«Զորակոչիկների իրավունքների խախտումները 2016-2017 թթ. զորակոչերի ընթացքում»
25.12.2017
12:00
Զորակոչիկների ամենաառաջնային հարցը զորակոչերի ընթացքում առնչվում է հիմնականում առողջական խնդիրներին և բժշկական եզրակացությանը: 2016-207 թթ. զորակոչերի ընթացքում Հելսինկյան Քաղաքացիական Ասամբելայի Վանաձորի գրասենյակ դիմած քաղաքացիների 59 դիմումներից 50-ը վերաբերել են հենց զորակոչիկների առողջական խնդիրներին:

ՀՔԱ Վանաձորի գրասենյակի խաղաղասիրական ծրագրերի համակարգող Արմինե Սադիկյանն ասում է, որ ինչպես նախորդ տարի, այնպես էլ այս տարի իրենց դիմողների մեծ մասը հենց այդ խնդրով են եղել, երբ քաղաքացիները համաձայն չեն եղել իրենց առողջության վերաբերյալ բժշկական հանձնաժողովի տված եզրակացություներին:

«Օրենքով տրված է համալիր բուժզննություն, բայց դա չի իրականացվում բոլոր զորակոչիկների դեպքում, բժշկական եզրակացությունները տարբեր բժշկական հաստատությունների կողմից լինում են հակասական: Իսկ կենտրոնական բժշկական հաստատությունը հիմնվում է այն տվյալների վրա, որոնք ի վնաս` զորակոչիկի են: Փոխարենը ուղարկեն 3-րդ բուժհաստատություն ժխտելու կամ հաստատելու եզրակացությունը, միանգամից պիտանելիության մասին որոշում են կայացնում»,-ասաց Արմինե Սադիկյանը դեկտեմբերի 25-ին Մեդիա կենտրոնում տեղի ունեցած մամլո ասուլիսի ժամանակ:

ՀՔԱ Վանաձորի գրասենյակը 2013–ից ի վեր իրականցնում է ամենամյա հետազոտություն զորակոչերի ընթացքում զորակոչիկների իրավունքների խախտման վերաբերյալ: Զեկույցը հիմնվում է կազմակերպություն դիմած քաղաքացիների և պետական կառույցներ արված պաշտոնական հարցումների պատասխանների վրա:

«2016-2017 թթ. զորակոչերի ընթացքում մեր աջակցության արդյունքում 7 հոգու տրամադրվել է  պարտադիր զինվորական ծառայությունից տարկետում: Նրանցից 3-ը ճանաչվել են  ժամանակավորապես ոչ պիտանի, 3-ը մինչև մեկ տարի տարկետում են ստացել և 1 հոգու տրվել է  մեկ տարով ժամանակավոր տարկտում»,-ասում է Սադիկյանը:

ՀՔԱ Վանաձորի գրասնեյակի ղեկավար Արթուր Սաքունցը, ով նույնպես մասնակցում էր քննարկմանը, ասում է, որ առաջին կարևոր խնդիրը, որ մնում է օրակարգում, մի քանի հիվանդությունների համակցությամբ պիտանելիության որոշման հարցն է:

«Հիմա, եթե անձը ունի 5  հիվանդություն, ճանաչվում է սահմանափակումով պիտանի և մեկ տարով տրվում է տարկետում: Մենք հարց ենք բարձրացնում, իսկ ինչու ՞ հինգ, ինչու ՞ ոչ երկու, որովհետև նույն անձի մոտ են այդ հիվանդությունները հայտնաբերվում: Մենք գտնում ենք, որ մեկ հիվանդությունից ավելի ունենալու դեպքում, անձի պիտանելիության հարցը այդ մակարդակում պետք է դիտվի ու անհապաղ տարկետում տրվի»,-ասում է Սաքունցը:

Միևնույն ժամանակ նա շեշտում է, որ եթե  տրվում է տարկտում, ապա այն տրվում է առողջական խնդիրը լուծելու համար:

«Բայց մենք գիտենք, որ այդ բժշկական ծառայությոնը չի տրամադրվում տարկետման ընթացքում, այդ տարկտումը ձևական բնույթ է կրում ու հետո հաջորդ զորակոչին այս նույն անձին ճանաչում են պիտանի, երբ նրա առողջական վիճակի մեջ որևէ  դրական միտում կամ աճ չի գրանցվել: Մենք նույնիսկ զորակոչվածներ ենք ունել, որոնք կարճ ժամանակ անց տեղափոխվել են զինվորական հոսպիտալ: Այն մտահոգությունը, որ կար զորակոչից առաջ ուշադրություն չեն դարձնում և անձը զորակոչվելուց հետո հայտնվել է  զինվորական հոսպիտալում»,-ասում է Սաքունցը:

Արմինե Սադիկյանը օրինակ է բերում նման 3 դեպք.

«Նրանցից երկուսը շարային ծառայության համար պիտանի էին ճանաչվել, մյուսը` սահմանափակումով: Նրանցից մեկը զորակոչվելուց  ընդամենը 2 օր անց հայտնվել էր հոսպիտալում, իսկ 2-ը` ընդամենը 2 շաբաթ անց: Սա խոսում է այն մասին, որ զորակոչիկները ունեցել են լուրջ առողջական խնդիրներ, իսկ բժշկական հանձնաժողովները լուրջ ուշադրություն չեն դարձնում զորակոչիկների գանգատներին»:

Արթուր Սաքունցը էլ հավելում է, որ անձի բժշկական զննության իրավունքը պետք է գաղտնիության պայմաններում ապահովվի, ոչ թե մի քանի անձի հետ:

«Թե ՛ զորակոչային հանձնաժողովը, թե ՛ բժշկական հանձանժողովը զորակոչի ժամանակ ոչ միայն իրենց լիազորությունները պետք է կատարեն օրենքով սահմանված կարգով, այլև պետք է զորակոչիկին իրազեկեն իրենց իրավունքների մասին, թե ինչ իրավուքն ունի զորակոչիկը: Սա չի արվում»,-շեշտում է Սաքունցը:

Ասուլիսի ընթացքում նա ներկայացրեց նաև ուշագրավ վիճակագրություն 1998 թ.-ից մինչև 2017 թվականի հուլիսի 31-ը ՀՀ Կառավարության որոշմամբ պարտադիր զինվորական ծառայությունից տարկետում ստացած և ազատված քաղաքացիների վերաբերյալ:

«1998-ից մինչ 2017 թ. հուլիսի 31-ը ՀՀ Կառավարության որոշմամբ պարտադիր զինվորական ծառայությունից տարկետում ստացած 1282 քաղաքացուց 717 կրթություն ստանալու հարցերով է եղել, իսկ երկրորդ տեղում Հայ առաքելական  եկեղեցու սպասավորներն են` 351 անձ: Այսինքն տարկետումների տրամադրման երկրորդ տեղը Հայ առաքելական եկեղեցու սպասվորներինն է: Իսկ նույն ժամանակահատվածում զինվորական ծառայությունից ազատված  202 անձանից 186-ը եղել են հոգևորականներ ու ոչ մեկը չի եղել կրթության կամ մշակութային հարցերով»,-հավելում է Սաքունցը:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected]էլ. հասցեին:

Տեսանյութ
Print Friendly and PDF
Այլ մամլո հաղորդագրություններ
Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...