«Հանուն Հայաստան պետության» ճակատի իշխանափոխության բանաձևն ու առաջիկա քայլերը»
16.03.2018
11:00
Մարտի 10-ին «Հանուն Հայաստան պետության» ճակատ շարժումը Երևանի Ազատության հրապարակում առաջին անգամ հանրահավաք անցկացրեց։

2017 թ. նոյեմբերին հիմնադրված շարժումն ընդդիմադիր կուսակցությունների ու անհատների համախմբում է, որի հռչակած նպատակներից է «ազգային համերաշխության, գիտակցված և ազատ կամարտահայտման վրա հիմնված սահմանադրական իրավակարգով ինքնիշխան, ժողովրդավարական, իրավական, սոցիալական պետության» ստեղծումը։
Շարժման ներկայացուցիչները նշում են, որ շարժումը հավակնում է դառնալ հարթակ այն քաղաքական ուժերի ու անհատների համար, ովքեր ցանկանում են պայքարել իշխանափոխության համար։ Առաջիկայում «Հանուն Հայաստան պետության» ճակատը պատրաստվում է քայլեր կատարել հռչակված նպատակներին հասնելու համար։ Մարտի 16-ին  «Հանուն Հայաստան պետության» ճակատը հայտնի «Հաց բերող» Արթուր  Սարգսյանի մահվան տարելիցի կապակցությամբ անցկացրեց  հերթական հանրահավաքը։

Նույն օրը «Մեդիա կենտրոնում» տեղի ուենցած «Հանուն Հայաստան պետության» ճակատի իշխանափոխության բանաձևն ու առաջիկա քայլերը» թեմայով քննարկման ընթացքում ճակատի ներկայացուցիչ ՀՀ ԱԺ նախկին փոխնախագահ Կարապետ Ռուբինյանն իշխանափոխության անհրաժեշտության վերաբերյալ հարցին ի պատասխան նշեց, որ իշխանափոխության հասարակական-քաղաքական պահանջն ու հիմքերը վաղուց են հասունացել․

«Եթե նման հիմքեր չլինեին,  ապա համատարած դժգոհությունը ժողովրդի չէր լինի, ես կասեի նույնիսկ ատելությունը օրվա իշխանությունների նկատմամբ։ Չէր լինի «Սասնա ծռերի» ապստամբությունը։ Եվ հիմա էլ այդ տրամադրութունները պահպանվում են։ Մեր խնդիրն է ժողովրդի դժգոհությունը վերածել ընդվզման։ Հայաստանում քանի տարի է ընտրությունների միջոցով իշխանափոխություն չի լինում, ուրեմն կարող է լինել համաժողովրդական ընդվզման միջոցով»։

Բանախոսի կարծիքով՝ ընդվզման ևս մեկ առիթ է այն, որ «բոլոր ոլորտներում տապալված Սերժ Սարգսյանը» ցանկանում է մնալ իշխանության․

«Ի սկզբանե 10 անմեղ զոհերի գնով եկավ իշխանության և ամեն ինչ արեց այդ իշխանությանը կառչած մնալու համար, հիմա որոշել է 3-րդ ժամկետի իշխել մեզ, որի համար որևէ  հիմք չունի։ Երկրում որևէ դրական զարգացում տեղի չի ունեցել»։

«Հանուն Հայաստան պետության» ճակատի համակարգող խորհրդի անդամ Սուսաննա Մուրադյանը նշեց, որ իրենց ճակատը ժողովրդի ճնշմամբ տեղի ունեցող խաղաղ իշխանափոխության կողմնակից է։ Բանախոսի կարծիքով՝ իշխանությունը պետք է օր առաջ հեռանա, քանի որ բոլոր ոլորտներում ձախողվել է․ «Շատերն ասում են, որ միայն Սերժ Սարգսյանի հեռանալով հնարավոր է, որ ոչ մի բան չփոխվի։ Սակայն մի քիչ հետ գնալով ասեմ, որ այո, այս մարդն իշխանության գալով 10 զոհերի գնով՝ միաժամանակ իշխանություն պահելու համար իր շուրջը ստեղծել է մի համակարգ, որտեղ գործում է քավոր, սանիկ, եղբայր, հորեղբոր տղա․․․ փոխհարաբերություններ, որոնց թելերը իր ձեռքում են։ Եվ հետևաբար իր չլինելը քանդելու է համակարգը»։

Բանախոսը նաև նշում է, որ իշխանության ներկայացուցիչներն ինքան էլ գունավոր ներկայացնեն երկրի վիճակը, միևնույն է, իրականությունը չի փոխվելու, ու Հայաստանում իրավիճակը երբևիցե ավելի վատ չի եղել, քան այսօր։

«Ժողովրդավարական հայրենիք» կուսակցության նախագահ Պետրոս Մակեյանը անդրադարձավ մարտի 10-ի հանրահավաքից հետո ճակատի նկատմամբ տարվող հակաքարոզչությանը՝ նշելով, որ ակտիվ հակաքարոզչությունը խոսում է այն մասին, որ իշխանությունն անհանգստացած է իրենց գործողություններից․

«Մեզ մեղադրում են «կուլակաթափության» կոչեր անելու մեջ։ Այդ տերմինը ես եմ օգտագործել։ Երբ 2016 թ․ Քառօրյա պատերազմից հետո Սերժ Սարգսյանը Հանրային խորհրդի անդամների հետ հանդիպման ժամանակ հայտարարում էր, թե «ինձանից պահանջում են կուլակաթափ անել, ես կուլակաթափ չեմ անում»։ Ամենամեծ «կուլակը» քո ընտանիքն ու շրջապատն է։ Դու ու՞մ ես կուլակաթափ անելու։ Առաջինը պետք է քեզանից սկսել»,- ասում է Պետրոս Մակեյանը՝ հավելով,- «Իրենք այն, ինչ գողացել են բանակից ու ժողովրդից, պետք է վերադարձնեն պետությանը»։

Բանախոսը նաև նշում է, որ ապրիլի 9-ից 17-ը ժողովրդին փողոց դուրս բերելու և իշխանափոխություն իրականացնելու հնարավորություն կա։

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] էլփոստին:

Տեսանյութ
Print Friendly and PDF
Այլ մամլո հաղորդագրություններ
Խորհրդարանական արտահեր ընտրություններ 2021
18.06.2021
19:56
Իրազեկման տեսանյութերը պատրաստվել են Հանրային լրագրության ակումբի «Մեդիա կենտրոն» ծրագրի շրջանակում՝ Բաց հասարակության հիմնադրամներ - Հայաստանի աջակցությամբ: Տեսանյութերում հնչած կարծիքները կարող են չհամապատասխանել ծրագիրը ֆինանսավորող կողմի տեսակետների հետ: #VoteforArmenia #Elections2021 #ElectionsArmenia #InformedCitizen #osfarmenia #pjc
ՀՀ արտաքին քաղաքականություն, ԼՂ հարց․ անվտանգային հարցերը քաղաքական ուժերի նախընտրական ծրագրերում
17.06.2021
19:00
Հունիսի 17-ին՝ ժամը 19:00-ին, «Մեդիա կենտրոնի» նախաձեռնությամբ «Ա1+»-ի հեռուստատաղավարում և Մեդիա կենտրոնի ֆեյսբուքյան էջում ու յութուբյան ալիքում առցանց ուղիղ հեռարձակմամբ տեղի ունեցավ նախընտրական բանավեճ «ՀՀ արտաքին քաղաքականություն, ԼՂ հարց․ անվտանգային հարցերը քաղաքական ուժերի նախընտրական ծրագրերում» թեմայով:
Ընտրություններ Հայաստանում. Անդրադարձ նախընտրական արշավին և ընտրությունների օրվա կանխատեսումներին
17.06.2021
15:00
Ժողովրդավարական ընտրությունների եվրոպական պլատֆորմը անց է կացնում նախընտրական գործընթացի վերաբերյալ հանրային քննարկում հայաստանյան առաջատար քաղաքական վերլուծաբանների միջև՝ անդրադառնալով քարոզարշավին, լրատվամիջոցների գործունեությանը, քաղաքական լարվածությանը և երկրի այլ կարևոր զարգացումներին:

Փաստերի ստուգումը նախընտրական, ընտրական և հետընտրական գործընթացներում
16.06.2021
15:30
Մեդիա կենտրոնը հունիսի 16-ին՝ ժամը 15:30-ին կազմակերպեց վեբինար փաստերի ստուգումը նախընտրական, ընտրական և հետընտրական գործընթացներում թեմայով, որի փորձագետ-հյուրն էր Մարիամ Ցիցիկաշվիլին (Georgia's Reforms Associates (GRASS), Վրաստան)։
Արտաքին քաղաքականությունը՝ նախընտրական ծրագրերում
15.06.2021
12:00
Հունիսի 15-ին՝ ժամը 12։00-ին, Մեդիա կենտրոնում տեղի ունեցավ հարցազրույց Քաղաքականության հետազոտական կենտրոնի փոխնախագահ Արմեն Գրիգորյանի հետ:
Թեման՝ «Արտաքին քաղաքականությունը՝ նախընտրական ծրագրերում»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ