«Թավշյա զրույցներ» հեղափոխության դեմքերի հետ. Զառա Բաթոյան
01.06.2018
16:00
Հունիսի 1-ին «Մեդիա կենտրոնում» տեղի ունեցավ հանդիպում «թավշյա հեղափոխության» ակտիվ մասնակից, «Իմ քայլը» նախաձեռնության անդամ, Երևանի ավագանու «Ելք» խմբակցության անդամ Զառա Բաթոյանի հետ:

Զրույցի սկզբում, անդրադառնալով թավշյա հեղափոխությանը, տիկին Բաթոյանն ասաց, որ իր համար հեղափոխությունը հատկանշական է հենց մարդկանց գիտակցության փոփոխման փաստով:

«Քաղաքացիներն ապացուցեցին, որ իրենք կարող են լինել քաղաքական իրավիճակի տերը և փոխել այն: Կարծես թե քաղաքացին արթնացել է մարդու մեջ, և այդ գիտակցությունը շարունակում է իր պտուղները տալ»,-ասաց Բաթոյանը:

Տարիներ շարունակ պայքարելով հաշմանդամություն ունեցող անձանց իրավունքների պաշտպանության համար, ակտիվ մասնակցություն ցուցաբերելով և նախաձեռնելով բազմաթիվ բողոքի ակցիաներ ու ցույցեր, նա հատկապես կարևորում է թավշյա հեղափոխության ժամանակ հաշմանդամություն ունեցող անձանց ակտիվ մասնակցությունը:

Նա  ընդգծում է նաև, որ հեղափոխության խաղաղ ընթացքի կամ ստեղծագործական մոտեցումների համար հատկապես կարևոր գրավական էր կանանց մասնակցությունը:

«Միանշանակ դա այդպես է, և իհարկե, կարևորում եմ կանանց մասնակցությունը նաև հետագայում կառավարության ձևավորման, քաղաքական տարբեր ինստիտուտների աշխատանքում ներգրավվելու իմաստով: Կանայք միանշանակ մրցունակ են քաղաքականության մեջ: Շատ կարևոր է հնարավորությունների տրամադրումը և խրախուսումը կանանց»,- ասում է Բաթոյանը և հավելում, որ որպես կին քաղաքական գործիչ ինքը լուրջ խոչընդոտների չի հանդիպել:

Անդրադարձ կատարելով Երևանի քաղաքապետի պաշտոնում իր թեկնածության առաջադրման շուրջ ստեղծված հասարակական քննարկումներին` ասաց, որ «Քաղաքացիական պայմանագիր» կուսակցության ներսում նման քննարկումներ չկան, իսկ լինելու դեպքում կուսակցությունն ինքը պետք է որոշի իր թեկնածուին:

Այնուամենայնիվ, եթե տիկին Բաթոյանը քաղաքապետի պաշտոն ստանձներ և Երևանում լուրջ փոփոխություններ բերելու հնարավորություն ունենար, առաջին հերթին կապահովեր քաղաքացիների ակտիվ մասնակցությունը խնդիրների լուծման հարցում. «Եթե կա մասնակցություն և կա վստահություն այն ուժի ու անձի նկատմամբ, ով պատրաստ է այդ խնդիրները լուծելու, ես վստահ եմ, որ ավելի քիչ ռեսուրսներով կարելի է հասնել ավելի մեծ արդյունքերի»:

Նա անդրադարձավ նաև մատչելիությանն ու բնապահպանական խնդիրներին՝ վերջինիս լուծումը տեսնելով մեծ թվով անտառների ստեղծման մեջ: 

«Մենք պետք է ստեղծենք այնպիսի միջավայր, որտեղ քաղաքացին վստահ  կլինի, որ ոչ ոք ամենաթողության պայմաններում չի գործում: Նա պետք է զգա, որ ապահովված է անօրինականությունից»,- շեշտեց Զառա Բաթոյանը:

Լինելով հաշմանդամություն ունեցող անձանց հավասար իրավունքների և պայմանների ստեղծման պայքարի ակտիվ մասնակից՝ Հայաստանում կարևոր ձեռքբերումներից մեկն է համարում ներառական կրթության ներդնումը: Միևնույն ժամանակ այդ համակարգում առանձնացնում է որոշ խնդիրներ:

«Օրինակ՝ մենք ունենք ժամկետներ, թե որ մարզը որ թվականին պետք է անցնի համընդհանուր ներառման և մինչև 2020թ. բոլոր դպրոցները պետք է լինեն ներառական կրթություն իրականացնող: 2018թ. Երևանի հերթն էր, այնինչ նախորդ կառավարությունը որևէ կերպ չէր ցանկանում այդ անցումը կատարել: Այստեղ նույնպես իրականացման ու մեխանիզմների խնդիր կա: Շատ կարևոր է ծնողների մասնակցությունը, երեխայի կրթական իրավունքի վրա հիմնված մոտեցումը և հենց նրա համար լավագույն տարբերակի ընտրությունը: Հույս ունեմ, որ բարձրագույն «Կրթության մասին» օրենքը վերանայելու դեպքում նույնպես համապատասխան փոփոխություններ կարվեն և ներառումը կապահովվի նաև այնտեղ, քանի որ դրանք շատ դեպքերում ոչ թե ծախսեր, այլ ներդրումներ են լինելու, որոնք հետագայում պիտի բերեն իրենց արդյունքները»,-ասաց Բաթոյանը:

Լրագրողական հմտությունները, հասարակական գործունեությունը, քաղաքականությունն ու բիզնես ոլորտում կառավարման փորձը նա համարում է անհրաժեշտ գործիքներ, որոնք օգնել են իրեն հասնել նպատակներին:

«Շատ կարևոր է նաև քաղաքական ոլորտի՝ կեղտոտ ոլորտ լինելու մասին կարծրատիպերը կոտրելը, քանի որ բոլոր ոլորտներում էլ կան չակերտավոր ասած կեղտոտ և մաքուր մարդիկ, սկզբունքներ ու գործելաոճեր: Եթե դու կարող ես այդ մաքրությունը բերել քաղաքական դաշտ, ապա հասկանում ես, որ քաղաքականությամբ զբաղվելն ամենևին էլ կեղտոտ գործով զբաղվել չէ»,-նշեց Բաթոյանը:

Եզրափակելով զրույցը՝ Զառա Բաթոյանը հորդորեց երիտասարդներին լինել ազատ և համարձակ.

«Շատ ակտիվ ու համարձակ երիտասարդներ ունենք: Լավագույն ժամանակն է հիմա, որպեսզի մարդիկ զբաղվեն ինքնակրթությամբ, չվախենան սխալվելուց: Կարևոր է անկեղծ լինել, կարողանալ ընդունել սեփական սխալները, ունենալ ազատ և կարծրատիպերից զերծ մտածողություն»:

Զրույցի շարունակությունը դիտեք այստեղ:

 

Տեսանյութ
Print Friendly and PDF
Այլ մամլո հաղորդագրություններ
Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...