Հայաստան-ԵՄ շրջանակային համաձայնագրի ստորագրման նախաշեմին. արձագանքներ Քիշնևից եւ Թբիլիսիից
22.11.2017
13:00
Հայաստանը վաղ թե ուշ կստորագրի Եվրամիության հետ նոր շրջանակային համաձայնագիրը, եթե անգամ ստորագրումը տեղի չունենա Բրյուսելում նոյեմբերի 24-ին նախատեսված Արեւելյան գործընեկրության գագաթնաժողովի ժամանակ:

Այս մասին «Մեդիա կենտրոնում» նոյեմբերի 22-ին տեղի ունեցած «Հայաստան-ԵՄ շրջանակային համաձայնագրի ստորագրման նախաշեմին. արձագանքներ Քիշնևից եւ Թբիլիսիից» թեմայով քննարկման ժամանակ հայտարարեց Գլոբալիզացիայի եւ տարածաշրջանային համագործակցության վերլուծական կենտրոնի խորհրդի նախագահ Ստեփան Գրիգորյանը։

Հայաստան-ԵՄ համապարփակ և ընդլայնված գործընկերության համաձայնագրի ստորագրումը նախատեսված է այս տարվա նոյեմբերի 24-ին Բրյուսելում: Ստորագրման համար, ինչպես նշում են փորձագետները, խնդիր կարող են ստեղծել Արեւելյան գործընկերության գագաթնաժողովի վերջնական հռչակագրում ԼՂ հակամարտության վերաբերյալ ձեւակերպումները:

Բանն այն է, որ պաշտոնական Երևանն ու Բաքուն դեռ համաձայնության չեն եկել հակամարտությանը վերաբերող ձևակերպումների շուրջ, իսկ փաստաթղթի մնացյալ տեքստը համաձայնեցված է: Խնդրի առկայության մասին վերջերս խոսեց նաեւ ՀՀ ԱԳ նախարար Էդվարդ Նալբանդյանը՝ նշելով, որ բանակցությունները շարունակվում են:

Միեւնույն ժամանակ նա ընդգծեց, որ Լեռնային Ղարաբաղի հիմնախնդրի կարգավորման վերաբերյալ Եվրամիության դիրքորոշումը մշտապես նույնն է եղել` ի աջակցություն եռանախագահող երկրների ջանքերին և մոտեցումներին: Խոսքը գագաթնաժողովի վերջնական հռչակագրի մասին է, որը չունի իրավական ուժ, սակայն ունի մեծ քաղաքական նշանակություն:

Ստեփան Գրիգորյանի կարծիքով, հռչակագրի շուրջ տարաձայնությունները չեն խանգարի ՀՀ-ին ու ԵՄ-ին ստորագրել նոր համաձայնագիրը: «Հռչակագիրը կարելի է վերապահումով ստորագրել, կամ հատուկ կարծիք հայտնել, եւ ԵՄ-ի համաձայնագրից չհարաժարվել: Պետք է հասկանալ, որ հռչակագիրն իրավական ուժ չունի եւ այն կարող է երկու տարի հետո փոխվել, իսկ ԵՄ-ի հետ համաձայնագիրն այլ քաշային կատեգորիայի ու մշտական փաստաթուղթ է»,- նշեց Գրիգորյանը՝ մտահոգություն հայտնելով, որ ՀՀ-ում և երկրից դուրս չեն ուզում այդ համաձայնագրի ստորագրումը և տարբեր ձևերով ցանկանում են խոչընդոտել գործընթացին: Սակայն նա շեշտեց, որ համաձայնագիրն անպայման կստորագրվի:

Միջազգային և անվտանգության հարցերի հայկական ինստիտուտի նախագահ Ստեփան Սաֆարյանի կարծիքով, պատահական չէ, որ հայկական կողմը կարեւորում է Արեւելյան գործընկերության հռչակագրում ԼՂ հիմնախնդրի վերաբերյալ դրույթները, քանի որ դրանք Բաքվում կարող են ընկալվել որպես «պատերազմի տեղեկանք»:

Արձագանքելով ադրբեջանական կողմի հավակնություններին և այն փաստին, որ ՀՀ-ԵՄ համաձայնագրում դեռ  ղարաբաղյան հակամտության հետ կապված ձևակերպումների մասին հստակեցումներ չկան՝ Սաֆարյանն ասաց, որ տարաձայնություններն այս հարցում պահպանվում են: «ԵՄ-ի հայտնի մոտեցումը կա, որ հակամարտության կարգավորումը կապում են Մինսկի խմբի շրջանակների հետ: Չեմ կարծում՝ գործը հասնի նրան, որ Ադրբեջանը վետո դնի, բայց նույնիսկ այս պայմաններում դեռ հայտնի չէ, թե որը կլինի կոմպրոմիսը», - նշեց նա:

Դատելով համաձայնագրի քաղաքական նշանակությունից՝ Սաֆարյանի խոսքով, Ադրբեջանը ԵՄ-ից պատերազմի տեղեկանք է ցանկանում կորզել: «Խնդիրն այն է, որ Ադրբեջանին ավելի շատ պատերազմի համար տեղեկանք է պետք: Հարց է՝ արդյոք Եվրոպան այդ տեղեկանքը կտա՞ Ադրբեջանին՝ անձամբ Ալիևին», - ասաց փորձագետը:

Քննարկմանը Թբիլիսիից տեսազանգի միջոցով միացած քաղաքական վերլուծաբան Գելա Վասաձե համոզմունք հայտնեց, որ Հայաստանը Բրյուսելում կստորագրի ԵՄ-ի հետ նոր համաձայնագիրը եւ արտաքին գործոններն այս անգամ խոչընդոտող դերակատարություն չեն ունենա, ի տարբերություն 2013 թ-ի: Այդ ժամանակ, Հայաստանի նախագահը շատերի համար անակնկալ ձեւով Մոսկվայում հայտարարեց, որ ՀՀ-ն հրաժարվում ԵՄ-ի հետ Ասոցիացիայի համաձայնագրից         ՝ նախապատվությունը տալով ԵԱՏՄ-ին:

Որոշ դիտորդներ կարծում են, որ կտրուկ շրջադարձը դեպի ԵԱՏՄ պարտադրված էր Մոսկվայի ճնշման պատճառով: Եվրոպայում դա հիասթափություն առաջացրեց, սակայն ԵՄ գործակցությունը Հայաստանի հետ չկասեցվեց, շարունակվեց:

«2013-ին խնդիրը քաղաքական էր, կապված էր Ուկրաինայի հետ եւ այդ պատճառով էլ Մոսկվան թույլ չտեց Հայաստանին ստորագրել ԵՄ-ի հետ համաձայնագիր: Պարզ է, որ դա ՌԴ-ին ձեռնտու չէր: Այսօր իրավիճակն այլ է. Եվրոպան պատրաստ է համագործակցել այն երկրների հետ, որոնք մտնում են ՌԴ-ի աշխարհաքաղաքական դաշտում են գործում», - ընդգծեց Վասաձեն՝ հավելելով, որ ՀՀժԵՄ համաձայնագրից, ինչպես եւ ԵՄ-Վրաստան Ասոցացման պայմանագրից արագ արդյունքներ պետք չէ սպասել: «Սա տեւական գործընթաց է, ժամանակ է պահանջում», - նշեց նա:

Նա ընդունեց, որ Վրաստանում այժմ այնպիսի վիճակ է, որ 2016 թ-ի արդյունքով կրճատվել է դեպի ԵՄ արտահանումը, հակառակը՝ ավելացել է ԵՄ-ի Վաստանը ներկրումը: Թվերը բավականին խոսուն են՝ ներկումն ավելացել է շուրջ 20 տոկոսով, արտահանումը կրճատել 12 տոկոսով:

Քննարկմանը Քիշնևից՝ տեսազանգի միջոցով քաղաքական վերլուծաբան Դան Մարին նշեց այն պատճառները, որոնք դերակատարություն են ունեցել Մոլդովայում՝ ԵՄ-ի հետ համաձայնագիր ստորագրելուց հետո հասարակական տրամադրությունների անկման համար: Այս խնդիրը հանգեցրեց նախագահական ընտրություններին ռուսաստանամետ Իգոր Դոդոնի հաղթանակին:

«Պատճառը կոռուպցիոն սկանդալներն էին և այն: Հայտնի դարձան, որ բանկային համակարգից գողացվել է շուրջ մեկ մլրդ դոլար: Իսկ միլիարդները ոչ թե այդ գումարները գողացած պաշտոնյաները պետք է վճարեին, այլ քաղաքացիները: Եվ այդ գործոնը վատ առումով տարածվեց ԵՄ-ի հետ հարաբերությունների վրա», - ասաց նա՝ միեւնույն ժամանակ հավելելով, որ Մոլդովային «եվրասիական ապագա» չի սպասվում:

«ԵԱՏՄ-ն հետաքրքիր չէ մեզ համար: Բացի այդ դա այնքան էլ գործուն տնտեսական համայնք չէ», - ասաց նա:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

Տեսանյութ
Print Friendly and PDF
Այլ մամլո հաղորդագրություններ
Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա
13.05.2021
14:00
Մայիսի 13-ին՝ ժամը 14:00-ին, Մեդիա կենտրոնը կազմակերպեց հարցազրույց Ընտրական համակարգերի միջազգային հաստատության հայաստանյան մասնաճյուղի (IFES Armenia) ընտրությունների ավագ մասնագետ Աղասի Եսայանի հետ «Ընտրական օրենսգրքի նոր փոփոխություններն ինչպե՞ս կանդրադառնան ընտրությունների որակի վրա» թեմայով
Նախընտրական Հայաստան. ընտրությունը դարձյալ նախկին-ներկա շրջապտույտու՞մ է
10.05.2021
12:30
Մայիսի 10-ին, ժամը 12:30-ին, Մեդիա կենտրոնն առցանց քննարկում կազմակերպեց՝ «Նախընտրական Հայաստան. ընտրությունը դարձյալ նախկին-ներկա շրջապտույտու՞մ է» թեմայով:
Քաղաքացու կերպարի վերաիմաստավորումը հետպատերազմյան Հայաստանում
07.05.2021
17:00
Մայիսի 7-ին՝ ժամը 17:00-ին, Մեդիա կենտրոնը Դիլիջանի համայնքային կենտրոնում (61 Մյասնիկյան, Դիլիջան) կազմակերպել է հանդիպում մշակութային մարդաբան Աղասի Թադևոսյանի հետ:
Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ
06.05.2021
12:00
Մայիսի 6-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ» թեմայով:
Հաշմանդամություն ունեցող անձանց իրավունքներ. որքանո՞վ են պաշտպանված օրենքով
06.05.2021
11:00
Մայիսի 6-ին, ժամը 11:00-ին, Մեդիա կենտրոնն առցանց քննարկում կազմակերպեց՝ «Հաշմանդամություն ունեցող անձանց իրավունքներ. որքանո՞վ են պաշտպանված օրենքով» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...