Երևանում տեղի ունեցավ «Գողացված «Վռուբելի» վերադարձը» ցուցահանդեսի բացումը
14.03.2018
16:00
Մարտի 14-ին Երևանի Ռուսական արվեստի թանգարանում տեղի ունեցավ հանճարեղ նկարիչ, ռուսական «մոդեռնի» նախահայր Միխայիլ Վռուբելի գողացված «Դևը և Հրեշտակը Թամարի հոգու հետ» նկարի վերադարձին նվիրված ցուցահանդեսի բացումը:

Միխայիլ Վռուբելի «Դևն ու Հրեշտակը Թամարի հոգու հետ» գլուխգործոցը գողացվել էր Ռուսական արվեստի թանգարանից (պրոֆեսոր Ա. Աբրահամյանի հավաքածու) 23 տարի առաջ` 1995 թ.-ին: Եվ 2017 թ. մարտին, միջազգային հետախուզման մեջ գտնվող նկարը հայտնաբերվեց  ռուսական հատուկ ծառայությունների կողմից և նույն թվականի նոյեմբերի 15-ին Մոսկվայում, Ռուսաստանում Հայաստանի օրերի շրջանակներում Պետական Տրետյակովյան պատկերասրահի Վռուբելյան դահլիճում ՌԴ նախագահ Վլադիմիր Պուտինի կողմից հանձնվեց ՀՀ նախագահ Սերժ Սարգսյանին: Սակայն, մինչ թանգարան վերադառնալը, նկարը Տրետյակովյան պատկերասրահում  շուրջ 8 ամիս ենթարկվեց վերականգնման Իննա Կոնստանտինովնա Սոլովովայի կողմից:

Վռուբելյան   նկարն իր գեղարվեստական արժեքից զատ նաև պատմական հետաքրքրություն է ներկայացնում: Այն ստեղծվել էր Մ. Լերմոնտովի մահվան 50-ամյա տարելիցի առթիվ (1891 թ.) նկարազարդված երկերի ժողովածուի համար: Այդ պատվերի շրջանակներում Վռուբելը կատարել է 36 գծանկար, որոնցից 11-ը նվիրված էր «Դևը» պոեմին:

Ցուցահանդեսի բացման առթիվ «Մեդիա կենտրոնը» Ռուսական արվեստի թանգարանում կազմակերպել էր մամլո ասուլիս, որին մասնակցում էին ՀՀ Մշակույթի նախարար Արմեն Ամիրյանը, Ռուսական արվեստի թանգարանի տնօրեն Մարինե Մկրտչյանը, Միխայիլ Վռուբելի «Դևը և Հրեշտակը Թամարի հոգու հետ» նկարի վերականգնող Իննա Սոլովովան և ՌԴ վաստակավոր արտիստ, Ա. Սպենդիարյանի անվան օպերայի և բալետի ազգային ակադեմիական թատրոնի տնօրեն և գեղարվեստական ղեկավար Կոնստանտին Օրբելյանը:

ՀՀ Մշակույթի նախարար Արմեն Ամիրյանը կարևորեց հայտնի գլուխգործոցի վերադարձը Հայաստան և նշեց, որ սա աստվածային, հրեշտակային նվեր է թանգարանին:

«Այսպես մենք կկարողանանք նորից հանրությանը ներկայացնել նկարը՝ միևնույն ժամանակ մեծացնելով մարդկանց այցելությունների քանակը թանգարան:Մենք համոզված ենք՝ այն բրենդային փաթեթը, որ մշակել ենք թանգարանի համար Վռուբելյան այս ստեղծագործության շուրջ, կդառնա շատ հզոր շարժառիթ՝ թանգարանին նոր շնչառություն փոխանցելու համար»,-ասաց Արմեն Ամիրյանը:

Որպես շնորհակալություն Տրետյակովյան պատկերասրահի տնօրենին և նկարը վերականգնողին` Արմեն Ամիրյանը շնորհեց ՀՀ Մշակույթի նախարարության բարձրագույն պարգև՝ ոսկե մեդալ:

«Այն, որ նկարը գողացվել ու վերականգնվել է, փաստում է դրա պատմական ու մշակութային արժեքը: Մենք միջոցառումների մի ամբողջ շարք ենք պատրաստել, ուր կներկայացնենք նկարի ողջ պատմությունը՝ ստեղծումից մինչև վերածնունդ»,-ասաց Ռուսական արվեստի թանգարանի տնօրեն Մարինե Մկրտչյանը:

Մարինե Մկրտչյանի խոսքով, Վրուբելի այս նկարը նախ ձեռք է բերել 20-րդ դարասկզբի ռուս հայտնի ձեռնարկատեր և մեկենաս Սավվա Մամոնտովը, որը հետո նկարը նվիրել է այն ժամանակվա անվանի բալետային պարուհի Եկատիրինա Գելցերին: Հետո այն ձեռք է բերել բժիշկ, կոլեկցիոներ Արամ Աբրահամյանը, ում հավաքածուի հիման վրա 1984 թվականին ստեղծվել է Երևանի ռուսական արվեստի թանգարանը: 

Միխայիլ Վռուբելի «Դևը և Հրեշտակը Թամարի հոգու հետ» նկարի վերականգնող Իննա Սոլովովան ներկայացրեց նկարի վերականգման աշխատանքները:

«Երբ բերեցին տուփի մեջ դրված նկարն ու թողեցին սեղանիս, ես ուզում էի արտասվել: Նկարը բաժանված էր կտորների՝ որոշները՝ միլիմետրանոց, որոշներն՝ ավելի մեծ… Բայց մեզ պետք էր նկարին տալ նախկին տեսքը՝ առանց այն վնասելու, չէ՞ որ Վռուբելն ավելի շատ սրբություն է: Բարդ ու ժամանակատար աշխատանք էր, ինձնից յոթ ամիս է պահանջվել՝ այն վերականգնելու համար: Նկարը պատռված չի եղել. ավելի շատ տպավորություն էր, թե դրա վրա մի ծանր բան են դրել, կամ գուցե նստել են վրան: Բայց դա ավելի լավ է, քանի որ կարողացանք համարյա աննկատ միացնել մասերը: Ուսումնասիրության ընթացքում հասկացանք նաև, որ նկարը նախկինում էլի են փորձել վերականգնել»,-ասաց Սոլովովան:

Ա. Սպենդիարյանի անվան օպերայի և բալետի ազգային ակադեմիական թատրոնի տնօրեն և գեղարվեստական ղեկավար Կոնստանտին Օրբելյանն ասաց, որ նկարի կորուստն ու վերադարձն իր համար զարմանահրաշ պատմություն է, քանի որ ինքն էլ ներկա է եղել գեղանկարի փոխանցման արարողությանը:

Նկարի վերադարձին նվիրված մարտի 16-ին, ժամը 19.00-ին Ա. Սպենդիարյանի անվան օպերայի և բալետի ազգային ակադեմիական թատրոնում տեղի կունենա նաև «Լերմոնտով-Ռուբինշտեյն-Վռուբել» գրական-երաժշտական ներկայացում: 

«Լերմոնտով, Ռուբինշտեյն և Վռուբել: Այստեղ մենք միասին ներկայացնում ենք երեք հանճարներին, և դրսի թանգարանների հետ համագործակցելով՝ Տրետյակովյան պատկերասրահ, Մոսկվայի Վախրուշինի անվան թատերական թանգարան, Կիևի Ազգային թանգարան, հավաքել ենք մնացած 11 նկարները՝ թվային տարբերակով․․․ 3D անիմացիա: Պետք է նշեմ, որ շատ կարևոր է երկու մշակութային հաստատությունների համագործակցությունը՝ թանգարանի և Ազգային ակադեմիական օպերայի և բալետի թատրոնի: Դա նաև առաջին փորձն է համատեղ ներկայացման», - եզրափակեց Մարինե Մկրտչյանը:

Տեղեկացնենք նաև, որ հանրության առջև ցուցահանդեսը բաց կլինի սույն թվականի մարտի 20-ից մինչև սույն թվականի նոյեմբերի 20-ը:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք  [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա
13.05.2021
14:00
Մայիսի 13-ին՝ ժամը 14:00-ին, Մեդիա կենտրոնը կազմակերպեց հարցազրույց Ընտրական համակարգերի միջազգային հաստատության հայաստանյան մասնաճյուղի (IFES Armenia) ընտրությունների ավագ մասնագետ Աղասի Եսայանի հետ «Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա» թեմայով
Նախընտրական Հայաստան. ընտրությունը դարձյալ նախկին-ներկա շրջապտույտու՞մ է
10.05.2021
12:30
Մայիսի 10-ին, ժամը 12:30-ին, Մեդիա կենտրոնն առցանց քննարկում կազմակերպեց՝ «Նախընտրական Հայաստան. ընտրությունը դարձյալ նախկին-ներկա շրջապտույտու՞մ է» թեմայով:
Քաղաքացու կերպարի վերաիմաստավորումը հետպատերազմյան Հայաստանում
07.05.2021
17:00
Մայիսի 7-ին՝ ժամը 17:00-ին, Մեդիա կենտրոնը Դիլիջանի համայնքային կենտրոնում (61 Մյասնիկյան, Դիլիջան) կազմակերպել է հանդիպում մշակութային մարդաբան Աղասի Թադևոսյանի հետ:
Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ
06.05.2021
12:00
Մայիսի 6-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ» թեմայով:
Հաշմանդամություն ունեցող անձանց իրավունքներ. որքանո՞վ են պաշտպանված օրենքով
06.05.2021
11:00
Մայիսի 6-ին, ժամը 11:00-ին, Մեդիա կենտրոնն առցանց քննարկում կազմակերպեց՝ «Հաշմանդամություն ունեցող անձանց իրավունքներ. որքանո՞վ են պաշտպանված օրենքով» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...