«Հայաստանյան թավշյա հեղափոխությունը Ֆրանսիայում չափազանց դրական է ընկալվել»․ ՀՀ-ում Ֆրանսիայի դեսպան Ժոնաթան Լաքոտ
12.07.2018
10:30
Հայաստանում գարնանը տեղի ունեցած Թավշյա հեղափոխությանը ֆրանսիայում չափազանց դրական է ընկալվել ու ընդունվել, հատկապես ոգևորիչ էր այն, որ այդ ամենը խաղաղ ու օրինական բնույթ էր կրում․այս մասին հուլիսի 12-ին «Մեդիա կենտրոնում» տեղի ունեցած մամլո ասուլիսի ժամանակ ասաց Հայաստանում Ֆրանսիայի արտակարգ ու լիազոր դեսպան Ժոնաթան Լաքոտը։

«Այն, ինչ տեղի ունեցավ Հայաստանում, Ֆրանսիայում չափազանց դրական ընկալվեց: Լրատվամիջոցները մեծ համակրանքով անդրադարձան  ընթացող ներքաղաքական իրադարձություններին: Շատ կարևոր է, որ դրանք ծայրաստիճան խաղաղ մթնոլորտում էին իրականանում: Ես ևս իմ իշխանություններին ի պաշտոնե փոխանցել եմ, որ այդ ժամանակում ոչ մի ֆրանսիացի վտանգի մեջ չի եղել: Նույնն արձանագրել են նաև ֆրանսիացի դիտորդները: Գյումրիում, Երևանում, Վանաձորում և այլ քաղաքներում ժողովուրդն էր դուրս եկել փողոց: Դրանք ո՛չ կուսակցական, ո՛չ քաղաքական ուժեր էին: Ամեն ինչ ընթացավ Սահմանադրության տառին և ոգուն համապատասխան»,-ասաց Հայաստանում Ֆրանսիայի դեսպանը։

Ասուլիսը կազմակերպվել էր Բաստիլի գրավման օրվան ընդառաջ։ Հուլիսի 14-ին ողջ աշխարհի ֆրանսիացիները նշում են իրենց ազգային տոնը։ Այդ տոնն իր մեջ երկու տարեդարձ է պարունակում։

«1789 թ․ Բաստիլի գրավումը, որն ընդգծում է, որ ֆրանսիացիները իրենց էությամբ հեղափոխություն անող ազգ են և 1790թ․ հուլիսի 14-ը, որ Ֆրանսիայի համադաշնության, համերաշխության տոնն է»,-ասում է Ժոնաթան Լաքոտը։

Ըստ դեսպանի, Բրյուսելում Ֆրանսիայի նախագահ Էմանուել Մակրոնի ու ՀՀ վարչապետ Նիկոլ Փաշինյանի՝ հուլիսի 11-ին տեղի ունեցած և ջերմ մթնոլորտում անցած հանդիպումը, պայմանավորված էր հատկապես Թավշյա հեղափոխության բնույթով ու հետհեղափոխական զարգացումներով։ Եվ այն փոփոխությունները, որոնք տեղի ունեցան Թավշյա հեղափոխության ընթացքում, նոր թափ են հաղորդում երկու երկրների հարաբերություններին։

«Ինչո՞ւ, որովհետև Ֆրանսիայում բոլորը հետևում են բարեփոխումների այն գործընթացին, որոնք իրականացվում են Հայաստանում։ Բոլորին ևս մեկ անգամ պարզ դարձավ, որ իսկապես շատ հստակ հանձնառություն են ստանձնել Հայաստանի նոր իշխանությունները: Հատկապես վճռական պայքար է ընթանում կոռուպցիայի, օլիգարխիկ ու մենաշնորհային բոլոր կառույցների դեմ։ Իսկ սա շատ կարևոր ուղերձ է Հայաստանի բոլոր գործընկերների համար»,- ընդգծում է Ֆրանսիայի դեսպանը։

Վերջինս նաև տեղեկացնում է, որ հեղափոխությունից հետո գրեթե ամեն օր Ֆրանսիայից իրենց դիմում են տարբեր խմբեր, որոնք հետաքրքրված են Հայաստանով ու ցանկանում են այցելել ու տեսնել այն երկիրը, որտեղ տեղի է ունեցել ոչ բռնի, օրենքի ու սահմանադրության տառին համապատասխան հեղափոխություն։ Այդ խմբերի մեջ են նաև գործարարներ, որոնք ցանկանում են ներդրումներ անել Հայաստանում։

Անդրադառնալով Ղարաբաղյան հակամարտությանը՝ Ֆրանսիայի դիվանագետը նշում է, որ ֆրանսիական իշխանությունները դրականորեն են ընդունում հայաստանյան իշխանությունների ցանկացած արձագանքը՝ հիմնված Արցախի հակամարտությունը միայն խաղաղ ճանապարհով լուծելու սկզբունքի վրա:

«Ես գիտակցում եմ, թե որքան ծանր է հայաստանյան հասարակության և, մանավանդ, այն ընտանիքների համար, որոնց զավակները զորակոչվել և ծառայում են  բանակում»,-նշում է Ժոնաթան Լաքոտը:

Դեսպանը հավելում է՝ բանակցային գործընթացում ցանկալի էր հուլիսի 11-ին Հայաստանի և Ադրբեջանի արտգործնախարարների հանդիպումը՝ ԵԱՀԿ Մինսկի խմբի համանախագահների ներկայությամբ: Լաքոտի խոսքով՝ Ֆրանսիան այս ձևաչափով հանդիպումների ժամանակ ևս պաշտպանում է այն դիրքորոշումը, որ հակամարտությունը չի կարող լուծվել ուժի կիրառմամբ:

Անդրադառնալով Ադրբեջանին զենք վաճառելու արգելքի վերացման մասին կեղծ լուրերին՝ Հայաստանում Ֆրանսիայի դեսպան Ժոնաթան Լաքոտը վերահաստատեց իր երկրի ստանձնած պարտավորությունները՝ չմատակարարել զենք, զինամթերք, որը, ենթադրաբար, կարող է օգտագործվել Արցախի դեմ պատերազմ սկսելու համար:

«Երբ իմացանք ադրբեջանական մամուլում տարածված կեղծ շշուկների մասին, թե Ֆրանսիան հանել է Ադրբեջանին զենք վաճառելու մասին սահմանափակումները, անմիջապես հերքում տարածեցինք: Դա մեկ անգամ ևս հնարավորություն տվեց հաստատելու մեր դիրքորոշումը: Ֆրանսիան բծախնդրորեն հարգում է միջազգային դրույթներից բխող իր ստանձնած պարտավորությունները՝ զերծ մնալ և չմատակարարել ոչ զենք, ոչ զինամթերք, որոնք կարող են օգտագործվել պատերազմ սկսելուն՝ այս պարագայում Արցախում»,-ասում է Հայաստանում Ֆրանսիայի դեսպանը։

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected]էլփոստին:

Տեսանյութ
Print Friendly and PDF
Այլ մամլո հաղորդագրություններ
Կորոնավիրուս՝ ՔԿՀ-ներում. կանխել հնարավո՞ր էր
04.04.2020
17:30
Երեկ հայտնի դարձավ, որ «Վարդաշեն» ՔԿՀ պահպանության բաժնի 5 աշխատակիցների մոտ կորոնավիրուս է ախտորոշվել, ևս 28-ը մեկուսացված են, կատարվում է նմուշառում։
Թեմայի շուրջ Մեդիա կենտրոնը զրուցել է «Սոցիալական արդարություն» ՀԿ նախագահ, քրեական արդարադատության, ԵԽ բանտային ու պրոբացիոն համակարգերի փորձագետ Արշակ Գասպարյանի հետ։
Անգամ արտակարգ դրության պայմաններում պատգամավորները շարունակում են դակել կառավարության որոշումները. Ավետիք Իշխանյան
02.04.2020
20:56
Արտակարգ դրության պայմաններում օրենսդիր մարմնի գործունեության վերաբերյալ «Մեդիա կենտրոնը» զրուցել է Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանի հետ։
Հայտարարություն
02.04.2020
18:00
Մարտի 31-ին Ազգային ժողովն ընդունեց օրենսդրական փաթեթ, որը կոչված է Հայաստանում արտակարգ դրության պայմաններում կառավարությանը տրամադրել համավարակի տարածումը կանխելու լրացուցիչ գործիքներ՝ սահմանափակելով անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքները։
Արցախում բազմակարծությունը հաղթեց. ընտրությունները միանշանա՛կ հաջողված են
01.04.2020
18:40
Մարտի 31-ին Արցախում տեղի ունեցած նախագահական ընտրություններում նախագահի թեկնածու Արայիկ Հարությունյանն ստացավ ձայների 49,26% -ը, Մասիս Մայիլյանը՝ 26,4%-ը, Վիտալի Բալասանյանը` 14,7%-ը։ Քանի որ թեկնածուներից որևէ մեկը 50 տոկոսից ավելի ձայն չի հավաքել, ապրիլի 14-ին Արցախում տեղի կունենա նախագահական ընտրությունների 2-րդ փուլը։
Նախագահական ընտրություններին զուգահեռ ՝անցկացվեցին նաև խորհրդարանական ընտրություններ: Ամենաբարձր՝ 40 % ձայն ստացավ Արայիկ Հարությունյանի գլխավորած «Ազատ Հայրենիք» քաղաքական ուժը։
Մեր զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը:
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ