«ԱԺ մոնիտորինգ. 6-րդ գումարման Ազգային ժողովի 3-րդ նստաշրջանի դիտարկման արդյունքները»
05.09.2018
13:00
Արդեն 8-րդ տարին է, ինչ ԱԺ մոնիտորինգը ներկայացնում է ԱԺ-ի նստաշրջանների մշտադիտարկման արդյունքները:

Սեպտեմբերի 5-ին Մեդիա կենտրոնում ներկայացվեց 6-րդ գումարման Ազգային ժողովի 3-րդ նստաշրջանի դիտարկման արդյունքները: ԱԺ մոնիտորինգ ծրագրի ղեկավար  Լուսինե Վասիլյանը նշեց, որ այս նստաշրջանն առանձնանում էր նրանով, որ առաջին անգամ  հանրապետության նախագահն ընտրվեց խորհրդարանի կողմից:

Նրա խոսքով` առաջինն էր նաև վարչապետի և  ՍԴ նախագահի  ընտրությունը. «Այսինքն  տեղի են ունեցել իրադարձություններ, որոնք աննախադեպ էին Հայաստանի  վերջին շրջանի  պատմության համար: Առաջին անգամ արձանագրվեց նաև, որ խորհրդարանական  մեծամասնությունն այլևս  ընդդիմություն է և նախորդ շրջանի մեծամասնությունը  այլևս բացարձակ մեծամասնություն չէ»:

Վասիլյանն  անդրադարձավ նաև այս փոփոխությունների արտացոլմանը օրենսդրական աշխատանքի մեջ և փաստեց, որ օրենսդրական գործընթացում  բեկումնային փոփոխություններ չի գրացնվել: Հիմնական ցուցանիշը  այն է, որ խորհրդարանը  այս նստաշրջանում  ընդունել է 314 օրենք:

«Սա մոտավորապես 3 անգամ ավելին է,  քան 5-րդ գումարման նստաշրջանում, նախորդում  միջին ցուցանիշը 95-ն  էր»:

Նրա համոզմամբ  այս ցուցանիշն ունի իր օբյեկտիվ բացատրությունը`օրենսդրությունը համապատասխանեցվում էր սահմանադրությանը, քննարկումներն ընթանում էին շատ արագ, և արագընթաց քննաևկումների արդյունքում սպառվում էր օրակարգը: Նրա կարծիքով կարևորագույն օրենքներն ընդունվել են  առանց  լայն քննարկումների, և ուշագրավ է համարում այն փաստը, որ որևէ խմբակցություն այս հարցը չի բարձրացրել:

Վասիլյանը ներկայացրեց նաև նստաշրջանի ամենաակտիվ և պասիվ  խմբակցությունների ցուցակը, որոնցում իր  ակտիվությամբ առաջին տեղում  է Ծառուկյան խմբակցությունը, որին հաջորդում է Ելքը:  Այս դիտարկումները կատարվում են ըստ փաստերի  և ելույթների միջինացված ցուցանիշներով:

«ՀՀԿ-ն և ՀՅԴ-ն այս նստաշրջանում պակաս ակտիվություն են ցուցաբերել: Ամենապասիվ խմբակցությունն այս նստաշրջանում ՀՅԴ-ն էր :  Պատգամավորների ընդհանուր թվի  կեսից ավելին շարունակում է պահպանել կայուն պասիվություն»,-հավելեց Վասիլյանը:

Անդրադառնալով  մոնիտորինգի արդյունքներին`  ՀՀԿ խմբակցության պատգամավոր Գագիկ Մելիքյանը  համաձայնեց այն դիտարկման հետո, որ այս նստաշրջանն իրոք տարբերվում էր նախորդ բոլոր նստաշրջաններից:

«Նստաշրջանը յուրահատուկ էր նրանով, որ խորհրդարանական  կառավարումը ապրիլի 9-ին այլևս իրողություն դարձավ, և խորհրդարանը պատմության մեջ առաջին անգամ ընտրեց  հանրապետության նախագահ, ինչպես նաև բարձրագույն դատական խորհրդի կազմից 5 անդամներ»:

Նրա խոսքով իշխանափոխությունն  այս ընթացքում  բերեց նրան, որ  խորհրդարանում քաղաքական ուժերի միջև աճեց լարվածությունը, և լիագումար նիստերի ակտիվությունը տեղափոխվեց հանձնաժողովներ:

«Սակայն այնուամենայնիվ  ՀՀԿ շարունակում է հանդես գալ կողմ դիրքորոշմամբ: Բոլոր այն նախաձեռնությունները, որոնք կբխեն պետության և ժողովրդի շահերից, մենք կաջակցենք դրանց»,-ասաց Մելիքյանը:

ԱԺ «ԵԼՔ» խմբակցության պատգամավոր Էդմոն Մարուքյանը ընդգծեց, որ խմբակցությունը հնարավորինս օգտագործել է Ազգային ժողովի կողմից իրենց ընձեռնված գործառույթները ` վերահսկելու  ԱԺ-ի աշխատանքը:

«Այս պահին, ըստ երևույթին,  խորհրդարանում ընդդիմություն չկա, որովհետև չունենք մեծամասնություն»,-ասաց Մարուքյանը և հավելեց, որ իրենց խմբակցությունը միշտ պատրաստ է համագործակցել տարբեր խմբակցությունների հետ:

Պատգամավորն անդրադարձավ նաև նախորդ քաղաքական համակարգի խնդիրներին որակելով այն «հիվանդ»:

«Հիմա փորձ է արվում առողջացման մեխանիզմներ կիրառել, և նախորդից դասեր քաղելով, իրականացնել արդյունավետ աշխատանքներ»,-նշեց Մարուքյանը:

Գնահատելով ԱԺ մոնիտորինգի կատարած աշխատանքը`  ԱԺ «Ծառուկյան» խմբակցության պատգամավոր Սերգեյ Բագրատյանը նշեց, որ ստեղծված իրավիճակը պատկերացում է ստեղծում  ներկայիս քաղաքական իրադրության մասին. «Ես շատ ուրախ եմ, որ Ծառուկյան խմբակցությունը ամենաակտիվ ցուցանիշն է արձանագրել: Կարծում եմ, որ այն պատգամավորները, ովքեր ասելիք և անելիք չունեն, խորհրդարանում չպետք է լինեն: Այն, որ  40-ից ավելի պատգամավորներ լուռ են, նրանք կարծում եմ խորհրդարանում անելիք  չունեն»:

«ԱԺ մոնտիրոնինգ» ծրագրի փորձագետ Մարիամ Բարսեղյանն էլ մատնանշեց, որ  ՍԴ նախագահի ընտրությունը Ազգային ժողովի կողմից,  առաջինը չէր:

«Գագիկ Հարությունյանի ընտրությունը ևս կատարվել էր ԱԺ-ի կողմից տևական ժամանակ առաջ:  Ըստ էության Հրայր Թովմասյանի ընտրությունը մարտի սկզբներին էր, և եթե իրադարձությունները 1 ամիս առաջ լինեին, պարզ չէր լինի  արդյոք Հրայր Թովմասյանը կընտրվեր ՍԴ նախագահ, թե ոչ:  Այս առումով հետաքրքիր է նաև վարչապետի ընտրությունը: Ըստ երևույթին Նիկոլ Փաշինյանը վարչապետ ընտրվեց սահմանային ընթացակարգով, որովհետև եթե երկրորդ անգամ էլ վարչապետ չընտրվեր խորհրդարանը  կլուծարվեր»,-եզրափակեց Մարիամ Բարսեղյանը:

Տեսանյութ
Print Friendly and PDF
Այլ մամլո հաղորդագրություններ
Կորոնավիրուս՝ ՔԿՀ-ներում. կանխել հնարավո՞ր էր
04.04.2020
17:30
Երեկ հայտնի դարձավ, որ «Վարդաշեն» ՔԿՀ պահպանության բաժնի 5 աշխատակիցների մոտ կորոնավիրուս է ախտորոշվել, ևս 28-ը մեկուսացված են, կատարվում է նմուշառում։
Թեմայի շուրջ Մեդիա կենտրոնը զրուցել է «Սոցիալական արդարություն» ՀԿ նախագահ, քրեական արդարադատության, ԵԽ բանտային ու պրոբացիոն համակարգերի փորձագետ Արշակ Գասպարյանի հետ։
Անգամ արտակարգ դրության պայմաններում պատգամավորները շարունակում են դակել կառավարության որոշումները. Ավետիք Իշխանյան
02.04.2020
20:56
Արտակարգ դրության պայմաններում օրենսդիր մարմնի գործունեության վերաբերյալ «Մեդիա կենտրոնը» զրուցել է Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանի հետ։
Հայտարարություն
02.04.2020
18:00
Մարտի 31-ին Ազգային ժողովն ընդունեց օրենսդրական փաթեթ, որը կոչված է Հայաստանում արտակարգ դրության պայմաններում կառավարությանը տրամադրել համավարակի տարածումը կանխելու լրացուցիչ գործիքներ՝ սահմանափակելով անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքները։
Արցախում բազմակարծությունը հաղթեց. ընտրությունները միանշանա՛կ հաջողված են
01.04.2020
18:40
Մարտի 31-ին Արցախում տեղի ունեցած նախագահական ընտրություններում նախագահի թեկնածու Արայիկ Հարությունյանն ստացավ ձայների 49,26% -ը, Մասիս Մայիլյանը՝ 26,4%-ը, Վիտալի Բալասանյանը` 14,7%-ը։ Քանի որ թեկնածուներից որևէ մեկը 50 տոկոսից ավելի ձայն չի հավաքել, ապրիլի 14-ին Արցախում տեղի կունենա նախագահական ընտրությունների 2-րդ փուլը։
Նախագահական ընտրություններին զուգահեռ ՝անցկացվեցին նաև խորհրդարանական ընտրություններ: Ամենաբարձր՝ 40 % ձայն ստացավ Արայիկ Հարությունյանի գլխավորած «Ազատ Հայրենիք» քաղաքական ուժը։
Մեր զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը:
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ