«Կառավարության 100 օր. ինչպե՞ս բարեփոխել կրթության ոլորտը»
27.08.2018
12:00
Այս տարի գարնանը Հայաստանում տեղի ունեցած թավշյա հեղափոխությունից հետո, երեք ամսվա ընթացքում կրթության ոլորտում իրականացվել են մի շարք բարեփոխումներ: Այս մասին օգոստոսի 27-ին Մեդիա կենտրոնում տեղի ունեցած քննարկմանը հայտարարեց ԿԳ փոխնախարար Արևիկ Անափիոսյանը` ամփոփելով նոր կառավարության 100 օրը:

Անափիոսյանը նշեց, որ կրթական ոլորտի բարեփոխումները հիմնականում երկու ուղղվածություն ունեն: Առաջին ուղղվածությունը  համակարգը ամբողջությամբ փոխելն է,  որը հնարավորություն կստեղծի  իրագործելու գալիք բոլոր ծրագրերը, իսկ երկրորդը` համակարգի ներսում հատվածական լուծումներ իրականացնելն է:

«Առաջնահերթությունը համակարգի փոփոխությունն է, որովհետև գործող համակարգը չի ծառայում իր նպատակին: Կարծում եմ, որ նախկինում չենք ունեցել հստակ քաղաքականություն, թե մենք ուր ենք տանում մեր կրթությունը, և այդ պատճառով համակարգը բավականին տձև է դարձել: Հիմա փորձ է արվում կրթությանը տեր կանգնել, ինչը նախկինում ինչ-որ չափով բաց թողնված էր»,-ասաց Անափիոսյանը: 

Փոխնախարարի խոսքով, արդեն աշխատանքներ են տարվել համակարգի ներսում հատվածական լուծումներ կատարելու նպատակով, որի համար անհրաժեշտ են մարդկային, ժամանակային և ֆինանասական ռեսուրսներ:  Նրա պնդմամբ նախկինում խնդիրը ֆինանսների ճիշտ բաշխումն էր և ռեսուրսների ոչ արդյունավետ օգտագործումը:

«Այս երեք ամսվա ընթացքում փորձել ենք հնարավորինս ռացիոնալիզացնել ԿԳՆ-ի աշխատանքը, և շեշտը հիմնականում դնել բյուջեի արդյունավետ օգտագործման վրա»:

Կրթության փորձագետ, Կրթական  քաղաքացիական նախաձեռնության անդամ Սերոբ Խաչատրյանը, անդրադառնալով 100 օրվա ընթացքում ԿԳՆ-ի կատարած աշխատանքին, ասաց, որ կրթության ոլորտում առկա խնդիրներից է կրթության կուսակցականացումը և անհրաժեշտ է անցումային  ապակուսակցականացում:

«Բոլորը մյուսների թերությունները արտակարգ տեսնում են, բայց ոչ մեկն իր թերությունը չի տեսնում: Առաջին քայլը պետք է անի նախարարությունը, եթե նախարարությունը սկսի իր խնդիրներից, ապա ոլորտի մասնագետները հաջորդաբար կփորձեն վերացնել իրենց  թերությունները` փոխարենը չկենտրոնանալով այլոց սխալների ու թերությունների վրա»:

Խաչատրյանի առաջարկով անհրաժեշտ է ունենալ մշտական հանձնաժողով, որը կազմված կլինի ոլորտի տարբեր մասնագետներից, ովքեր խորքային և տևական քննարկումներ կատարելով, կվերահսկեն կրթության ոլորտում կատարվող աշխատանքը:

Հանդիպմանը ներկա էր նաև Արեգնազան կրթահամալիրի ուսուցիչ, ԵՊՀ դասախոս Արա Աթայանը, ով իր հերթին կիսվեց իր մտահոգություններով և առաջարկներով: Նրա խոսքով երեք ամսվա  արմատական փոփոխությունները գուցե տեսանելի են, սակայն դրանց հետևանքներն ի  հայտ կգան մի քանի տարի անց:

Ըստ Աթայանի, այստեղ կարևորվում է նաև հասարակության դերը. « Չի կարելի նախարարությանը դեմ առ դեմ թողնել այս խնդիրների առջև: Անհրաժեշտ է այնպիսի մարմին, որն իր հեղինակությամբ կօգնի խնդիրների լուծման գործում»:

Աթայանն անդրադարձավ նաև 12-ամյա կրթությանն ու շեշտեց, որ  կարևոր չի, թե ինչ ժամանակահատված ունի դպրոցական կրթությունը, կարևորն այն է, թե ինչով են լցնում կրթության տարիները. «Պետք է ամենահետաքրքիր գիտելիքներով լցնել դպրոցական կյանքը, ոչ թե հիստերիկ տագնապներով թե, երբ կավարտեն այն: Աշակերտը պետք է առնչվի կրթության, արվեստի, սպորտի, յուրաքանչյուր ոլորտի հետ: Այն հնարավորություն կտա ինքնուրույնություն ձեռք բերել, և հետագայում բուհ դիմելիս ինքնուրույն որոշել, թե ինչ մասնագիտություն են ցանկանում ընտրել»:

Նրա կարծիքով անհրաժեշտ է վերանայել ավարտական քննությունների կարգը. «Գիտական ապացույցներ կան, որ քննություններից առաջ աշակերտները միկրոինֆարկտներ են ստանում: Հարկավոր է շեմը իջեցնել այնքան, որ աշակերտն ուրախ հաղթահարի քննական շրջանը»

Աթայանի պնդմամբ կրթության ոլորտում ընդհանրապես բազմազանության պակաս կա:

Հանրային քաղաքականության ինստիտուտի ներկայացուցիչ Աննա Գևորգյանի խոսքով, անհրաժեշտ է հասկանալ և տարանջատել պետության դերակատարումը և կրթության ոլորտում աշխատող մասնագետներըի դերը:

Իսկ Կրթական քաղաքացիական նախաձեռնության անդամ, երիտասարդական ուսումնասիրությունների ինստիտուտի տնօրեն Մարինա Գալստյանի խոսքով, պետք է գործեն գիտելիքի գնահատման հստակ չափանիշներ և մեխանիզմներ, որպեսզի  հասկանան, թե  ինչ գիտելիք են տալիս աշակերտներին ու  ուսանողներին:

Լսելով գործընկերների բոլոր առաջարկությունները և կիսելով բոլորի մտահոգությունները`  Արևիկ Անափիոսյանը նշեց, որ առաջիկայում կանդրադառնան բոլոր խնդիրներին, փորձելով լուծումներ տալ և փոխվստահության, փորձագիտական համակարգի ուժերի ներդրմամբ հասնել ցանկալի արդյունքի:

«Կարծում եմ փորձագիտական համայնքը մեզ կօգնի իրականացնել բարեփոխումների այն ծրագիրը, որը մենք ունենք»,-եզրափակեց ԿԳ փոխնախարարը:

 

Տեսանյութ
Print Friendly and PDF
Այլ մամլո հաղորդագրություններ
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Հայտարարություն
27.03.2020
17:00
Մենք՝ ներքոստորագրյալ կազմակերպություններս, գոհունակությամբ ենք ընդունել այն, որ ՀՀ կառավարությունը մարտի 25-ին վերանայեց մարտի 16-ի իր որոշումը և վերացրեց նոր կորոնավիրուսի հետ կապված խնդիրների լուսաբանման անհամաչափ սահմանափակումները։
«Որքանով է հայակական համացանցը պատրաստ գերծանրաբեռնված աշխատանքին»
27.03.2020
10:30
Մեդիա կենտրոնն իրականացրեց հեռավար հարցազրույց Կանադայում բնակվող Դավիթ Սանդուխչյանի՝ «Որքանով է հայակական համացանցը պատրաստ գերծանրաբեռնված աշխատանքին» թեմայով։ Դավիթ Սանդուխչյանն ինտերնետ ոլորտի իրավաբան է և հարցազրույցի ժամանակ կիսվում է իր մտահոգություններով և տեսլականով, խոսում հայաստանյան և համաշխարհային ինտերնետ կապի որակի, առկա մարտահրավերների և լուծումների մասին։
Խոշտանգումը շարունակում է խնդիր մնալ անգամ հեղափոխությունից հետո. Արա Ղարագյոզյան
26.03.2020
20:02
Երեկ՝ մարտի 25-ին, Վերաքննիչ դատարանը մասնակի բավարարել է խոշտանգման գործով տուժող ճանաչված քաղաքացու շահերի պաշտպան Արա Ղարագյոզյանի ու դատախազ Վարդգես Սարգսյանի բողոքները՝ բեկանելով Տավուշի մարզի ընդհանուր իրավասության դատարանի խոշտանգման գործով ամբաստանյալի նկատմամբ արդարացման դատավճիռը, գործը ուղարկելով առաջին ատյանի դատարան՝ նոր ծավալով քննության։
Սովորենք սիրել ու պահպանել միմյանց
26.03.2020
19:54
Ինչպե՞ս հաղթահարել կորոնավիրուսի տարածմամբ պայմանավորված՝ մեկ ամիս (գուցե ավելի) տնից դուրս չգալու անորոշությունը: Ի՞նչ լուծումներ են առաջարկում հոգեբանները՝ նվազագույն էմոցիոնալ կորուստներով հաղթահարելու համաշխարհային մասշտաբի այս ճգնաժամը: Այս և մի շարք այլ հարցերի շուրջ ենք զրուցել «ԱՅԳ» հոգեբանական ծառայությունների կենտրոնի տնօրեն Վարուժան Մելքոնյանի հետ: