Իրավապաշտպանների առաջարկները համաներման նախագծի վերաբերյալ
30.10.2018
12:00
Հոկտեմբերի 30-ին Մեդիա կենտրոնում իրավապաշտպանները ներկայացրեցին իրենց առաջարկները Համաներման վերաբերյալ նախագծում ներառելու համար:

Ինչպես հայտնի է, հոկտեմբերի 31-ին Ազգային ժողովում քննարկվելու է համաներման վերաբերյալ նախագիծը, որը ըստ ԱՆ նախարարի պաշտոնակատար Արտակ Զեյնալյանի, լինելու է  ՀՀպատմությանմեջաննախադեպ մեծ համաներում:

ՀՀ վերջին 10 տարիների ընթացքում սա կլինի 4-րդ համաներումը: Ինչպես նշել է Արտակ Զեյլնալյանը, սա մարդասիրական ակտ է Երևանի հիմնադրման 2800-ամյակի և ՀՀ անկախության 100-ամյակի կապակցությամբ:

Քննարկման մասնակից` իրավապաշտպան Զառա Հովհաննիսյանն ասում է. «Մենք համաներումով տալիս ենք համակարգային քաղաքական գնահատական նախկին իշխանություններին»:

Ավետիք Իշխանյանն ասում է, որ իրենք այս նախագիծը քննարկել են արդարադատության խմբով և իրենց առաջարկները ուղարկելու են խորհրդարան:

«Համաներումը մարդասիրական ակտ է, եւ սա չպետք է դիտարկվի քաղաքական ակտ: Միջազգային սկզբունքներով, համաներման դեպքում հաշվի պետք է առնեն նաեւ տուժողների կարծիքները: Ներման եւ համաներման տարբերությունները այն է, որ ներումն առանձին մարդկանց նկատմամբ է կիրառվում, համաներումը չի թիրախավորում առանձին անձանց, կիրառվում է բոլոր անձանց, կամ անձանց կատեգորիաների նկատմամբ: Հաշվի առնելով, որ համաներման նախագիծը ընդունվում է խորհրդարանում, այն պետք է բավարարի իրավունքի գերակայության սկզբունքները, այն է՝ օրինականությունը, կամայականության արգելքը, ինչպես նաեւ խտրականության բացառումը»,-ասաց Իշխանյանը:

Ըստ իրավապաշտպանի, համաներման օրենքի մշակման ընթացքում հանրության եւ հատկապես տուժողներին ներգրավելը բարձրացնում է օրենքի լեգիտիմությունը: Բացի այս, ինչպես ներկայացրեց Իշխանյանը, համաներման նախագիծը պարունակում է դրույթներ, որոնցով այն ոչ թե համաներում է, այլ ներում:

«Մասնավորապես, նախագծի 2-րդ հոդվածի 11-րդ կետը վերաբերում է կոնկրետ անձանց եւ կոնկրետ խնդրի՝ 2016-ի ոստիկանության ՊՊԾ գնդի տարածքում հանցագործություն կատարած անձանց: 4-րդ հոդվածի 11-րդ կետը եւս թիրախավորում է մեկ անձի՝ սահմանելով, որ օրինական ուժի մեջ մտած դատական ակտի առկայության դեպքում համաներման կիրառման համար դատապարտյալի համաձայնությունը չի պահանջվում: Ինձ ճիշտ հասկացեք, ես կողմ եմ համաներում կիրառվի «Սասնա ծռերի» նկատմամբ, բայց դա չպիտի լինի կոնկրետ թիրախավորված, այլ՝ ընդհանուր օրենքների սկզբունքներով պետք է լինի»,-ասում է Իշխանյանը: 

«Ինչ վերաբերում է Նուբարաշենի ՔԿՀ-ին, այն պետք է փակվի, գուցե այնտեղ սունկ աճեցնեն, որովհետև բարձր խոնավություն է, կամ դարձնեն թանգարան»,-հավելեց Իշխանյանը:

 

 

 

Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ