«Թավշյա հեղափոխությունը այն ուղերձն է հղում, որ Հայաստանը հիմա ավելի բաց է աշխարհին ու ներդրումների համար». ՀՀ-ում Բրազիլիայի դեսպան
05.09.2018
11:00
Այս տարի սեպտեմբերի 7-ին Բրազիլիան նշում է անկախության 196-րդ ամյակը: Այս առիթով սեպտեմբերի 5-ին Մեդիա կենտրոնում հյուրընկալել էինք ՀՀ-ում Բրազիլիայի արտակարգ և լիազոր դեսպան, Ն. Գ պարոն Աժեմար դե Մենդոնսա Սանկտոսին:

Մինչ հայ-բրազիլական հարաբերությունների մասին խոսելը, պարոն դեսպանը անդրադարձավ Բրազիլիայում օրեր առաջ տեղի ունեցած արտակարգ պատահարին: Ռիո դե Ժանեյրոյում հրդեհվել էր Բրազիլիայի ազգային թանգարանը, որտեղ պահպանվում էին 20 մլն նմուշներ և 200 տարվա գիտական աշխատանքներ, ուսումնասիրություններ:

«Բրազիլիայում շենքերը հիմնականում պատրաստված են աղյուսից ու շաղախից: Կրակի բռնկման գործոնները տարբեր են, բայց հիմա հետաքննության փուլում է, որպեսզի պարզեն պատճառները: Նմուշների 90 տոկոսը այրվել է, հաջողվել է պահպանել ընդամենը 10 տոկոսը»,-ասաց Բրազիլիայի դեսպանը:

Անդրադառնալով հայ-բրազիլական հարաբերությունների զարգացման հեռանկարներին թավշյա հեղափոխությունից հետո, պարոն դեսպանն ասաց, որ Բրազիլիան միշտ ունեցել է լավ հարաբերություններ ՀՀ կառավարության հետ, քանի որ լավ հարաբերությունների մեջ է եղել հենց հայերի հետ:

«Թավշյա հեղափոխությունը այն ուղերձն է հղում, որ Հայաստանը հիմա ավելի բաց է աշխարհին ու ներդրումների համար:  Ես տեսնում եմ, որ ներդրումային միջավայրը ավելի նպաստավոր է դառնում Հայաստանում»,-ասում է պարոն Աժեմար դե Մենդոնսա Սանկտոսը:  

Անդրադառնալով հայ-բրազիլական ապրանքաշրջանառությանը` պարոն դեսպանը նկատեց, որ Հայաստանի արտահանման ծավալները շատ փոքր են:

«Ապրքանշրջանառության ոլորտում  թվերը այքան էլ մեծ չեն: Բրազիլիայից Հայաստան արտահանման ծավալները կազմում են 30 միլիոն դոլար, ներկրման ծավալները ընդամենը 1 միլիոն դոլար: Բրազիլիայի շուկան շատ մեծ է 50 մլն սպառող գնողունակությամբ, իսկ Հայաստանի արտահանումը 90 տոկսով ուղղված է  Ռուսաստան և տարածաշրջանային այլ երկրներ: Նրանք չեն կարող ապահովել բրազիլական շուկայի պահանջարկը, որտեղ մոտ 7000 սուպերմակտե կա: Ես փորձում եմ խթանել, ներգրավել,  բայց առայժմ արտահանման ծավալները չեն բավականացնում Բրազիլիայի շուկայի պահանջարկին»,-ասում է պարոն Աժեմար դե Մենդոնսա Սանկտոսը:  

Հայ-բրազիլական մշակութային համագործակցությունը, դեսպանի գնահատմամբ, շատ ավելի սերտ է:

«Այս տարի մենք ունենք բրազիլական ֆիլմերի 2 փառատոն Հայաստանում, բրազիլական երաժշտության փառատոն, կրթաթոշակներ հայ ուսանողների համար, որպեսզի գնան Բրազիլիա ու սովորեն պորտուգալերեն: Փորձում ենք նաև Բրազիլիայից ուսանողներ և դասավանդողներ բերենք Հայաստան: Ես փորձում եմ այստեղ խթանել բրազիլական մշակույթը: Ինչ վերաբերում է տուրիզմին, ապա Հայաստանը Բրազիլիայի համար հեշտ այցելելու երկիր է, քանի որ վիզային ռեժիմ չկա երկու երկրների միջև ու բրազիլացները կարող են մուտք գործել Հայաստան»,-հավելեց դեսպանը:

 

Տեսանյութ
Print Friendly and PDF
Այլ մամլո հաղորդագրություններ
Կորոնավիրուս՝ ՔԿՀ-ներում. կանխել հնարավո՞ր էր
04.04.2020
17:30
Երեկ հայտնի դարձավ, որ «Վարդաշեն» ՔԿՀ պահպանության բաժնի 5 աշխատակիցների մոտ կորոնավիրուս է ախտորոշվել, ևս 28-ը մեկուսացված են, կատարվում է նմուշառում։
Թեմայի շուրջ Մեդիա կենտրոնը զրուցել է «Սոցիալական արդարություն» ՀԿ նախագահ, քրեական արդարադատության, ԵԽ բանտային ու պրոբացիոն համակարգերի փորձագետ Արշակ Գասպարյանի հետ։
Անգամ արտակարգ դրության պայմաններում պատգամավորները շարունակում են դակել կառավարության որոշումները. Ավետիք Իշխանյան
02.04.2020
20:56
Արտակարգ դրության պայմաններում օրենսդիր մարմնի գործունեության վերաբերյալ «Մեդիա կենտրոնը» զրուցել է Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանի հետ։
Հայտարարություն
02.04.2020
18:00
Մարտի 31-ին Ազգային ժողովն ընդունեց օրենսդրական փաթեթ, որը կոչված է Հայաստանում արտակարգ դրության պայմաններում կառավարությանը տրամադրել համավարակի տարածումը կանխելու լրացուցիչ գործիքներ՝ սահմանափակելով անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքները։
Արցախում բազմակարծությունը հաղթեց. ընտրությունները միանշանա՛կ հաջողված են
01.04.2020
18:40
Մարտի 31-ին Արցախում տեղի ունեցած նախագահական ընտրություններում նախագահի թեկնածու Արայիկ Հարությունյանն ստացավ ձայների 49,26% -ը, Մասիս Մայիլյանը՝ 26,4%-ը, Վիտալի Բալասանյանը` 14,7%-ը։ Քանի որ թեկնածուներից որևէ մեկը 50 տոկոսից ավելի ձայն չի հավաքել, ապրիլի 14-ին Արցախում տեղի կունենա նախագահական ընտրությունների 2-րդ փուլը։
Նախագահական ընտրություններին զուգահեռ ՝անցկացվեցին նաև խորհրդարանական ընտրություններ: Ամենաբարձր՝ 40 % ձայն ստացավ Արայիկ Հարությունյանի գլխավորած «Ազատ Հայրենիք» քաղաքական ուժը։
Մեր զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը:
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ