«Համայնքապետերին ներելը ՏԻՄ համակարգի առողջացում, թե՞ կոռուպցիայի խրախուսում․ արձագանք Սերժ Սարգսյանի ելույթին»
19.12.2017
11:00
2017թ. դեկտեմբերի 9-ին ՀՀ գործող նախագահ Սերժ Սարգսյանը տեղական ինքնակառավարման և տարածքային կառավարման մարմիններին նվիրված խորհրդաժողովի ժամանակ մասնավորապես հայտարարել էր.

«Գաղտնիք չէ, որ շատ համայնքապետեր չարաշահում են իրենց պաշտոնը և այն օգտագործում են անհասկանալի և անընդունելի եկամուտներ ունենալու համար՝ սկսած նրանից, որ տարբեր խորամանկություններով, տարբեր ձևերով օտարում են համայնքներին պատկանող հողերը, որ անազնիվ վերաբերմունք են ցուցաբերում համայնքային բյուջեների նկատմամբ և չմանրամասնեմ, որովհետև ինձ համար շատ տհաճ է այս խոսակցությունը: Մի բան եմ, ուղղակի, ուզում ասել. շատ ներողամիտ ենք եղել համայնքապետերի նկատմամբ: Ներողամիտ ենք եղել, որովհետև համարել ենք, որ պետք է կայանան, այս ինստիտուտը պետք է կայանա, և այս ընթացքում հնարավոր են որոշակի վատ դրսևորումներ»։

Սույն հայտարարությունը ոչ միանշանակ ընդունվեց, և բազմաթիվ քննադատություններ հնչեցին առ այն, որ այս կերպ ՏԻՄ համակարգում ամենաբարձր մակարդակով խրախուսվել է կոռուպցիան։

ՀՀ գլխավոր դատախազի խորհրդական Գոռ Աբրահամյանը որոշ համայնքապետերի պատասխանատվության ենթարկելու վիճակագրություն  ներկայացրեց՝ ըստ որի «2017թ. ընթացքում ՀՀ իրավասու մարմինները պաշտոնեական հանցագործություններ կատարելու փաստերով համայնքապետերի վերաբերյալ հարուցել են 34 քրեական գործ»։

«Նշված գործերից արդեն իսկ 7 գործով 7 համայնքապետ ներգրավվել է որպես մեղադրյալ, դրանցից 4 գործ 4 համայնքապետի վերաբերյալ մեղադրական եզրակացությամբ ուղարկվել է դատարան, որից 2 համայնքապետի վերաբերյալ կայացվել են մեղադրական դատավճիռներ:  15 քրեական գործի նախաքննություն շարունակվում է»,- մասնավորապես ասված էր  Գոռ Աբրահամյանի տարածած հայտարարության մեջ։ 

Դեկտեմբերի 19-ին «Մեդիա կենտրոնում»  տեղի ունեցած  «Համայնքապետերին ներելը ՏԻՄ համակարգի առողջացում, թե՞ կոռուպցիայի խրախուսումարձագանք Սերժ Սարգսյանի ելույթին» խորագրով քննարկման ընթացքում  Նոր Կյանքի համայնքապետ Գարիկ Սարգսյանը, ով ընդդիմադիր «Քաղաքացիական պայմանագիր» կուսակցության անդամ է, նշում է, որ իրենց համայնքի օրինակով իրենք դեռևս չեն զգացել Սերժ Սարգսյանի հայտարարությունների հետևանքները.

«Ես, իհարկե, ողջունել եմ Սերժ Սարգսյանի պատրաստակամությունը այլեւս համայնքապետերին չներել ու նման վարվելակերպ թույլ չտալ, բայց կարելի է օգնել, օրինակ, մեզ և հետևողական լինել իրենց խոսքերում։ Այս պահին դատախազությունում, դատարանում կան քրեական գործեր մեր համայնքի նախկին ղեկավարի ու համայնքի մանկապարտեզի տնօրենի նկատմամբ, վերջինիս դեպքում վիճարկվում է յուրացում, պաշտոնեական կեղծիք հոդվածները, թող այս գործերը պատշաճ քննվեն, այդ ժամանակ կարելի է ասել, որ նախագահի խոսքը տեղ է հասել» ։

Փաստաբան, Նոր Կյանքի շահերը ներկայացնող Ռուստամ Բադասյանն իր հերթին նշեց, որ խնդիրները ոչ թե անձնական են ու մի անձով են պայմանավորված, այլ համակարգային են.

«Օրինակ, Նոր Կյանքի մանկապարտեզի դեպքի առիթով հարուցված է քրեական գործ ու քննարկվում է մանկապարտեզում թույլ տրված յուրացումների խնդիրներ։ Դա ամենևին չի նշանակում, որ նշված յուրացումների համար պատասխանատու է մանկապարտեզի տնօրենը։ Կարող է պարզվել, որ մանկապարտեզի տնօրենը՝ որպես պաշտոնատար անձ, առնվազն որոշակի պատասխանատվություն ունենալու է, բայց միաժամանակ նույն համայնքի ղեկավարը կարող է պատասխանատու լինի նշված հանցագործության դեպքի կապակցությամբ»։

«Թրանսփարենսի ինթերնեյշնլ» հակակոռուպցիոն կենտրոնի ընտրական ծրագրերի համակարգող Արմեն Գրիգորյանը նախ նշում է, որ Սերժ Սարգսյանի հայտարարություններին դժվար է լուրջ վերաբերվել, քանի որ բազմիցս ապացուցվել է նրա խոսքի ու գործի խզումը։ Սակայն, նրա կարծիքով, ամեն անգամ պետք է ֆիքսել, թե ինչ է ասել ու առաջ անցնել.

«Հարուցված քրեական գործերն ավելի շատ խորհրդային ոճի գործեր  են։ Քրեական գործերի մասին սկսում են խոսել և պատժում են այն դեպքում, երբ որ կա կոնկրետ հրահանգ։ Մինչդեռ այդ մարմինները իրենց աշխատանքները պետք է առանց հրահանգի էլ կատարեն։Մի քանի հոգու ընտրելով ու պատժելով՝ արդարության կամ կոռուպցիայի դեմ պայքարի խնդիր չեն լուծում»,-ասում է բանախոսը՝ ընդգծելով. «Միաժամանակ քրեական գործերի մասին հայտարարելը ամենևին չի նշանակում, որ վերջնական արդյունք է տալու։  Նախկին փորձը կա, երբ, օրինակ, կոռուպցիոն սկանդալի համար հրաժարական տվեց Միհրան Պողոսյանը, ով, սակայն որոշ ժամանակ անց պատգամավոր ընտրվեց իշխող քաղաքական ուժի ցուցակով։ Այս դեպքում էլ կարող է քրեական գործ հարուցվել համայանքապետերի դեմ, սակայն որոշ ժամանակ անց նրանք կարող են հայտնվել ավելի բարձր պաշտոնում»։ 

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected]էլփոստին:

Տեսանյութ
Print Friendly and PDF
Այլ մամլո հաղորդագրություններ
Վեբինար «Ամեն ինչ լավ կլինի. մենք միասին ենք» - 2
22.10.2020
18:00
Հոկտեմբերի 22-ին, ժամը 18:00-ին, Մեդիա կենտրոնը անցկացրեց վեբինար՝ պատերազմի թողած հոգեբանական վերքերի, դրանք հաղթահարելու մասին։
Թուրքական ապրանքների ներկրման արգելք. այլընտրանքային ի՞նչ լուծումներ են առաջարկվում
21.10.2020
12:00
Հոկտեմբերի 21-ին՝ ժամը 12։00-ին, Մեդիա կենտրոնը կազմակերպեց առցանց քննարկում «Թուրքական ապրանքների ներկրման արգելք. այլընտրանքային ի՞նչ լուծումներ են առաջարկվում» թեմայով:
Երբ արևմտյան և եվրոպական նավերը հայկական լեռներ չեն բարձրանում. Հայկական Սփյուռքի ներուժը
17.10.2020
13:00
Հոկտեմբերի 17-ին, ժամը 13:00-ին, Մեդիա կենտրոնն անցկացրեց առցանց հարցազրույց Սփյուռքի գործերի գլխավոր հանձնակատարի գրասենյակի ծրագրերի իրականացման բաժնի պետ Հայկ Ենգիբարյանի հետ:

Թեման՝ «Երբ արևմտյան և եվրոպական նավերը հայկական լեռներ չեն բարձրանում. Հայկական Սփյուռքի ներուժը»:
«Ընտրովի՞ հումանիզմ, ակնկալիքները միջազգային կառույցներից»
17.10.2020
11:30
Հոկտեմբերի 17-ին Մեդիա կենտրոնն անցկացրեց առցանց քննարկում «Ընտրովի՞ հումանիզմ, ակնկալիքները միջազգային կառույցներից» թեմայով։
Ապատեղեկատվությունը, փաստերի ստուգումը և մեդիա արշավները հակամարտության ընթացքում
16.10.2020
14:00
Հոկտեմբերի 16-ին՝ ժամը 14:00-ին, Մեդիա կենտրոնը իրականացվեց առցանց վեբինար «Ապատեղեկատվությունը, փաստերի ստուգումը և մեդիա արշավները հակամարտության ընթացքում» թեմայով։

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...