ԵՄ դեսպան. «Համատեղ ջանքերի շնորհիվ կհաջողվի իրականություն դարձնել ՀՀ-ԵՄ ստորագրված համաձայնագիրը»
27.11.2017
14:30
Նոյեմբերի 24-ին Բրյուսելում Արևելյան գործընկերության գագաթնաժողովի շրջանակներում Հայաստանի և Եվրամիությաւն միջև ստորագրվեց Համապարփակ և ընդլայնված գործընկերության համաձայնագիր:

Այս առնչությայմբ նոյեմբերի 27-ին Մեդիա կենտրոնում կազմակերպվեց Հայաստանում Եվրոպական միության պատվիրակության  ղեկավար, Արտակարգ և լիազոր դեսպան,  Ն. Գ. Պյոտր Անտոնի Սվիտալսկիի մամլո ասուլիսը:

Ասուլիսի սկզբում Եվրամիության դեսպանն ասաց, որ համատեղ ջանքերի շնորհիվ կհաջողվի իրականություն դարձնել համաձայնագրի դրույթները: Նա ընդգծեց, որ Եվրամիությունն ընդհանրապես խրախուսում ու աջակցում է, բայց երբեք որևէ բան չի պարտադրում:

«Մեր համագործակցության այս նոր փուլում կարող ենք ասել, որ պատրաստ ենք անել ավելին: Կարծում եմ՝ երկու կողմերը ստորագրել են այս համաձայնագիրը դրական տրամադրվածությամբ, որպեսզի այն իրականություն դարձնենք: Խոսել պատժամիջոցների, ձախողումների մասին ես տեղին չեն համարում, քանի որ բավականաչափ լավատես եմ, որ այս համաձայնագիրը նոր որակ կհաղորդի մեր համագործակցությանը: Ես մշտապես լավատես եմ: Սա համատեղ ջանքեր է պահանջում, ես վստահ եմ, որ մենք կհաջողենք»,-ասաց ԵՄ դեսպանը:

Անդրադառնալով Եվրամիությունից Հայաստանին տրամադրվելիք ֆինանսական աջակցությանը՝ Պյոտր Սվիտալսկին ասաց, որ մինչև 2020 թվականը Եվրամիության միասնական աջակցության շրջանակում Հայաստանին կտարամդրվի 170 միլիոն եվրո:

«Ես հույս ունեմ, որ մենք ի վիճակի կլինենք այդ գումարները շատ արդյունավետ օգտագործել: Մենք պետք է մտածենք կառավարության և մեր մյուս գործընկերներ հետ, թե ինչպես առավելագույնս արդյունավետ օգտագործել ֆինանսական աջակցությունը»,-ասաց ԵՄ դեսպանը՝ ընդգծելով, որ Եվրամիությունը Հայաստանի համար նաև ամենամեծ արտահանման շուկան է:

Պյոտր Սվիտալսկին հավելեց նաև, որ Եվրամիությունը Հայաստանի ամենամեծ դոնորն է և եթե այլ դոնորները կրճատում են Հայաստանին տրամադրվող աջակցությունը, ապա իրենք հայտարարում են 20-25 տոկոսով ավելացման մասին:

«Սա ազդանշան է այն մասին, որ այս գումարները կարող են իրենց նպատակին ծառայել, քանի որ Հայաստանն ի վիճակի է տնօրինել այդ գումարները՝ շնորհիվ տաղանդավոր մարդկանց», - ասաց Պյոտր Սվիտալսկին:

ԵՄ դեսպանը անդրադարձավ նաև վիզաների ազատականացմանը և նշեց, որ Եվրամիության դիրքորոշումը հստակ է՝ կան կոնկրետ նախպայմաններ, որոնք պետք է իրականացվեն:

«Վիզաների ազատականացման գործընթացը կսկսվի իր ժամանակին: Ես լավատես եմ և կշարունակեմ խրախուսել մեր հայ գործընկերներին՝ շարունակել իրենց աշխատանքը: Վիզաների ազատականացումը իրավունք չէ, այլ առավելություն: Եվրամիության քաղաքացիները պետք է զգան, որ երկրները, որոնք ձգտում են վիզաների ազատականցման, եվրոպամետ են, նրանք հավատում են Եվրոպային, նրանք ուզում են, որ իրենց վերաբերվեն իբրև իրական եվրոպացիների, ցանկանում են ապրել եվրոպական արժեքներով, մտածում են եվրոպացիների նման: Սա այն կարևորագույն ուղերձն է, որը պետք է գա ձեզնից՝ հայաստանցիներից»,-ասաց Պյոտր Սվիտալսկին:

Նա նաև շեշտեց, որ դա հեշտ գործընթաց չէ, և դա նախատեսում է մի շարք վարչական և իրավական կարգավորումներ:

«Կարծում եմ դրական է այն, որ վիզաների ազատականացման երկխոսությունը Հայաստանի հետ ներառված է մինչև 2020 թվականի 20 թիրախային արդյունքների ցանկում, բայց կոնկրետ օր մատնանշված չէ: Եթե բոլոր նախապայմանները կատարվեն, և Եվրամիության անդամ բոլոր պետությունները վստահ լինեն, որ ճիշտ ժամանակն է, ապա դա տեղի կունենա: Որևէ մեկն արհեստականորեն այդ գործընթացը չի ձգձգելու, անկասկած դա մեր հետաքրքրություններից չի բխում»,-ասաց Եվրամիության պատվիրակությնա ղեկավար, դեսպան Պյոտր Սվիտալսկին Մեդիա կենտրոնում:

Ասուլիսի շարունակությունը դիտեք տեսագրությունում:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] էլփոստին:

Տեսանյութ
Print Friendly and PDF
Այլ մամլո հաղորդագրություններ
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Պե՞տք է պատվաստվել քաղցկեղի, շաքարային դիաբետի դեպքում, հղիության շրջանում
15.10.2021
11:00
Հոկտեմբերի 15-ին՝ ժամը 11:00-ին, Մեդիա կենտրոնի սրահում տեղի ունեցավ մամուլի ասուլիս «Պե՞տք է պատվաստվել քաղցկեղի, շաքարային դիաբետի դեպքում, հղիության շրջանում կամ հղիությունը պլանավորելուց առաջ. միֆեր և իրականություն» թեմայով:

Բանախոսներ՝
- Վահե Տեր-Մինասյան, Ուռուցքաբան-գինեկոլոգ։
- Նաիրա Գոգյան, ԱՆ էնդոկրինոլոգիայի գծով խորհրդատու
- Մհեր Սուսանի, սրտաբան, «Աստղիկ» բժշկական կենտրոնի սրտային վիրաբուժության բաժանմունքի ղեկավար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ