«Երկրապահ կամավորական միություն. անհրաժե՞շտ կառույց Հայաստանի համար, թե՞ ոչ»
20.06.2018
12:30
Հունիսի 20-ին Մեդիա կենտրոնում քննարկում էր ՙԵԿՄ-ն անհրաժե՞շտ կառույց է, թե՞ ոչ՚ թեմայով: Քննարկման ինֆորմացիոն առիթը ԱԱԾ-ի խուզարկությունն էր գեներալ Մանվել Գրիգորյանի առանձնատանը, որտեղ հայտնաբերվել էր ապօրինի զենք-զինամթերք, ապրիլյան պատերազմի օրերին առաջնագիծ ուղարկած օգնությունը, զինվորների համար նախատեսված սննուն, դեղորայք, հիգիենայի պարագաներ:

Քննարկմանը մասնակցում էին կենտրոնական հրամանատարության հետախույզ, դիվերսիոն հատուկ նշանակության ջոկատի հիմնադիր հրամանատար Վովա Վարդանովը, իրավապաշտպան Վարդան Հարությունյանը, կրթության ոլորտի փորձագետ Սերոբ Խաչատրյանը, քաղաքական վերլուծաբան
Էդգար Վարդանյանը:
Ըստ Վովա Վարդանովի՝ ԱԱԾ-ի պայքարը կոռուպցիայի դեմ իրեն անհասկանալի է. «Գոնե լրտեսներով զբաղվեն, ստեղծեն մի հակակոռուպցիոն բաժին, ԱԱԾ-ն հետախուզությունով զբաղվելու փոխարեն՝ կոռուպցիոներներին է բռնում։ Լրտեսներն այստեղ վխտում են, իսկ մեր ԱԱԾ-ն զբաղված է լակոտ-լուկուտներին ձերբակալելով, ո՞նց կարելի է նման բան անել, թող լրտեսներով զբաղվեն»։

Իրավապաշտպան Վարդան Հարությունյանն անդրադարձավ ԵԿՄ-ի՝ գործող իշխանությունների քաղաքական հենարանի, իշխանությունների անօրինական շահերը սպասարկելու խնդրին. «ԵԿՄ-ն ոչ թե քաղաքականացվեց, այլ նրան ներքաշեցին քաղաքական դաշտ. Նրանց դերն էր՝ սպասարկել օրվա իշխանությանը և կատարել նրանց հրահանգները։ Ռոբերտ Քոչարյանի և Սերժ Սարգսյանի ժամանակ ԵԿՄ ղեկավարությանը և բոլոր յուրայիններին տրվեցին այնպիսի իրավունքներ և լիազորություններ, որոնց պարագայում նրանք մարդուց կամաց-կամաց վերածվեցին հանցագործի»։
ԵԿՄ-ի ՙՊատանի երկրապահ՚ կառույցի մասին խոսելով՝ Սերոբ Խաչատրյանը կարևորեց, որ պատանիների ռազմական կրթությունն ապահովեն ոչ թե բացառապես զինվորականներ, այլ հմուտ մանկավարժաներ. «Ուսուցիչների որակը պետք է բարձր լինի։ Մենք չպետք է դիտարկենք, որ, եթե ռազմագիտություն է, ու դու եթե լեյտենանտ կամ մայոր ես, ուրեմն՝ հանգիստ կարող ես դասավանդել։ Երեխաների հետ աշխատանքը պետք է շատ զգույշ տարվի, և կարծում եմ, որ այս իմաստով մենք թերացել ենք, չկա որևէ բան, որ ԿԳՆ-ն՝ որպես այդ ծրագրի պատվիրատու և ֆինանսավորող, կարողանար այդ ծրագրի որակը մոնիտորինգի ենթարկել։ Հասկանալի է, որ նախորդ իշխանության ժամանակ անհնար էր պատկերացնել, որ ինչ-որ մի կառույց կարող էր գնալ՝ գեներալ Մանվելի ծրագիրը մոնիտորինգ անել»։
Քաղաքագետ Էդգար Վարդանյանի կարծիքով՝ ԵԿՄ-ն և ռազմականացված մյուս կառույցները  կա՛մ պետք է դադարեն գոյություն ունենալ, կա՛մ  պետք է վերափոխվեն, քանի որ  պետությանը մրցակից որևէ կառույց ժողովրդավարական երկրում չպետք է լինի. «Իսկ այս ամբողջը խոսում է այն մասին, որ գոյություն ունեն պետությանը մրցակից կառույցներ, պետական լծակներ, պետական գործառույթներ են իրականացնում, պետական ոլորտ են մտնում։ Դա պետության թույլտվությամբ էր արվում, որովհետև պետությունը բռնազավթված էր»։

 

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...