Դռնբաց դատական նիստերի լուսաբանման խոչընդոտները և սահմանափակումները Հայաստանում
17.11.2017
12:00
Հայաստանում դատական նիստերի լուսաբանման ընթացքում խախտվում և սահմանափակվում են լրագրողների իրավունքները

Այս մասին նոյեմբերի 17-ին «Մեդիա կենտրոնում» տեղի ունեցած մամլո ասուլիսին ասաց «Իրավունքի ուժ» ՀԿ-ի համահիմնադիր Արման Ղարիբյանը` ներկայացնելով իրենց կողմից իրականացրած ուսումնասիրության արդյունքները:

«Մենք՝ լրագրողներս, միշտ առաջին շարքերում ենք, երբ որևէ մարդու իրավունք է խախտվում, սակայն շատ հաճախ, ցավոք, երբ հերթը հասնում է մեր իրավունքներին, նույնքան ջատագով չենք»,- ասաց Արման Ղարիբյանը:

Հետազոտության նպատակներով ուսումնասիրել են միջազգային օրենսդրական փորձը (ՄԱԿ-ի Մարդու իրավունքների համընդհանուր հռչակագիր, Քաղաքացիական և քաղաքական իրավունքների մասին միջազգային դաշնագիր և այլն) և միջազգային պրակտիկան՝ համադրելով և համեմատելով հայաստանյան օրենսդրության և պրակտիկայի հետ:

«Լրագրողների ներկայությունը միջազգայնորեն ընդունված է՝ թե՛ փատաթղթերով, թե՛ պրակտիկայով: Իհարկե, միջազգային փաստաթղթերը չեն անդրադառնում լրագրողների գործիքակազմի ընտրությանը, սակայն սա իր հերթին նշանակում է, որ լրագրողներն ազատ են իրենց գործիքակազմն ընտրելիս և կարող են աշխատել այնպես, ինչպես բխում է իրենց լրատվամիջոցի շահերից»,-նշեց Արման Ղարիբյանը:

Մեջբերելով Եվրոպայի խորհրդի նախարարների կոմիտեի 2003 թվականի հանձնարարականը, Ղարիբյանը կարևորեց լրագրողների՝ քրեական արդարադատության համակարգի գործունեության լուսաբանման իրավունքը: Մոտեցումը նույնն է նաև վարչական և քաղաքացիական դատավարությունների դեպքերում:

«Որպես միջազգային փորձի վերլուծության արդյունք՝ մենք եկանք այն եզրահանգման, որ աշխարհը հաշվի է նստում մարդկության, տեխնիկայի և տեղեկատվական տեխնոլոգիաների զարգացման հետ և ավելի բաց է դառնում, ուստի Հայաստանը պետք է հետ չմնա այդ զարգացումներից: Որքան հանրային և թափանցիկ լինի դատական նիստը, այնքան ավելի շատ կարելի է ակնկալել, որ ի վերջո կունենանք արդար դատավճիռ, ինչին ձգտում են ժողովրդավարական հասարակությունները»,-ասաց Ղարիբյանը:

Նրա խոսքով՝ Հայաստանն ունի երեք դատավարության օրենսգրքեր՝ քրեական, քաղաքացիական և վարչական, որտեղ դատական նիստի լուսաբանման իրավունքների տարբեր մոտեցումներ են ներկայացված, ինչը, իր կարծիքով, բարելավման կարիք ունի:

Հայաստանում ընդհանուր իրավիճակը գնահատելու նպատակով «Իրավունքի ուժ» ՀԿ-ն խորքային հարցազրույցներ և առցանց հարցումներ է կատարել դատական նիստերը լուսաբանող լրագրողների հետ:

«Խորքային հարցազրույցների ընթացքում լրագրողները երեք հիմնական խնդիր են առաձնացրել. տեսանկարահանման և լուսանկարահանման արգելքները կամ ժամանակային սահմանափակումը, ինչպես նաև տեխնիկական խոչընդոտները: Եղել են անգամ դեպքեր, երբ դատավորը ասել է «սանրվածքս այսօր վատն է, մի նկարահանեք» ու արգելել է, որպեսզի լրագրողները դատական նիստը տեսանկարահանեն»,- նշեց Ղարիբյանը և շեշտեց, որ սա չհիմնավորված ու ոչ պրոֆեսիոնալ մոտեցում է:

Նա նշում է, որ առցանց հարցումները նույնպես փաստել են, որ այս հարցում օրենսդրական բարեփոխումների կարիք կա:

Ղարիբյանը հանդես եկավ առաջարկություններով, որոնք ուղղված էին Արդարադատության նախարարությանը և դատական համակարգի մարմիններին:

Ասուլիսի վերջում նա հորդորեց դատական նիստերը լուսաբանող լրագրողներին և լրատվամիջոցներին՝ հետևողականորեն լուսաբանել և բարձրացնել առկա խնդիրները:

Ասուլիսի շարունակությունը դիտեք տեսագրությունում:

Տեսանյութ
Print Friendly and PDF
Այլ մամլո հաղորդագրություններ
Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ
06.05.2021
12:00
Մայիսի 6-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Ուշացած արդարադատությունը մերժված արդարադատություն է. դատական գործերը քննվում են տարիներով. ինչո՞ւ» թեմայով:
Հաշմանդամություն ունեցող անձանց իրավունքներ. որքանո՞վ են պաշտպանված օրենքով
06.05.2021
11:00
Մայիսի 6-ին, ժամը 11:00-ին, Մեդիա կենտրոնն առցանց քննարկում կազմակերպեց՝ «Հաշմանդամություն ունեցող անձանց իրավունքներ. որքանո՞վ են պաշտպանված օրենքով» թեմայով:
Մայիսի 3, Մամուլի ազատության օր. իսկ ազա՞տ է մամուլը
03.05.2021
13:30
Մայիսի 3-ին, ժամը 13:30-ին, Մեդիա կենտրոնը կազմակերպեց առցանց քննարկում «Մայիսի 3, Մամուլի ազատության օր. իսկ ազա՞տ է մամուլը» թեմայով:
Մարդու իրավունքների խախտումները պատերազմից հետո. կա՞ ռազմավարության վերանայման անհրաժեշտություն
30.04.2021
13:30
Ապրիլի 30-ին՝ ժամը 13:30-ին, Մեդիա կենտրոնը կազմակերպեց առցանց քննարկում «Մարդու իրավունքների խախտումները պատերազմից հետո. կա՞ ռազմավարության վերանայման անհրաժեշտություն» թեմայով
Արցախի ու Հայաստանի անվտանգային համակարգը՝ խարխլված. մարտահրավերներ, լուծումներ
27.04.2021
10:11
Ապրիլի 27-ին, ժամը 15:00-ին, Մեդիա կենտրոնի առցանց հյուրն էր Արցախի նախկին արտգործնախարար, ՀՀ Արտակարգ և լիազոր դեսպան Արման Մելիքյանը:
Թեման՝ «Արցախի ու Հայաստանի անվտանգային համակարգը՝ խարխլված. մարտահրավերներ, լուծումներ»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...