«Նիկոլ Փաշինյանի կառավարության ծրագիրը. սպասվող քայլեր, առաջարկներ և լուծումներ»
07.06.2018
18:30
Սա անցումային կառավարության ծրագիր է և հիմնական ուղղությունները, սկզբունքները նշված են. այս մասին հունիսի 7-ին Ա1պլյուսի տաղավարում «Մեդիա կենտրոնի» նախաձեռնությամբ կազմակերպված հաղորդմանը ասաց արտակարգ և լիազոր դեսպան, Մոդուս վիվենդի կենտրոնի հիմնադիր/նախագահ Արա Պապյանը:

«Նիկոլ Փաշինյանի կառավարության ծրագիրըսպասվող քայլերառաջարկներ և լուծումներ» թեմայով հաղորդմանը մասնակցում էին նաևՀՔԱ Վանաձորի գրասենյակի ղեկավար Արթուր Սաքունցը, հակակոռուպցիոն փորձագետ, Իրավաբանների հայկական ասոցիացիայի վարչության անդամ Մարատ Ատովմյանը և տնտեսական գիտությունների թեկնածու, դոցենտ Ատոմ Մարգարյանը:

«էական փոփոխություններ են եղել հասարակական ընկալումների մեջ, այլևս հասարակությունը դիտորդ չէ, այլ մասնակից է այս պետության կերտմանը: Թերևս երբևէ կառավարության ծրագրի քննարկումը Ազգային ժողովում այսքան մարդ չէր դիտել, որքան որ այսօր էին դիտում»,-ասաց Պապյանը` անդրադառնալով ԱԺ-ում հունիսի 7-ին տեղի ունեցած կառավարության ծրագրի քվեարկությանը:

62 կողմ, 39 դեմ ձայներով ԱԺ-ն ընդունեց նոր կառավարության ծրագիրը: ՀՀԿ խմբակցությունից 18 պատգամավոր կողմ քվեարկեց վարչապետ Նիկոլ Փաշինյանի կառավարության ծրագրին:

Անդրադառնալով հանրապետական պատգամավորների այն դիտարկմանը, որ կառավարության ծրագրում չկա ոչ մի թիվ, Պապյանը շեշտեց, որ թվերը անկանխատեսելի են և այստեղ թվերը կարևոր չեն:

«Իսկ այն փոփոխությունները, որ գրված է, պետք է կատարվեն, ամենայն հավանականությամբ կիրականացվեն: Մենք  կարող ենք ասել,  որ դրական տեղաշարժեր կլինեն շատ ավելի, քան նախկին բոլոր կառավարությունենրի ժամանակ նշած թվերն էին: Նախկինում կառավարության ծրագրերը եղել են առանձին փաստատուղթ, իսկ գործողությունները առանձին»,-հավելեց Պապյանը:

Ատոմ Մարգարյանն ասում է, որ Նիկոլ Փաշինյանի կառավարությանծրագիրը քաղաքական փաստաթուղթ է և ոչ թե հաշվապահական բալանս:

«Եթե սա քաղաքական փաստաթուղթ է և իրողությունների ֆոնին է մշակվում ու ներկայացվում, պարատադիր չէ, որ ներառի մակրոտնտեսական ցուցանիշներ: Նման փաստաթղթում արձանագրել տնտեսական աճի ցուցանիշ և հետո պահանջել` ինչու չես կատարել, սխալ է: Տնտեսական աճի ցուցանիշը միայն կառավարության պարտավորությունը չէ, դա 4 էլեմենտ ունի. տնային տնտեսություններ, բիզնես, արտաքին խաղորդներ: Կառավարությունը այն սուբյեկտներից մեկն է, որը ապահովում է այդ ցուցանիշի ¼ մասը»,- ասաց Մարգարյանը:

Մարատ Ատովմյանն էլ նշեց, որ երբ լինեն արտահերթ ընտրություններ  և ձևավորվի նոր կառավարություն, կանկալվի երկարաժամկետ և ավելի դետալային ծրագիր:

«Մի առանցքային կետ զգացի այս ծրագրում: Երևի առաջին անգամ կարևորովում է քաղաքացու, մարդու երջանկությունը և ծրագրի տարբեր հատվածներում նշվում է, որ այս ոլորտում երջանկություն ապահովելու համար պետք է այս և այս քայլերը ձեռնարկվեն: Այդպիսի մոտեցումը բնորոշ է նաև Բութանին, միակ երկիրը, որն ունի երջանկության նախարարություն և երջանկության ազգային համաթիվ»,- ասաց Ատովմյանը:

Արթուր Սաքունցն էլ ընդգծում է, որ էներգիան և մարդկանց ակնկալիքները ինստիտուցիոնալիզացնելու խնդիրը ունենք:

«Երբ նայում ենք ծրագրում ձևակերպումները, տեսնում ենք, որ նշված են հիմնական ակնկալիքները` կոռուպցիայի դեմ պայքարը, ստվերային տնտեսության և մոնոպոլիաների դեմ պայքարը, մարդու իրավունքների հետ կապված հարցեր»,-ասաց Սաքունցը:

Նա շեշտում է, որ անցումային կառավարության հիմնական նպատակը պետք է լինի արտահերթ խորհրդարանական ընտրությունների ազատ և արդար անցկացումը:

«Խորհրդարանական արտահերթ ընտրությունների ժամկետը նշվում է ամեշանաշատը 1 տարի, բայց ես կարծում եմ ավելի շուտ պետք է լինի, մինչև տարվա վերջ պետք է անցկացնել արտահերթ խորհրդարանական ընտրություններ»,-հավելեց Սաքունցը:

Շարունակությունը դիտեք տեսագրությում:

Լիլիթ ԱռաքելյանՄեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...