«ԱԺ արտահերթ ընտրություններ. հնարավոր զարգացումներն ու հանրության ակնկալիքները»
19.10.2018
19:00
Հոկտեմբերի 18-ին Մեդիա կենտրոնի նախաձեռնությամբ Ա1 պլյուսի տաղավարում առցնաց ուղիղ հեռարձակմամբ անցկացվեց հաղորդում «ԱԺ արտահերթ ընտրություններ. հնարավոր զարգացումներն ու հանրության ակնկալիքները» թեմայով:

Բանախոսներն էին ՀՀ արտակարգ և լիազոր դեսպան, «Մոդուս վիվենդի» վերլուծական կենտրոնի ղեկավար Արա Պապյանը, ազգագրագետ Հրանուշ Խառատյանը, ՀՔԱ Վանաձորի գրասենյակի ղեկավար Արթուր Սաքունցը, ՀՀ ԱԺ արտաքին հարաբերությունների հանձնաժողովի նախկին նախագահ, միջազգային փորձագետ Հովհաննես Իգիթյանը և Միջազգային և անվտանգության հարցերի հայկական ինստիտուտի նախագահ Ստեփան Սաֆարյանը:

Արա Պապյանն ասում է, որ անհրաժեշտ է հասկանալ Նիկոլ Փաշինյանի և մյուս քաղաքական ուժերի միջև պայմանավորվածությունները ինչ գնով են ձեռք բերվել:

«Որովհետև որևէ քաղաքական ուժ հենց այնպես որևէ պարտավորվածություն չի ստանձնում, ուրեմն դրա դիմաց ինչ որ մի բան պետք է ստանա: Իսկ արտաքին ուժերի հնարավոր միջամտության հետ կապված հիմա տեսնում ենք, որ շահագրգռություն թույլ չեն տալիս: Առաջինը նրա համար, որ երկրի ներսում որևէ հենարան չունեն և երկրորդ` նրանք փորձում են դա այլ ձևով առաջ մղել, այսինքն պահելով ձևականորեն ամեն ինչ նույնը,  բայց փոխել բնույթը»,-ասում է Պապյանը:

Հովհաննես Իգիթյանն ասում է, որ չի տեսնում ռիսկ, որ որևէ քաղաքական ուժ խորհրդարանում խախտի բանավոր կամ գրավոր խոստումը` չառաջադրելու վարչապետի թեկնածու առաջիկա 2 շաբաթվա ընթացքում:

«Նրանք հասկանում են, թե իրենք ինչ ռիկսի տակ են լինելու, եթե մեկին առաջադրեն: Մենք գնում ենք արատահերթ  ընտրությունների ընտրելու պետության առաջին դեմքի:  Կա՞ Հայաստանում որևէ  ուժ, որը կարող է առաջադրել որևէ  մեկին, որը կարող է  համարվել այլընտրանքային կամ ընդդիմադիր թեկնածու, ես այսօր չեմ տեսնում նման թեկնածու և ուժ: Մենք այսօր մեկ խնդիր ենք լուծում` Նիկոլ Փաշինյանին ընտրել վարչապետ և մենք գնում ենք դա լեգիտիմացնելու»:

Ազգագրագետ ՀրանուշԽառատյանն ասում է, որ քաղաքական ուժերի հետ պայմանավորվածությունների շրջանակում, ինքը, միևնույն է, տեսնում է որոշ վտանգներ:

«Հավանբար ինչ-որ խոստումների պայմանավորվածություների շրջանակում կարող  է քվորում չլինել,  ճգնաժամ առաջացնելու և գործընթացի լեգիտիմությունը փչացնելու հնարավոր տագնապները ես ունեմ: Թեկնածու առաջադրելու մեջ խիստ կասկածում եմ, բայց գործընթացի մեջ խնդիրներ առաջացնելու և պրովոկացիոն քայլեր անելու ռիսկեր տեսնում եմ: Դրանք ցանկալի չեն այս ընթացքում, բայց  հնարավոր կանխատեսելի են»,- ասում է Խառատյանը:

Ստեփան Սաֆարյանն ասում է, որ հոկտեմբերի 2-ի հավաքը Ազգային ժողովի շենքի առջև շատ մեծ դաս էր հեռացող կուսակցության համար:

«Ես նաև առիթ եմ ունեցել տեսնելու այն ճնշվածությունը, որ կար Ազգային ժողովի շենքը պաշարելուց հետո, և նրանք հասկանում են, որ անգամ փոքրիկ ձգձգման, խափանման փորձը կարող  է ուղղակի իսպառ անձնապես վերացնել նրանց քաղաքական դաշտից»:

Արթուր Սաքունցն ասում է, որ բացառում է այլ ռիկսեր: Ըստ նրա` ՀՀԿ-ն իր կողմից մշակված սահմանադրական ընթացակարգերով ուներ որոշակի հնարավորություն առնվազն կանխելու պրոցեսները ֆորմալ առումով:

«Երևանի ավագանու ընտրությունները խուճապի մատնեց հանրապետականին և աջակից ուժերին, որի արձագանքը եղավ հոկտեմբերի 2-ի որոշումը`ԱԺ «Կանոնակարգ օրենքի» փոփոխություններին կողմ քվեարկելը:  Իսկ ԱԺ դարպասները բացելը  զրկեց հանրապետականին ԱԺ դարպասների հետևում պատսպարվելուց և ստանալու լեգիտիմի գործելաոճ, դա նրանց անվտանգության տարածքն էր»,- հավելում է Սաքունցը:

 

 

 

Տեսանյութ
Print Friendly and PDF
Այլ մամլո հաղորդագրություններ
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

«Ի՞նչ անի խաղաղ բնակչությունը, երբ կրակում են սահմանի մյուս կողմից. ԱԻՆ-ը զգուշացնում է»
03.08.2020
14:00
Օգոստոսի 3-ին, ժամը 14:00-ին, Մեդիա կենտրոնը կազմակերպեց առցանց քննարկում «Ի՞նչ անի խաղաղ բնակչությունը, երբ կրակում են սահմանի մյուս կողմից. ԱԻՆ-ը զգուշացնում է» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...