Բոլթոնի այցը ստուգողական էր
29.10.2018
12:00
Հոկտեմբերի 29-ին Մեդիա կենտրոնում տեղի ունեցավ «Ի՞նչ կփոխի Բոլթոնի կովկասյան այցն աշխարհում և Հայաստանում» թեմայով քննարկում, որին մասնակցում էին ԵՊՀ իրանագիտության ամբիոնի վարիչ Վարդան Ոսկանյանն ու միջազգայնագետ Սուրեն Սարգսյանը:

Միացյալ նահանգների նախագահի անվտանգության հարցերով խորհրդական Ջոն Բոլթոնի` Ռուսաստան եւ Հարավային Կովկաս կատարած այցերը մեկնաբանվում են` որպես պատմական:

Հայաստանում նա  կարևոր հայտարարություններ արեց, մասնավորապես. «Մենք մտադիր ենք սեղմել Իրանի շուրջ օղակը, քանի որ կարծում ենք, որ Մերձավոր Արեւելքում եւ ամբողջ աշխարհում նրանց վարքագիծը չարամիտ է եւ պետք է փոխվի»:

Վարդան Ոսկանյանն ասում է, որ Իրանը ողջ տարածաշրջանում ավելի շուտ կայունացնող, բալանսավորող քաղաքականություն է վարում:

«Ինչ վերաբերում է Հայաստան-Իրան սահմանին, ապա, վստահ եմ, որ այն Հայաստանի կողմից փակելու մասին խոսք լինել չի կարող, քանի որ այդ սահմանը Հայաստանի և նաև Իրանի համար ունի չափազանց կարևոր նշանակություն, և ԱՄՆ-ն դա լավ հասկանում է»,-նշում է Ոսկանյանը:

Բոլթոնը նաև նկատեց,  որ Ռուսաստանի կողմից հակամարտության կողմերին՝ Հայաստանին և Ադրբեջանին զենք վաճառելը չի նպաստում կարգավորման գործընթացին, քանի որ այդպիսով Ռուսաստանը կողմերի վրա ազդեցության լծակ է ունենում:  

«Մենք ամերիկացիներ ենք, հավատում ենք մրցակցությանը՝ որպես բարելավման շարժիչ ուժի։ Մեր զենքն ու զինամթերքն այս պարագայում ավելի լավն են, քան` ռուսականը։ Կարծում եմ` սա մենք պետք է քննության առնենք, դիտարկենք մեր օրենքների շրջանակում»:

Սուրեն Սարգսյանն ասում է, որ զենքի վաճառքն իրականացնելու համար ԱՄՆ Սենատը դեռևս պետք է չեղարկի այդ վաճառքն արգելող որոշումը: Իր կարծիքով, գոնե մոտակա շրջանում Ադրբեջանի և Հայաստանի՝ ԱՄՆ-ից զենք գնելու  գործընթացը շատ քիչ հավանական է:

«Եթե դեկտեմբերին կայանալիք արտահերթ խորհրդարանական ընտրություններում վարչապետ Նիկոլ Փաշինյանի ղեկավարած կուսակցությունը ստանա մանդատ` դա լավ հնարավորություն կլինի Լեռնային Ղարաբաղի հակամարտության կարգավորման հարցում ձեռնամուխ լինել ավելի վճռորոշ քայլերի»,-հավելեց Սարգսյանը։

 

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...