վերահսկողություն իրականացնող հասարակական դիտորդների խմբի անդամ Զառա Հովհաննիսյանը, ով նույնպես մասնակցում էր քննարկմանը, ասաց, որ կրթության պակաս ունեցող մարդիկ ավելի շատ են հայտվում քրեակատարողական հիմնարկներում,  հետո՝ դուրս են գալիս չունենալով ոչ կրթություն, ոչ աշխատանքային հմտություններ, որը աշխատաշուկայում հնարավորություն կտա ինտեգրվելու։

«Սրանք  խնդիրներ են, որոնք ավելի շատ վերաբերում են կանանց, ովքեր հասարակությունում չունեն նաև սեփականություն, թեև օրենքը հավասար հնարավորություն է տալիս»,- հավելեց Հովհաննիսյանը։

Փաստաբան Արայիկ Պապիկյանն էլ ասում է, որ պետությունը հանձինս արդարադատության նախարարության, պրոբացիայի ծառայության, ընթացարակարգերի, անհրաժեշտ փաստաթղթավորման, ձևական ընթացակարգերի ապահովան վրա ամիսներ է ծախսում, այդ ժամերն ու օրերը այդ մարդկանց ինտեգրման ժամանակից է գնում։

«Անձը, ով դուրս  գալիս քրեակատարողական հիմնարկից ու սպասում է, որ իր վերաբերյալ ընթացակարգերին համապատասխան  որոշումներ պետք է կայացվեն, փաստաթղթեր պետք  է կազմվեն, ակամայից կամ գուցե գիտակցաբար կարող է  դառնալ կրկնահանցագործ՝ սպասելով, որ գալու իր հերթը՝ կացարանի, աշխատանքի կամ այլ հարցերի հետ կապված»,- ասաց Պապիկյանը և հավելեց, պետությունը ավելի ճիշտ կանի հանցագործությունների նվազեցման ուղղությամբ աշխատի:

 

 

 

 

 

 

Տեսանյութ
Print Friendly and PDF
Այլ մամլո հաղորդագրություններ
Աշխատանքային իրավունքների պաշտպանության գործընթացը Հայաստանում
20.07.2021
12:00
Հուլիսի 20-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Աշխատանքային իրավունքների պաշտպանության գործընթացը Հայաստանում» թեմայով:
Հայաստանի ջրային պաշարների կորուստները՝ պատերազմից հետո. ի՞նչ նոր լուծումներ են անհրաժեշտ
15.07.2021
11:54
Հուլիսի 15-ին, ժամը 11:00-ին, Մեդիա կենտրոնն անցկացրեց առցանց քննարկում «Հայաստանի ջրային պաշարների կորուստները՝ պատերազմից հետո. ի՞նչ նոր լուծումներ են անհրաժեշտ» թեմայով:
Ազգային անվտանգության շահերից ելնելով փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը
13.07.2021
13:00
Հուլիսի 13-ին՝ ժամը 13:00-ին, Մեդիա կենտրոնում տեղի ունեցավ քննարկում «Ազգային անվտանգության շահերից ելնելով փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը» թեմայով:
Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ
07.07.2021
13:00
Հուլիսի 7-ին, ժամը 13:00-ին, Մեդիա կենտրոնի սրահում տեղի ունեցավ քննարկում՝ «Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ» թեմայով:
Հայաստան-Նիդերլանդներ երկկողմ հարաբերությունները Համապարփակ և ընդլայնված գործընկերության համաձայնագրի համատեքստում
07.07.2021
11:00
Հուլիսի 7-ին՝ ժամը 11:00-ին, Մեդիա կենտրոնում տեղի ունեցավ հարցազրույց-ասուլիս Հայաստանում Նիդերլանդների արտակարգ և լիազոր դեսպան Նիկոլաս Սխերմերսի հետ «Հայաստան-Նիդերլանդներ երկկողմ հարաբերությունները Համապարփակ և ընդլայնված գործընկերության համաձայնագրի համատեքստում» թեմայով:

Հարցազրույցը Հայաստան-ԵՄ համաձայնագրի՝ քաղհասարակության հավաքական մոնիտորինգի ծրագրի շրջանակում էր: Նպատակը՝ նպաստել ՀՀ-ԵՄ հարաբերությունների վերաբերյալ հասարակության իրազեկվածության բարձրացմանը և ՀՀ քաղաքացիների համար այդ համագործակցության առավելությունների ներկայացմանը:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ