Ի՞նչ փոխել մշակութային քաղաքականությունում. առաջարկներ ուղղված նոր կառավարությանը
29.05.2018
13:00
Մշակույթի բոլոր ուղղություններում օրենքի գերակայության բացակայության խնդիրը, մշակույթի նախարարության իներտությունը և այլ հարցեր մայիսի 29-ին «Մեդիա կենտրոն»-ի քննարկման առանցքում էին:

«Ի՞նչ փոխել մշակույթում. առաջարկներ ուղղված նոր կառավարությանը» թեմայով քննարկման մասնակից Հովհ. Թումանյանի անվ. Տիկնիկային թատրոնի տնօրեն, բեմադրիչ Ռուբեն Բաբայանը ասաց, որ վերջին 30 տարվա ընթացքում թատերական ոլորտում որևէ բարեփոխում տեղի չի ունեցել:

«Կարծում եմ չի կարելի որպես բարեփոխում ընկալել ֆինանսների կրճատումը, իսկ իրականում միայն դա է եղել»,- շեշտեց բանախոսը:

Ըստ նրա օրենսդրական նախաձեռնությունների խնդիր կա, արվեստը չպետք է կախված լինի չինովնիկի բարի կամքից և ճաշակից: Նա առաջարկում է մշակույթը  կապել կրթության հետ, քանի որ մշակութային կրթությունը չի գործում և ընկալվում է միայն` որպես ժամանց:

Գրականագետ Հասմիկ Հակոբյանը, ով նույնպես մասնկացում էր քննարկմանը, երկու խնդիր է տեսնում՝ ընթերցողների պակաս և գրողների սակավ ֆինասավորում:

«Որպեսզի ավելանա ընթերցողների թվաքանակը, շատ կարևորում եմ կրթության ու դպրոցի դերը: Պետք է ծրագրերը թարմացվեն, նորովի ներկայացվեն: Ժամանակակից մարդը պետք է երկխոսության եզր տեսնի այն գրականության հետ, որի հետ շփվում է»,-ասում է Հասմիկ Հակոբյանը:

Քննարկման մյուս բանախոս, ճարտարապետ Սաշուր Քալաշյանը, անդրադառնալով հուշարձանների պահպանման խնդրին, փաստեց, որ ի տարբերություն մշակույթի մյուս ճյուղերի, ճարտարապետությունը կարգավորվում է օրենսդրական դաշտով:

«Մեզ մոտ բնականաբար այդ օրենսդրական դաշտը գոյություն ունի, բայց դուք տեսաք, որ այս վերջին 20-25 տարվա ընթացքում ինչ կատարվեց, դիցուք` հուշարձանների հետ: Այն արժեքները, որ ցայտուն էին, ոտնատակ տրվեցին և անհետևանք մնացին»,-ընդգծեց ճարտարապետը:

Նրա կարծիքով պետք է ստեղծվի ինչ-որ անկախ մարմին, որ ի զորու լինի ազդելու այդ գործընթացների վրա:

Քննարկման շարունակությունը կարող եք դիտել հետևյալ հղմամբ:

 

Տեսանյութ
Print Friendly and PDF
Այլ մամլո հաղորդագրություններ
Հայաստան-Սփյուռք փոխհարաբերություններ. ինչպե՞ս ավելի արդյունավետ, վստահելի ու անկեղծ դարձնել
30.11.2021
14:00
Դեկտեմբերի 2-ին, ժամը 15:00-ին, Մեդիա կենտրոնում տեղի ունեցավ հարցազրույց Սփյուռքի գործերի գլխավոր հանձնակատար Զարեհ Սինանյանի հետ: Թեման՝ «Հայաստան-Սփյուռք փոխհարաբերություններ. ինչպե՞ս ավելի արդյունավետ, վստահելի ու անկեղծ դարձնել»:
Եզրակացություններ Սոչիում կայացած եռակողմ հանդիպումից
29.11.2021
13:00
Նոյեմբերի 29-ին, ժամը 13:00-ին, Մեդիա կենտրոնում տեղի ունեցավ հարցազրույց Մարդկային զարգացման միջազգային կենտրոնի տնօրեն Թևան Պողոսյանի հետ: Թեման՝ «Եզրակացություններ Սոչիում կայացած եռակողմ հանդիպումից»:
Տնօրենները կվերապատրաստվեն. ԿԳՄՍՆ-ն ներկայացրել է նախադպրոցական հաստատությունների տնօրենների հավաստագրման կարգը
26.11.2021
16:00
Նոյեմբերի 26-ին, ժամը 16:00-ին, Մեդիա կենտրոնը կազմակերպեց առցանց քննարկում՝ «Տնօրենները կվերապատրաստվեն. ԿԳՄՍՆ-ն ներկայացրել է նախադպրոցական հաստատությունների տնօրենների հավաստագրման կարգը» թեմայով:
էկոլոգիական ռիսկեր, խնդիրներ Լոռու, Արարատի, Սյունիքի, Արագածոտնի մարզերում, անհրաժեշտ բարեփոխումների կարիքը Հայաստանում
26.11.2021
11:00
Նոյեմբերի 26-ին՝ ժամը 11:00-ին, Մեդիա կենտրոնում տեղի ունեցավ քննարկում «էկոլոգիական ռիսկեր, խնդիրներ Լոռու, Արարատի, Սյունիքի, Արագածոտնի մարզերում, անհրաժեշտ բարեփոխումների կարիքը Հայաստանում» թեմայով:
Բանախոսներ՝
Օլեգ Դուլգարյան, «Համայնքային համախմբման եւ աջակցության կենտրոն» ՀԿ նախագահ, իրավապաշտպան
Նազելի Վարդանյան, փաստաբան, բնապահպան,
Ինգա Զարաֆյան, «ԷկոԼուր» տեղեկատվական ՀԿ-ի նախագահ
Հայաստանի անվտանգության բանալիները Հայաստանու՞մ են, թե՞ Հայաստանից դուրս. ունե՞նք այս հարցի պատասխանը
24.11.2021
14:00
Նոյեմբերի 24-ին, ժամը 14:00-ին, Մեդիա կենտրոնում տեղի ունեցավ հարցազրույց քաղաքագետ Սարո Սարոյանի հետ՝ «Հայաստանի անվտանգության բանալիները Հայաստանու՞մ են, թե՞ Հայաստանից դուրս. ունե՞նք այս հարցի պատասխանը» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ