«Ընդդեմ պարտադիրի. մտահոգություններ և առաջարկներ ուղղված կուտակային կենսաթոշակային համակարգին»
14.06.2018
12:00
Այս տարվա հուլիսի 1-ից ուժի մեջ է մտնում կուտակային կենսաթոշակային համակարգի պարտադիր բաղադրիչը: Ինչպես հայտնի է, հունիսի 11-ին Կառավարությունը որոշում կայացրեց մտցնել նոր կարգավորում, որով 7,5 տոկոսը կվճարի կառավարությունը, 2,5 տոկոսը՝ քաղաքացին: Մինչ այդ 5 տոկոսը վճարում էր Կառավարությունը, 5 տոկոսը քաղաքացին:

Մեդիա կենտրոնի քննարկման մասնակից, գործարար, menu.am-ի հիմնադիր Վահան Քերոբյանն ասում է, որ այս փուլում Կառավարության այս որոշումը թեթևացնում է թե գործատուների, թե կենսաթոշակային համակարգի մասնակիցների բեռը:

«Հիմա, երբ կառավարությունը գործատուին ասում է 5 տոկոսի տեղը 2,5 տոկոսն եք վճարելու, այդ առումով մենք քիչ ծախս ենք անելու: Սակայն խնդիրը նրանում է, որ տարիների ընթացքում Կենտրոնական բանկը, կառավարությունը և այլ ֆինանսական գործիքների տիրապետող պետական կառույցներ տարբեր ֆոնդերի ու հիմնադրամների միջոցով  ահռելի գումարներ են տնտեսությունից քաշել: Դրանք միլիարդ դոլարից ավելի են, սառեցված գումարներ են, որը տնտեսությունից դուրս է եկել: Ավանդների հատուցումը երաշխավորող հիմնադրամը, որտեղ մենք չգիտենք ինչքան փող կա, բայց իմ հավարկներով 1 մլրդ  դոլարից ավելի գումար կա, չգիտեմ ինչու է պետական գաղտնիք համարվում, ոչ մի հաշվետվողականություն չկա: Կենսաթոշակային կառավարիչների դեպքում գիտենք որքան գումար են տնօրինում` 120 միլիարդ դրամ: Պետությունը մոգոնել է, թե ինչպես տնտեսությունից փող դուրս հանի: Բանկերից գործատուներից փող է քաշում ու այդ փողը դադարում է աշխատել տնտեսության մեջ»,-ասում է Քերոբյանը:

Նա շեշտում է նաև, որ քանի դեռ սրընթաց կերպով աճում է մեր պետական պարտքը, տրամաբանական չէ խոսել կուտակումների մասին:

«Հնարավոր է բոլորս էլ կորցնենք մեր գումարները»,- ասում է գործարարը:

Քննարկման մյուս բանախոս, տնտեսագետ, Մարդկային զարգացման միջազգային կենտրոնի փորձագետ Աշոտ Խուրշուդյանը ներկայացնում է Հայաստանի դեմոգրաֆիկ պատկերին վերաբերող վիճակագրական տվյալներ, և ըստ կանխատեսումների, մատնանշում, թե ինչ աղետ է սպասվում 40 տարիանց

«Այսօր 10-14 տարեկանները կազմում են բնակչության 20 տոկոսը, 15- 64 տարեկանները` 70 տկոսոը, 60-անց մարդիկ` 10 տոկոսը: 2060 թ-ին մեր դեմոգրաֆիան կփոխվի հետևյալ կերպ`  10-14 տարեկանները կկազմեն բնակչության 14 տոկոսը, 15-64 տարեկանները` 55 տոկոսը, իսկ 65- անց մարդիկ` 30 տոկոսը: Այսինքն դա նշանակում է, որ եթե այսօր 6 աշխատունակ մարդ պահում է 1 թոշակառու, ապա 2060-ին մեկ թոշակառուին պահելու է  2 գործատու, այդքան կրճատվելու է հարաբերակցությունը: Սա մի  աղետ է, որի դեմ հիմա պետք է պայքարել ու աշխատել»,-ասում է Խուրշուդյանը:

Փաստաբան Անահիտ Բեգլարյանն էր սեփականության իրավունքի խախտում է համարում կուտակային կենսաթոշակի պարտադիր բաղադրիչը:

«Ըստ էության`փոխելով անվանումները, կուտակային վճարը փոխելով սոցիալական վճարի, բովանդակությունը չի փոխվում, անձը պարտադրված է և պիտի իր աշխատածի որոշակի հատվածը կուտակի` չունենալով դրա համար որևէ ցանկություն»,-հավելում է Բեգլարյանը:

Քննարկման շարունակությունը կարող եք դիտել հետևյալ հղմամբ:

Լիլիթ ԱռաքելյանՄեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Հայաստան-Սփյուռք փոխհարաբերություններ. ինչպե՞ս ավելի արդյունավետ, վստահելի ու անկեղծ դարձնել
30.11.2021
14:00
Դեկտեմբերի 2-ին, ժամը 15:00-ին, Մեդիա կենտրոնում տեղի ունեցավ հարցազրույց Սփյուռքի գործերի գլխավոր հանձնակատար Զարեհ Սինանյանի հետ: Թեման՝ «Հայաստան-Սփյուռք փոխհարաբերություններ. ինչպե՞ս ավելի արդյունավետ, վստահելի ու անկեղծ դարձնել»:
Եզրակացություններ Սոչիում կայացած եռակողմ հանդիպումից
29.11.2021
13:00
Նոյեմբերի 29-ին, ժամը 13:00-ին, Մեդիա կենտրոնում տեղի ունեցավ հարցազրույց Մարդկային զարգացման միջազգային կենտրոնի տնօրեն Թևան Պողոսյանի հետ: Թեման՝ «Եզրակացություններ Սոչիում կայացած եռակողմ հանդիպումից»:
Տնօրենները կվերապատրաստվեն. ԿԳՄՍՆ-ն ներկայացրել է նախադպրոցական հաստատությունների տնօրենների հավաստագրման կարգը
26.11.2021
16:00
Նոյեմբերի 26-ին, ժամը 16:00-ին, Մեդիա կենտրոնը կազմակերպեց առցանց քննարկում՝ «Տնօրենները կվերապատրաստվեն. ԿԳՄՍՆ-ն ներկայացրել է նախադպրոցական հաստատությունների տնօրենների հավաստագրման կարգը» թեմայով:
էկոլոգիական ռիսկեր, խնդիրներ Լոռու, Արարատի, Սյունիքի, Արագածոտնի մարզերում, անհրաժեշտ բարեփոխումների կարիքը Հայաստանում
26.11.2021
11:00
Նոյեմբերի 26-ին՝ ժամը 11:00-ին, Մեդիա կենտրոնում տեղի ունեցավ քննարկում «էկոլոգիական ռիսկեր, խնդիրներ Լոռու, Արարատի, Սյունիքի, Արագածոտնի մարզերում, անհրաժեշտ բարեփոխումների կարիքը Հայաստանում» թեմայով:
Բանախոսներ՝
Օլեգ Դուլգարյան, «Համայնքային համախմբման եւ աջակցության կենտրոն» ՀԿ նախագահ, իրավապաշտպան
Նազելի Վարդանյան, փաստաբան, բնապահպան,
Ինգա Զարաֆյան, «ԷկոԼուր» տեղեկատվական ՀԿ-ի նախագահ
Հայաստանի անվտանգության բանալիները Հայաստանու՞մ են, թե՞ Հայաստանից դուրս. ունե՞նք այս հարցի պատասխանը
24.11.2021
14:00
Նոյեմբերի 24-ին, ժամը 14:00-ին, Մեդիա կենտրոնում տեղի ունեցավ հարցազրույց քաղաքագետ Սարո Սարոյանի հետ՝ «Հայաստանի անվտանգության բանալիները Հայաստանու՞մ են, թե՞ Հայաստանից դուրս. ունե՞նք այս հարցի պատասխանը» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ