«Հոգեսոցիալական աջակցությունը Հայաստանի ուռուցքաբանության ոլորտում»
05.02.2018
11:00
Հայաստանում տարեկան մոտ 8-10 հազար առաջնակի քաղցկեղով հիվանդներ են լինում, որոնց անհրաժեշտ է հոգեսոցիալական ծառայություն: Այս մասին փետրվարի 5-ին «Մեդիա կենտրոն»-ում ընթացող քննարկման ժամանակ հայտարարեց ԵՊԲՀ Մուրացան հիվանդանոցային համալիրի քիմիաթերապիայի կլինիկայի ուռուցքաբան Լիանա Սաֆարյանը:

«Բացի այն, որ ախտորոշումից հետո շատերը դեպրեսիա են ունենում, բուժման ընթացքում օգտագործած որոշ դեղեր կողմնակի ազդեցություն են ունենում նրանց հոգեկան առողջության վրա: Մի քանի մասնագետներ արտասահմանում վերապատրաստվել են,  Հայաստանում ներդրել հոգեսոցիալական ծառայությունը: Ցանկալի է, որ բոլոր հիվանդները ստանան հոգեբանական աջակցություն: Հայաստանում շատ կլինիկաներ չունեն նման ծառայություն»,-ասաց Սաֆարյանը:
Հոգեուռուցքաբանության հայկական ասոցիացիայի տնօրեն Եվա Ասրիբաբայանը, ով նույնպես մասնակցում էր քննարկմանը, խոստովանում է, որ ծառայության ներդրման հետ միասին, իրենք էլ ինքնակրթվում են: Ամեն ինչ սկսվեց 2014-ին ԵՊՀ-ում, երբ նախաձեռնեցին հոգեուռուցքաբանության գաղափարի տարածումը:

«Երկու տարվա ընթացքում հասկացանք, որ ծառայությունը պահանջված է: Հիմնականում աշխատում ենք տարեցների հետ, լավ կլիներ, եթե ծառայությունը հասանելի լիներ շատերին»,-ասաց նա:
Քննարկման մյուս մասնակից Վ. Ֆանարջյանի անվան Ուռուցքաբանության ազգային ինստիտուտ կլինիկական հոգեբան Աննա Բաղդասարյանի խոսքով, առավել շատ մարդիկ դիմում են այն ժամանակ, երբ առաջին անգամ իմանում են հիվանդության մասին:

«Մեկ տարվա ընթացքում ծառայությանը դիմել են հիմնականում այն մարդիկ, ովքեր կամ ախտորոշման, կամ նախավիրահատական , քիմիաթերապիայի փուլում են: Այս փուլում մեծ է անորոշությունը, տագնապաները մեծ են: Հիմնականում դիմում են կրծքագեղձի քաղցկեղով հիվանդները, հակապես երբ խոսքը վերաբերում է օրգանի հեռացմանը»,-ներկայացրեց նա:
Վարդուհի Սարգսյանը, ով հաղթահարել է քաղցկեղը, բուժման ընթացքում չի օգտվել նման ծառայությունից: Դրա համար նա շատ է ափսոսում, պնդում է, հիվանդից բացի նման աջակցության կարիք ունեն նաև նրա հարազատներն ու մտերիմները:

«Որպես այդ բոլոր փուլերով անցած մարդ, հասկացել եմ, թե ինչքան կարևոր է հոգեբանական աջակցությունը հատկապես քաղցկեղի ախտորոշման դեպքում: Նման ծառայությունը կարևոր է նաև հիվանդի հարազատների համար: Դեպրեսիան սկսում է խանգարել բուժմանը, շատ դեպքերում էլ պետք է լինում մտերիմներին «թափ տալ», որպեսզի չխանգարեն հիվանդի բուժմանը: Ես շատ եմ հանդիպել, խոսել քաղցկեղով հիվանդների հետ: Դրա ախտորոշումը մեծ մասի համար մահվան դատավճիռ է»,-հավելեց Վարդուհի Սարգսյանը:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Հայաստան-Սփյուռք փոխհարաբերություններ. ինչպե՞ս ավելի արդյունավետ, վստահելի ու անկեղծ դարձնել
30.11.2021
14:00
Դեկտեմբերի 2-ին, ժամը 15:00-ին, Մեդիա կենտրոնում տեղի ունեցավ հարցազրույց Սփյուռքի գործերի գլխավոր հանձնակատար Զարեհ Սինանյանի հետ: Թեման՝ «Հայաստան-Սփյուռք փոխհարաբերություններ. ինչպե՞ս ավելի արդյունավետ, վստահելի ու անկեղծ դարձնել»:
Եզրակացություններ Սոչիում կայացած եռակողմ հանդիպումից
29.11.2021
13:00
Նոյեմբերի 29-ին, ժամը 13:00-ին, Մեդիա կենտրոնում տեղի ունեցավ հարցազրույց Մարդկային զարգացման միջազգային կենտրոնի տնօրեն Թևան Պողոսյանի հետ: Թեման՝ «Եզրակացություններ Սոչիում կայացած եռակողմ հանդիպումից»:
Տնօրենները կվերապատրաստվեն. ԿԳՄՍՆ-ն ներկայացրել է նախադպրոցական հաստատությունների տնօրենների հավաստագրման կարգը
26.11.2021
16:00
Նոյեմբերի 26-ին, ժամը 16:00-ին, Մեդիա կենտրոնը կազմակերպեց առցանց քննարկում՝ «Տնօրենները կվերապատրաստվեն. ԿԳՄՍՆ-ն ներկայացրել է նախադպրոցական հաստատությունների տնօրենների հավաստագրման կարգը» թեմայով:
էկոլոգիական ռիսկեր, խնդիրներ Լոռու, Արարատի, Սյունիքի, Արագածոտնի մարզերում, անհրաժեշտ բարեփոխումների կարիքը Հայաստանում
26.11.2021
11:00
Նոյեմբերի 26-ին՝ ժամը 11:00-ին, Մեդիա կենտրոնում տեղի ունեցավ քննարկում «էկոլոգիական ռիսկեր, խնդիրներ Լոռու, Արարատի, Սյունիքի, Արագածոտնի մարզերում, անհրաժեշտ բարեփոխումների կարիքը Հայաստանում» թեմայով:
Բանախոսներ՝
Օլեգ Դուլգարյան, «Համայնքային համախմբման եւ աջակցության կենտրոն» ՀԿ նախագահ, իրավապաշտպան
Նազելի Վարդանյան, փաստաբան, բնապահպան,
Ինգա Զարաֆյան, «ԷկոԼուր» տեղեկատվական ՀԿ-ի նախագահ
Հայաստանի անվտանգության բանալիները Հայաստանու՞մ են, թե՞ Հայաստանից դուրս. ունե՞նք այս հարցի պատասխանը
24.11.2021
14:00
Նոյեմբերի 24-ին, ժամը 14:00-ին, Մեդիա կենտրոնում տեղի ունեցավ հարցազրույց քաղաքագետ Սարո Սարոյանի հետ՝ «Հայաստանի անվտանգության բանալիները Հայաստանու՞մ են, թե՞ Հայաստանից դուրս. ունե՞նք այս հարցի պատասխանը» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ