«Ներառական կրթությունը թանգարաններում. թանգարան առանց խոչընդոտների»
30.03.2018
12:00
Թանգարանային կրթության կենտրոնը Երևանում պատրաստվում է անցկացնել վարպետության դասեր և խորացված դասընթաց-վարժանքներ «Ներառական կրթությունը թանգարաններում. թանգարան առանց խոչընդոտների» թեմայով:

Այս մասին մարտի 30-ին «Մեդիա կենտրոնում» հայտնեց Թանգարանային կրթության կենտրոնի համակարգող Հայկ Մկրտչյանը:

Ապրիլի 3-ին ժամը 14:00-ին Կոմիտասի թանգարան-ինստիտուտում կենտրոնը թանգարանների աշխատակիցների մասնագիտական հմտությունների վերապատրաստման համար անցկացնելու է վարպետաց դաս, որը վարելու է Լեհաստանից Երևան ժամանած ներառական կրթության մասնագետ Մարեկ Յակուբովսկին:

Ապրիլի 4-6-ը Մարեկ Յակուբովսկին կանցկացնի ավելի խորացված դասընթաց-վարժանք ՀՀ տարբեր թանգարանների 20 մասնագետների համար, որը տեղի է ունենալու Մարտիրոս Սարյանի տուն-թանգարանում:

«Դասընթացի նպատակն է լինելու ձևավորել համապարփակ աշխատանքային փաստաթուղթ, որը թանգարանների համար սեղանի գործիք կդառնա»,-ասաց Հայկ Մկրտչյանը:

Թանգարանային կրթության կենտրոնը ամեն տարի անցկացնում է մասնագիտական հմտությունների զարգացման դասընթացներ:

«Այս տարի մենք շեշտադրումը դրեցինք ներառականության վրա, որի անքակտելի մասն են թանգարանները` չունենալով համապատասխան կառուցվածքային հանրավորություններ սահմանափակ կարողություններով մարդկանց համար: Հատկապես շեշտը դրել ենք կույր և տեսողական այլ խնդիրներ ունեցող այցելուների վրա»,-հավելեց Մկրտչյանը:

ԴԻ-ՎԻ-ՎԻ Ինթերնեյշնալի հայաստանյան մասնաճյուղի տնօրեն Էսթեր Հակոբյանը, ով նույնպես մասնակցում էր ասուլիսին, ասաց, որ իրենք թանգարանների հետ համագործակցում են 15 տարուց ավելի:

«Մեր առաքելության շրջանակում նպաստել ենք ցկյանս ուսումնառությանը և մեծահասակների ուսումնառության զարգացմանը և ներդրմանը Հայաստանում: Մենք շատ ներառական ենք ինքներս, մեր աշխատանքները ուղղում ենք բոլոր խմբերին և շատ կարևորում ենք տարբեր խնդիրներ ունեցող մարդկանց կրթության հնարավորությունների ստեղծումը մեր կրթության ծրագրերի շրջանակում»,-ասաց Էսթեր Հակոբյանը:

Ունիսոն ՀԿ-ի նախագահ Արմեն Ալավերդյանը, ով նույնպես մասնակցում էր ասուլիսին, ասում է, որ որևէ զարգացած երկրում ուղղակի բացառվում է, որ պետական հիմնարկներում, մշակութային օջախներում՝ թանգարաններում, գրադարաններում և նման այլ հաստատություններում, չլինեն հարմարեցված պայմաններ՝ մուտք, սանհանգույց և այն ամենը, ինչ անհրաժեշտ է հաշմանդամություն ունեցող անձանց համար:

«Ես անհրաժեշտ եմ համարում «Թանգարանները բոլորի համար են» քաղաքականության որդեգրումը: Այդ հաստատություններում ենթակառուցվածքային փոփոխությունները ծախս չեն ենթադրում, այլ ներդրում, քանի որ Հայաստան այցելող զբոսաշրջիկների մեծ մասը թոշակի անցած մարդիկ են և հիվանդության կամ տարիքի պատճառով կարող են հաշմանդամություն կամ տեղաշարժման դժվարություններ ունենալ: Այսպիսի զբոսաշրջիկների մի հսկայական բանակ կա, որն ուսումնասիրելով Հայաստանի վիճակը, տեղեկանում է, որ այստեղ հնարավոր չէ այցելել տեսարժան վայրեր և թանգարաններ: Իսկ այն թանգարանները, որոնք ունեն համապատասխան հարմարեցումներ, չեն տրամադրում համապատասխան տեղեկատվություն իրենց պաշտոնական կայքերում»,-ասում է Ալավերդյանը:

Ըստ Ալավերդյանի՝ այս ոլորտում իրականացվելիք բարեփոխումները արագորեն և արդյունավետ կերպով կնպաստեն երկրի իմիջի զարգացմանը և տնտեսական վիճակի բարելավմանը.

«Մենք խոսում ենք ոչ թե հաշմանդամություն ունեցող անձանց համար մատչելիության, այլ ունիվերսալ դիզայնի մասին. դա այն ճարտարապետությունը կամ տրանսպորտն է, որը հարմար է բոլորին. այն, ինչը հարմար է հաշմանդամություն ունեցող անձին, հարմար է բոլորին»:

Քննարկման մյուս մասնակից, «Աուտիզմ» ազգային հիմնադրամի դեռահասների ծրագրի ղեկավար Ինեսսա Հարությունյանն էլ անդրադարձավ մտավոր, զգայական, վարքային խնդիրներ ունեցող երեխաների համար թանգարաններում սոցիալական միջավայրի հարմարեցմանը:

«Թանգարանների աշխատակիցները ջերմորեն ու բարեհամբույր կերպով են ընդունում մեր երեխաներին, բայց կա իրազեկվածության պակաս, խնդիրներ՝ ծրագրերի հասանելիության և մատչելիության հետ կապված: Օրինակ`արտասահմանյան թանգարաններում կան հատուկ սենյակներ, որոնք հարմարեցված են ամենածանր խնդիրներ ունեցող երեխաների կարիքներին և, ծառայելով որպես ժամանցի վայր, օգնում են նրանց իրենց հասարակության մի մասը զգալ»,-ասաց Հարությունյանը: 
Շարունակությունը դիտեք տեսագրությունում:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] հասցեին:

 

Տեսանյութ
Print Friendly and PDF
Այլ մամլո հաղորդագրություններ
Խորհրդարանական արտահեր ընտրություններ 2021
18.06.2021
19:56
Իրազեկման տեսանյութերը պատրաստվել են Հանրային լրագրության ակումբի «Մեդիա կենտրոն» ծրագրի շրջանակում՝ Բաց հասարակության հիմնադրամներ - Հայաստանի աջակցությամբ: Տեսանյութերում հնչած կարծիքները կարող են չհամապատասխանել ծրագիրը ֆինանսավորող կողմի տեսակետների հետ: #VoteforArmenia #Elections2021 #ElectionsArmenia #InformedCitizen #osfarmenia #pjc
ՀՀ արտաքին քաղաքականություն, ԼՂ հարց․ անվտանգային հարցերը քաղաքական ուժերի նախընտրական ծրագրերում
17.06.2021
19:00
Հունիսի 17-ին՝ ժամը 19:00-ին, «Մեդիա կենտրոնի» նախաձեռնությամբ «Ա1+»-ի հեռուստատաղավարում և Մեդիա կենտրոնի ֆեյսբուքյան էջում ու յութուբյան ալիքում առցանց ուղիղ հեռարձակմամբ տեղի ունեցավ նախընտրական բանավեճ «ՀՀ արտաքին քաղաքականություն, ԼՂ հարց․ անվտանգային հարցերը քաղաքական ուժերի նախընտրական ծրագրերում» թեմայով:
Ընտրություններ Հայաստանում. Անդրադարձ նախընտրական արշավին և ընտրությունների օրվա կանխատեսումներին
17.06.2021
15:00
Ժողովրդավարական ընտրությունների եվրոպական պլատֆորմը անց է կացնում նախընտրական գործընթացի վերաբերյալ հանրային քննարկում հայաստանյան առաջատար քաղաքական վերլուծաբանների միջև՝ անդրադառնալով քարոզարշավին, լրատվամիջոցների գործունեությանը, քաղաքական լարվածությանը և երկրի այլ կարևոր զարգացումներին:

Փաստերի ստուգումը նախընտրական, ընտրական և հետընտրական գործընթացներում
16.06.2021
15:30
Մեդիա կենտրոնը հունիսի 16-ին՝ ժամը 15:30-ին կազմակերպեց վեբինար փաստերի ստուգումը նախընտրական, ընտրական և հետընտրական գործընթացներում թեմայով, որի փորձագետ-հյուրն էր Մարիամ Ցիցիկաշվիլին (Georgia's Reforms Associates (GRASS), Վրաստան)։
Արտաքին քաղաքականությունը՝ նախընտրական ծրագրերում
15.06.2021
12:00
Հունիսի 15-ին՝ ժամը 12։00-ին, Մեդիա կենտրոնում տեղի ունեցավ հարցազրույց Քաղաքականության հետազոտական կենտրոնի փոխնախագահ Արմեն Գրիգորյանի հետ:
Թեման՝ «Արտաքին քաղաքականությունը՝ նախընտրական ծրագրերում»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ