«Ժողովրդավարական արժեքները և Սերժ Սարգսյանի կառավարման 10 տարիները»
12.04.2018
16:30
Շատ ավելի կարևոր է ստեղծել ազատ հասարակություն, որը կթելադրի իր կամքը, որը թույլ չի տա ժողովրդավարությունը ընկալել որպես իշխանավորի բարի կամք կամ չարի կամք:

Ապրիլի 12-ին Մեդիա կենտրոնում «Ժողովրդավարական արժեքները և Սերժ Սարգսյանի կառավարման 10 տարիները» թեմայով քննարկմանը նման տեսակետ հայտնեց Հովհ. Թումանյանի անվան Տինիկային թատրոնի գեղարվեստական ղեկավար և գլխավոր ռեժիսոր Ռուբեն Բաբայանը:

«Ժողովրդավարացումը այնպիսի պրոցես է, որը ավարտ չունի, և եթե դու չես զարգացնում այն ամեն օր, դա նշանակում է, որ դու դոփում ես տեղում և շատ մեծ հնարավորություններ կան շատ արագ հետադարձ կատարելու»,- ասում է Բաբայանը:

Ռուբեն Բաբայանը Սերժ Սարգսյանի նախագահության 10 տարիների ընթացքում մեծագույն հետընթաց տեսնում է ընտրությունների համակարգում:

«Որպես այդպիսին ընտրության մեխանիզմը վերացավ, այն դարձավ պարզապես քվեարկություն, որը ուզած ձևով կարելի է կողմնորշել թե ադմինիստրատիվ լծակների, թե վախի, թե ընկերական, թե սիրային հարաբերությունների միջոցով: Որպես ընտրություն, դա այլևս չկա: Հասարակության մեծ մասը ընտրությունը չի ընկալում որպես սեփական երկրին տեր կանգնել…Դա է ամենամեծ ողբերգությունը»,- ասում է Բաբայանը:

Քննարկման մյուս մասնակից, կոմպոզիտոր Վահան Արծրունին ասում է, որ որևէ տարբերություն չի տեսնում առաջին, երկրորդ և երրորդ նախագահների կառավարման միջև ժողովրդավարական զարգացումների առումով:

«Մի ալգորիթմ է գործում, ալգորիթմ, որը կայանում է ոչ թե նրանում, որը երաշխավորում է որոշակի քաղաքական պրոցես, որը կմոտեցնի մեզ քաղաքակիրթ երկրներում ընդունված կամ ամբողջ առաջադեմ մարդկության կողմից ընդունված տեսակներին թե վարչական թե կառավարման թե սոցիալական առումով: Այլ մենք տեսնում ենք ընդամենը իշխանությունը պահելու և երաշխավորելու ալգորիթմը: Առաջինը` իշխանության գերկենտրոնացում և երկրորդը` լուրջ բազա, որն է ոստիկանությունը, դատաիրավական համակարգը և ռազմական գետատեսչության ուժեղացումը: Սրանք հենարաններ են, որոնք երաշխավորում են իշխելու ստաբիլությունը»,- ասում է Արծրունին:

Շարունակությունը դիտեք տեսագրությունում:

Լիլիթ Առաքելյան, Մեդիա կենտրոն ծրագրի խմբագիր/համակարգող:
Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ
20.01.2022
12:00
Հունվարի 20-ին՝ ժամը 12:00-ին, Մեդիա կենտրոնում տեղի ունեցավ հարցազրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ:

Թեման՝ «Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ»:
Հանրակրթությունը քրեակատարողական հիմնարկներում
19.01.2022
12:00
Հունվարի 19-ին՝ ժամը 12:00-ին, Մեդիա կենտրոնում տեղի ունեցավ քննարկում «Հանրակրթությունը քրեակատարողական հիմնարկներում» թեմայով:

Բանախոսներն են՝
Նարե Հովհաննիսյան՝ «Իրավական նախաձեռնությունների կենտրոն» ՀԿ-ի նախագահ,
Ծովինար Թադևոսյան՝ ՀՀ ԱՆ քրեակատարողական ծառայության սոցիալական, հոգեբանական և իրավական աշխատանքների բաժնի պետ,
Անուշ Հայրումյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի ուսումնամեթոդական դեպարտամենի պետ,
Անահիտ Խաչատրյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի վերականգնողական ծրագրերի և հանրակրթության բաժնի գլխավոր մասնագետ
ՀՀ Սահմանադրությունը և դատական իշխանությունը
18.01.2022
12:00
Հունվարի 18-ին՝ ժամը 12։00-ին, Մեդիա կենտրոնում տեղի ունեցավ փորձագիտական քննարկում՝ «ՀՀ Սահմանադրությունը և դատական իշխանությունը» խորագրով:

Բանախոսներ՝
Արթուր Սաքունց՝ Հելսինկյան քաղաքացիական ասամբլեայի Վանաձորի գրասենյակի նախագահ
Դավիթ Գյուրջյան՝ Իրավունքի զարգացման և պաշտպանության hիմնադրամի իրավական հարցերով փորձագետ
ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում
13.01.2022
12:00
Հունվարի 13-ին՝ ժամը 12:00-ին, Մեդիա կենտրոնում տեղի ունեցավ հարցազրույց ՀՀ ԱԺ եվրոպական ինտեգրման հարցերի մշտական հանձնաժողովի նախագահ, ԱԺ «Քաղաքացիական պայմանագիր» խմբակցության պատգամավոր Արման Եղոյանի հետ՝ «ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ