Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
Ֆեյսբուքյան հարցման արդյունքներով հարցման մասնակից օգտատերերի 97 տոկոսը պաշտպանում են արտահերթ ընտրություններ անցկացնելու գաղափարը։
 
Հարցումն անցկացվել է հոկտեմբերի 6-10-ն ընկած ժամանակահատվածում։
Հարցման վիրտուալ հարթակ այցելած 2200 օգտատերից դիրքորոշում է հայտնել 52%-ը՝ 1144 օգտատեր։
Օգտատերերը պատասխանել են ներքոհիշյալ հարցին՝ 5 հնարավոր պատասխանով, որի արդյունքում ձևավորվել է հետևյալ պատկերը։
Ե՞րբ է հարկավոր անցկացնել ԱԺ արտահերթ ընտրությունները
  • Արտահերթ ընտրությունները պետք է իրականան մինչև տարվա վերջ։ 91.9%
  • Արտահերթ ընտրությունները պետք է իրականան 2019 - ի գարնանը։ 5.3%
  • Արտահերթ ընտրությունների կարիք չկա։ 1.1%
  • Արտահերթ ընտրություններ մինչև տարեվերջ պետք չեն։ 1%
  • Չեմ կողմնորոշվում։ 0.6%
Հարցմանը մասնակից օգտատերերի ընդամենը 2․6%-ն է, որ կողմ չէ մինչև դեկտեմբեր արտահերթ ընտրություններ անցկացնելուն կամ չի կողմնորոշվում։
 
Հարցման մասնակիցների ցուցանիշով թեմայի վերաբերյալ ակտիվ դիրքորոշում հայտնողների հետաքրքրությունը համեմատական առումով բավականին բարձր է՝ 52%։
Թեմայի վերաբերյալ մեծ ակտիվություն է նկատվել նաև ֆեյսբուք սոցիալական ցանցում տեղադրված հարցման հղման ներքո, որտեղ օգտատերերը մի քանի տասնյակ մեկնաբանություններ են թողել՝ գերակշիռ մասով կողմ արտահայտվելով մինչև 2018թ․ դեկտեմբեր ամիսը արտահերթ ընտրություններ անցկացնելու գաղափարին։
 
Արտահերթ խորհրդարանական ընտրություններ 2018թ․ մայիսի 8-ին Թավշյա հեղափոխության արդյունքում վարչապետի պաշտոնը ստանձնելուց հետո Նիկոլ Փաշինյանը հայտարարեց արտահերթ խորհրդարանական ընտրություններ անցկացնելու անհրաժեշտության մասին։
Հունիսի 7-ին Ազգային ժողովին ներկայացրած ՀՀ կառավարության ծրագրով արտահերթ խորհրդարանական ընտրություններն անհրաժեշտ է անցկացնել առավելագույնը մեկ տարվա ընթացքում:
Ըստ ծրագրի՝ Թավշյա հեղափոխության հաղթանակից հետո ակնհայտ է դարձել, որ վեցերորդ գումարման խորհրդարանը չի արտահայտում ժողովրդի իրական քաղաքական տրամադրությունները, ինչը արտահերթ խորհրդարանական ընտրություններ անցկացնելու անհրաժեշտություն է առաջացնում:
 
Կառավարության հիմնավորմամբ՝ ազատ և ժողովրդավարական ընտրությունների գրավականն առաջնահերթ «Ընտրական օրենսգրքի» փոփոխությունն է:
Արտահերթ ընտրություններ անցկացնելու մոտավոր ժամկետ նշվում էր 2019թ․ մայիս-հունիս ամիսները։
Սակայն սույն թվականի սեպտեմբերի 23-ին տեղի ունեցած Երևանի ավագանու ընտրություններից հետո, երբ Նիկոլ Փաշինյանի քաղաքական հովանավորչությունը վայելող «Իմ քայլը» դաշինքը ստացավ ընտրողների վստահության քվեի 80 տոկոսից ավելին, արտահերթ խորհրդարանական ընտրություններ անցկացնելու անհրաժեշտությունը հայտնվեց քաղաքական օրակարգում։
 
Վարչապետ Նիկոլ Փաշինյանն առաջարկեց մինչև սույն թվականի դեկտեմբեր անցկացնել խորհրդարանական ընտրություններ։
Սակայն այդ գաղափարը հանդիպեց խորհդարանական ուժերի դիմադրությանը՝ մասնավորապես ՀՀԿ-ի, ԲՀԿ-ի ու ՀՅԴ-ի, որոնք ցանկանում էին այդ ընտրություններն անցկացնել ավելի ուշ՝ 2019թ․ գարնանը։
Հոկտեմբերի 2-ին ՀՀԿ խմբակցությունը փոփոխություններ նախաձեռնեց ԱԺ կանոնակարգ օրենքում, ինչը Նիկոլ Փաշինյանի կողմից գնահատվեց ԱԺ արտահերթ ընտրություններ անցկացնելուն խոչընդոտելու փորձ։
 
Նույն օրը ուշ երեկոյան Նիկոլ Փաշինյանի կոչով տասնյակ հազարավոր քաղաքացիներ հավաքվեցին Ազգային շենքի դիմաց՝ պաշտպանելու արտահերթ ընտրությունների գաղափարն ու դատապարտելու ՀՀԿ-ի ու մյուս խմբակցությունների՝ արտահերթ ընտրությունները խոչընդոտելու փորձերը։
Քաղաքական բանակցությունների ու խորհրդակցությունների արդյունքում այժմ գոյություն ունի հասարակական-քաղաքական կոնսենսուս դեկտեմբերին ԱԺ արտահերթ ընտրություններ անցկացնելու վերաբերյալ։
Ինչպես երևաց հարցմանը արդյուքներից օգտատերերի 90 տոկոսից ավելին պաշտպանում է վարչապետի դիրքորոշումը սույն թվականի դեկտեմբեր ամսին ընտրություններ անցկացնելու մասով։
 
Հարցման մասին մանրամասներ Հարցումն անցկացվել է 2018թ․ հոկտեմբերի 6-ից-10-ն ընկած ժամանակահատվածում։
Հարցումը տեղադրված է եղել ՀԼԱ-ի Մեդիա կենտրոն նախաձեռնության ավելի քան 8 հազարից ավելի հետևորդ ունեցող ֆեյսբուքյան էջում ու հանրության լայն ներգրավվածությունն ապահովելու համար օգտագործվել է վճարովի գովազդի հնարավորությունը։ Գովազդի միջոցով թիրախավորվել են Հայաստանում ապրող 18-ը լրացած բոլոր օգտատերերը երկրի բոլոր մարզերից։ Հարցման լեզուն հայերենն է։
Հարցման համար նախատեսված վիրտուալ հարթակ այցելած 2200 օգտատերերից դիրքորոշում է հայտնել 52%-ը՝ 1144 օգտատեր։ Մասնակից օգտատերերի 81 % -ը հարցմանը մասնակցել է Հայաստանի տարածքից, մնացածն այլ երկրներից՝ հիմնականում Ռուսաստանի Դաշնությունից ու Միացյալ Նահանգներից։
 
Հարցումն անանուն է, հարցման մասնակիցների տվյալները հրապարակման ենթակա չեն։
«Հանրային հարցումներ առցանց տիրույթում» ծրագիրն իրականացնում է Հանրային լրագրության ակումբ հասարակական կազմակերպությունը։
Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ