Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:

Մայիսի 17-ին «Մեդիա կենտրոնում»  Հոմոֆոբիայի, տրանսֆոբիայի  և  բիֆոբիայի դեմ պայքարի միջազգային օրվան նվիրված մամլո ասուլիսին փաստաբան Մարո Խաչատուրյանն ասաց, որ ԼԳԲՏԻՔ համայանքը Հայաստանումսեգրեգացիայի է ենթարկվում:

«Անգամ փաստաբանը, որը պաշտպանում է այս մարդկանց իրավունքները, պիտակավորվում է, դատավորը, որը որոշում է կայացնում ի օգուտ այս անձանց, նույնպես պիատակավորվում է: Եթե մենք ունենանք արդար դատարաններ, անաչառ դատարաններ, մենք կարող ենք փոխել նաև մարդկանց մտածելակերպը, որը իրականում այդքան էլ սուր չէ, ինչպես որոշ խմբեր հրահրում ու բարձրաձայնում են կեղծ ազգայնասիրության ներքո»,-ասում է փաստաբանը:

Հոմոֆոբիայի դեմ պայքարի միջազգային օրը նշվում է 2003 թ.-ից, երբ 1999-ին Առողջապահության համաշախարհային կազմակերպությունը նույնասեռականությունը հանեց հոգեկան հիվանդությունների ցանկից:

2017-ին «Նոր սերունդ» մարդասիրական ՀԿ-ն ունեցել է 300-ից ավելի շահառու, որոնք խտրականության են ենթարկվել և դա արտահայտվել է զրպարտության, վիրավորանքի կամ բռնության միջոցով:

«Նոր սերունդ» ՀԿ-ի իրավաբան Անահիտ Մկրտչյանն ասում է, որ դա միայն օրենքների բացի խնդիր չէ, այլև հասարակության մեջ ձևավորված կարծրատիպերի և ընկալումների խնդիր:

«Խտրականության բազմաթիվ դեպքեր են եղել զինվորական կոմիսարիատներում, երբ 18 տարին լրացած տղաները ծաղրանքի և վիրավորանքի են արժանացել իրենց սեռական կողմնորոշման համար: Եղել են նաև ընտանեկան բռնության դեպքեր այդ անձանց նկատմամբ, և մենք փորձել ենք ֆինանսավորել, օգնել, որպեսզի ժամանակավոր կացարան ձեռք բերեն նրանք»,- ասում է Անահիտ Մկրտչյանը:

«Նոր սերունդ» ՀԿ-ի փաստաբան Արա Ղարագյոզյանն էլ ասում է, որ խտրականության հիքմով բազմաթիվ քրեական գործեր կան հարուցված:

«Շատ են դեպքերը, երբ այդ անձինք խտրականության ու դաժան վերաբերմունքի են արժանանում ոչ միայն քաղաքացիների, այլև պետական մարմինների կողմից, նույն առողջապահական հաստատություններում կամ քրեակատարողական, ոստիկանական համակարգում»,-ասում է Ղարագյոզյանը:

Նա շեշտում է, որ խտրականության հիմքով հարուցված քրեական գործով մեղադրյալները կամ կասկածյալների նկատմամբ չի կիրառվում կալանավորվումը` որպես խափանման միջոց. «Դա հիմք է տալիս ենթադրելու, որ նախկին իշխանությունները բավական կամք չեն ունեցել այդ գործերը բացահայտելու և մեղավորներին պատժելու համար»:

Ղարագյոզյանը հավելում է, որ շատ կարևոր է դատավորներին, դատախազներին և  ոստիկաններին այս գործերով վերապատրաստելը:

Ասուլիսի շարունակությունը դիտեք տեսագրությունում:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...