Խոշտանգման դեպքերի բացահայտման դրական միտում «թավշյա հեղափոխությունից» հետո
26.06.2018
15:00
Նախկին իշխանությունների օրոք խոշտանգման դեպքերը երբեք չեն բացահայտվել, արդյունավետ քննություն չի իրականացվել, իսկ «թավշյա հեղափոխությունից» հետո արդեն խոշտանգման որոշ գործերով վարույթ է ընդունվել. նման տեսակետ հայտնեցին իրավապաշտպանները հունիսի 26-ին Մեդիա կենտրոնում տեղի ունեցած քննարկմանը, որը նվիրված էր Խոշտանգումների զոհերի աջակցության միջազգային օրվան:

«ՔԿՀ-ներ, զինված ուժեր ոստիկանություն. հիմնականում այս երեք կառույցների հետ են կապված եղել խոշտանգման դեպքերը մեր շահառուների պարագայում»,-ասում էԸնդդեմ իրավական կամայականության ՀԿ-ի փաստաբան Արա Ղարագյոզյանը և ընդգծում, որ 2018-ին 30-ից ավելի խոշտանգման և վատ վերաբերմունքի դեպք է արձանագրվել իրենց կազմակերպությունում:

ՀՀ Մարդու իրավունքների պաշտպանի աշխատակազմի քրեական արդարադատության ոլորտում և զինված ուժերում մարդու իրավունքների պաշտպանության դեպարտամենտի ղեկավար Արտյոմ  Սեդրակյանը, ով նույնպես մասնակցում էր քննարկմանը, ասում է, որ խոշտանգումների գործերով բողոքներն ու դիմումները շատանում են` հասցեագրված Օմբուդսմենին:

«Հատկապես շատանում են հացադուլ անողների դիմումները: Այդ բողոքների թվի մեծացումը 2 հանգամանքով եմ պայմանավորում.  մարդիկ ավելի իրազկեված են դարձել և երկրորդ` վստահությունը մեծացել է այն մարմնի հանդեպ, ում նրանք դիմում են»,- ասում է Սեդրակյանը:

Նա անդրադարձավ խոշտանգումների առնչությամբ օրենսդրական դաշտի կարգավորումներին` շեշտելով մի քանի բարեփոխում:

«Նախ դրական քայլ է«Քրեական օրենսգրքում» խոտանգման քրեականացումը և խոշտանգաման հանցկազմի համապատասխանեցումը միջազգային փաստաթղթերին:  Մյուս կարևոր քայլերից էր խոշտանգման զոհերի ոչ նյութական, բարոյական հատուցման ինստիտուտը, որը ևս նոր է: Դրական քայլեր կան, բայց  չպետք է սահմանփակվենք իրավական դաշտի բարեփոխումներով: Եվրոպական դատարանի չափանիշներով կարևորվում է նման դեպքերը քննող մարմինների անկախությունը, արագությունը և համակողմանիությունը»,- ասում է Սեդրակյանը:

«Իրավունքների պաշտպանություն առանց սահմանների» ՀԿ-ի փաստաբան Արաքս Մելքոնյանն ասում է, որ  խոշտանգումը քրեականացվել է, սական քրեականացումից դուրս են մնացել անմարդկային ու նվաստացուցչ վերաբերմունքը, որին մարդը կարող է ենթարկվել ցանկացած փակ հաստատությունում կամ պաշտոնատար անձի կողմից:

«Խոշտանգումների գործերով քննությունները կրում են ձևական բնույթ: Մենք խնդիր ունենք  փորձագետների անկախության հետ, չի անցկացվում դատահոգեբուժական փորձաքննություն, մինչդեռ անձը խոշտանգման ենթարկվելուց կարող է ոչ միայն ֆիզիկական վնասվածք ստանալ, այլև ձեռք բերել հոգեբանական խնդիր»,-ասում է փաստաբանը:

Հայաստանի Հելսինկյան կոմիտեի փաստաբան Ռոբերտ Ռևազյանն էլ ասում է, որ մինչ վերջին քաղաքական զարգացումները խոշտանգման գործերով զրոյական առաջնընթաց կար:

«Բազմաթիվ խոշտանգման դեպքեր կային, որոնց հիմքով գործ չէր հարուցվում: Բացառիկ դեպքեր են եղել, որ խոշտանգման գործ է քննվել: Ոչ մի ոստիկան մինչ օրս պատասխանատավություն չի կրել խոշտանգման համար: Անպատժելիության վերացում պետք է լինի: Եթե ոստիկանը վստահ լինի, որ իր արարքը անպատիժ չի մնա, ապա դա կարճ ժամանակում կտա մեծ արդյունքներ խոշտանգումների կանխարգելման առումով»,-հավելեց Ռևազյանը:

Քննարկման շարունակությունը դիտեք այստեղ:

Լիլիթ ԱռաքելյանՄեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...