Տուբերկուլյոզի վաղ հայտնաբերման և հիվանդների նկատմամբ խտրականության նվազեցմանն ուղղված ջանքերը Հայաստանում
15.03.2018
12:00
Արդեն 3-րդ տարի շարունակ «Դրական մարդկանց հայկական ցանց» սոցիալական ՀԿ-ն իրականացնում է Հայաստանում «Փոփոխությունները հնարավոր են։ Գործենք հիմա» նախագիծը:

Այս նախագծի շրջանակներում իրականացվել են գործողություններ, որոնք ուղղված են եղել տուբերկուլյոզով (ՏԲ) հիվանդների և ՏԲ կաբինետների բժիշկների շրջանում որակական հարցումների անցկացմանը, վերջին տարիների ազգային և միջազգային հաշվետվությունների և առկա գրականության ուսումնասիրմանը, դրա հիման վրա ադվոկացիոն ռազմավարության մշակմանը, ինչպես նաև բնակչության շրջանում տուբերկուլոզի վաղ հայտնաբերմանը, հիվանդների նկատմամբ խարանի և խտրականության դրսևորումների վերացմանը, խնդրի մասին նպատակային համայնքներում իրազեկության բարձրացմանը: Բոլոր գործողությունները իրականացվել են ՀՀ ԱՆ Տուբերկուլոզի դեմ պայքարի ազգային կենտրոնի և Առողջապահության համաշխարհային կազմակերպության աջակցությամբ (ԱՀԿ):

Մարտի 15-ին «Մեդիա կենտրոնում» տեղի ունեցած մամլո ասուլիսի ժամանակ «Դրական մարդկանց հայկական ցանց» սոցիալական հասարակական կազմակերպության նախագահ Անահիտ Հարությունյանը ասաց, որ իրենց առաջնային խնդիրն էր հասկանալ՝ ինչպես է Հայաստանում գործում տուբերկուլյոզի բուժման հիվանդակենտրոն մոդելը:

«Մեր  նպատակը տուբերկուլյոզով հիվանդ անձանց միջոցով հասարակության շրջանում հիվանդության մասին բարձրաձայնելն է: Ամբողջ աշխարհում ՄԻԱՎ-ով ապրող մարդիկ օգնում են մյուս՝ նմանատիպ խնդրով մարդկանց հաղթահարել իրենց վախերը: Մենք փորձել ենք հենց տուբերկուլյոզով հիվանդ մարդկանց միջոցով հանրությանն ակտիվացնել ու բարձրաձայնել խնդիրը հասարակության շրջանում: Ստեղծել ենք բաց խումբ՝ շուրջ 20 հոգանոց, որը հանդիպումներ է ունենում և մանրամասն ներկայացնում, թե ինչու է այս ոլորտում ակտիվիզմն անհրաժեշտ»,-ասաց Հարությունյանը:

Ասուլիսին մասնակցում էին նաև Տուբերկուլյոզի դեմ պայքարի ազգային կենտրոնի տնօրենի գիտական գծով խորհրդական, ԱՆ գլխավոր ֆտիզիատոր Լյուբով Նիկոլայանը, «Դրական մարդկանց հայկական ցանց» Գնահատման և մոնիթորինգի մասնագետ Ալվինա Ալագուլյանը և «Դրական մարդկանց հայկական ցանց», Հանրային կապերի պատասխանատու Աննա Գալստյանը:

Լյուբով Նիկոլայանը ասում է, որ վիճակագրական տվյալները բարենպաստ իրավիճակ են արձանագրում, սակայն կան խնդիրներ. «2017-ին մեր արձանագրած հիվանդացության նոր դեպքերի թիվը 100.000-ի հաշվով կազմում է 23.1 տոկոս: Անցյալ տարի եղել է 27.4 տոկոս»:

Համեմատելով Հայաստանում իրավիճակն այլ երկրների հետ՝ տիկին Նիկոլայանը նշում է, որ Ռուսաստանի նման հզոր կայսրությունը միշտ ունեցել է հարյուրին մոտ ցուցանիշը, այժմ այն իջել է 55-60-ի է, բայց մեր ցուցանիշին երկու անգամ գերազանցում է:

Ըստ վիճակագրության` Հարավ Արևելյան Ասիայի երկրները տուբերկուլյոզի տարածվածությամբ առաջատար են: Մյուս տարածաշրջանների համեմատությամբ՝ միայն մահացության ցուցանիշը 40 տոկոսն անցնում է: Այդ տեսանկյունից ՀՀ-ն նպաստավոր դիրքերում է, շեշտում է Նիկոլայանը:

«Բայց կան բացեր. հիվանդացության դեպքերի ընդհանուր նվազման հետ մեկտեղ չենք կարող ասել, որ տուբերկուլյոզի խնդիրը հաղթահարված է: Հաղթահարման ճանապարհին գոյություն ունեն լուրջ խոչընդոտներ ամբողջ աշխարհում: Դա ՄԻԱՎ վարակակիրների շրջանում տուբերկուլյոզի տարածումն է և հարուցիչների դեղորայքակայունությունը: Սա լուրջ խնդիր է նաև ՀՀ-ում. այդ թիվը նվազման միտում չի դրսևորում: Վերջին շրջանում ՄԻԱՎ հիվանդների թիվը, որոնց շրջանում տուբերկուլյոզ է ախտորոշվել, միտում ունի բարձրանալու՝ 9 տասնյակի կարգի է»:

Անդրառնալով բուժման արդյունավետությանը՝ տիկին Նիկոլայանը հայտնեց, որ այդ ցուցանիշը 82.3 տոկոս է, սակայն այդ դեպքերի մեջ առանձնացված չեն հիվանդության տարբեր տեսակները:

Ալվինա Ալագուլյանն էլ ներկայացրեց ՀՀ 4 մարզերում 240 հիվանդների շրջանում կատարված կարիքների գնահատման արդյունքները:

«240 հիվանդների շրջանում իրականացված հետազոտության արդյունքները ցույց են տալիս, որ նրանց 21.7 տոկոսը ցանկանում է բուժում ստանալ հիվանդանոցային, 66.2 տոկոսը ամբուլատոր պայմաններում: Հարցման մասնակիցները հիմնականում հետևողական են իրենց բուժմանը: Հիվանդանոցային բուժման ընթացքի վերաբերյալ հարցերին ի պատասխան նրանք նշել են, որ բժիշկները բարեհամբույր են իրենց նկատմամբ, սակայն մտահոգություն հայտնել, որ չկան ժամանցի համար նախատեսված վայրեր, լոգարանային պայմաններ, և բուժումը բավականին երկարատև է: Մյուս խնդիրն, ըստ հարցման մասնակիցների, այն է, որ առողջ և հիվանդ մարդիկ կարողանում են ելումուտ անել միևնույն սենյակ»,-ասաց Ալագուլյանը:

Անահիտ Հարությունյանն էլ հավելեց, որ Հայաստանն անցում է կատարում հիվանդանոցային բուժումից դեպի ամբուլատոր:

«Ունենք դեպքեր, երբ հիվանդանոցային բուժման կարիք անգամ չի լինում, իսկ ամբուլատոր բուժումը պետության վրա հետագայում ավելի էժան է նստում»,-նշեց Հարությունյանը: 

Շարունակությունը դիտեք տեսագրությունում:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

«Ի՞նչ անի խաղաղ բնակչությունը, երբ կրակում են սահմանի մյուս կողմից. ԱԻՆ-ը զգուշացնում է»
03.08.2020
14:00
Օգոստոսի 3-ին, ժամը 14:00-ին, Մեդիա կենտրոնը կազմակերպեց առցանց քննարկում «Ի՞նչ անի խաղաղ բնակչությունը, երբ կրակում են սահմանի մյուս կողմից. ԱԻՆ-ը զգուշացնում է» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...