«Երեխաները հանուն երեխաների» նախաձեռնության ասուլիսը
17.11.2017
11:00
Նոյեմբերի 17-ին «Մեդիա կենտրոնում» տեղի ունեցավ «Երեխաները հանուն երեխաների» նախաձեռնության մամլո ասուլիսը` նվիրված Երեխաներին բռնություններից պաշտպանելու միջազգային օրվան:

Ասուլիսի բանախոսներն էին «Երեխաները հանուն երեխաների» նախաձեռնության անդամներ Արտյոմ Ղազարյանը, Միլենա Մուսայելյանը և Միքայել Միքայելյանը:

«Հաճախ երեխաների նկատմամբ բռնություն է կիրառվում դպրոցներում, բակում և ընտանիքում, բայց ես այսօր կխոսեմ ընտանիքում և բակում կիրառվող բռնության մասին…Ես չեմ սիրում բռնություն բառը, բայց հաճախ տեսնում եմ բռնություն բակում, դպրոցում, հասարակական տրանսպորտում և այլ տեղերում: Մեծերը ընտանիքում սիրում են դա դաստիարակություն անվանել կամ ասել, որ դա երեխայի լավի համար են անում, կամ անում են, որ լավ մարդ դառնա: Իմ կարծիքով` մի բան, որ արվում է երեխային ցավացնելու, ճնշելու, խեղճացնելու միջոցով, դժվար է անվանել դաստիարակություն»,-ասաց Միքայել Միքայելյանը` հավելելով, որ հիմնականում ընտանիքում սիրո պակասից է առաջանում բռնությունը:

Միքայելի կարծիքով`բռնություն է նաև այն, երբ մեծահասակներն են որոշում երեխայի մասնագիտությունը, այն դեպքում, երբ երեխան ունի մեկ այլ ցանկություն:

«Օրինակ, երբ երեխան ուզում է գնալ ֆուտբոլի, բայց ծնողները ստիպում են նրան և տանում դաշնամուրի: Բռնությունը լինում է նաև բակում, երբ տարիքով մեծ երեխան ճնշում է տարիքով փոքր երեխային»,-ասում է Միքայելը:

Միլենա Մուսայելյանն ասում է, որ հաճախ է հանդիպում այնպիսի իրավիճակների, երբ երկու աշակերտ դասը սովորում և պատասխանում են նույն կերպ, բայց ստանում են տարբեր գնահատականներ դպրոցում: Նա կարծում է, որ  սա հոգեբանական բռնություն է  երեխայի հանդեպ:

«Իմ կարծիքով, այն երեխան, որ ավելի ցածր գնահատական է ստացել, կարող է վիրավորված զգալ իրեն: Կարծում եմ, բռնություն է նաև այն, երբ երեխան չարություն է անում և ուսուցիչը որպես պատիժ նրան դնում է ցածր գնահատկան, իմ կարծիքով սա նույնպես հոգեբանական բռնություն է, քանի որ ուսուցիչը կարող էր պարզապես առանձին կանչել այդ աշակերտին ու բացատրել, որ չարություն չի կարելի անել: Բռնություն է նաև այն, երբ ուսուցիչները ստիպում են երեխաներին մասնակցել դասարանական միջոցառումների, երբ երեխան չի ցանկանում, իմ կարծիքով դա հոգեբանական  բռնություն է, քանի որ հաշվի չի առնվում երեխայի կարծիքը»,-ասաց Մուսայելյանը:

Արտյոմ Ղազարյանը, համաձայնվելով  Միլենայի և Միքայելի կարծիքի հետ, նշեց, որ մեծահասակները այս առումով մտածելու բան ունեն: Նա հանդես եկավ մի քանի առաջարկներով, թե ինչպես կարելի է խուսափել երեխաների հանդեպ բռնություններից:

«Այնպիսի իրավիճակներում, երբ ծնողը ու երեխան իրար չեն հասկանւմ և չեն կարողանում ընդհանուր քննարկելով լուծում տալ խնդրին, այդ դեպքերի համար կարելի է դպրոցներում ծնողական ժողովներից առաջ կամ հետո, ծնողի ու երեխայի հետ առանձին զրուցել և հասկանալ, թե ինչն է խնդիրը: Սա հնարավորություն կտա մասնագետներին հասկանալու` ինչ խնդիրներ են լինում ընտանիքներում և լուծումների տարբերակներ գտնել»,-ասում է Արտյոմ Ղազարյանը:

Նա կարծում է, որ խնդիրը գալիս է շատ ավելի բարձր դիրքերից և նշում, որ երբ պաշտոնյանները որոշումներ են կայացնում երեխաների վերաբերյալ, պետք է երեխաների կարծիքը նույնպես հաշվի առնել:

«Երեխաները, ովքեր վաղ հասակում տեսել են բռնություն, հակված են բռնություն կիրառելու, և եթե ծնողները բռնություն չկիրառեն երեխաների նկատմամբ, իմ կարծիքով սա էլ կնվազեցնի բռնությունը, քանի որ շատ է լինում, որ հասակակիցներն են հենց հասակակիցների նկատմամբ բռնություն կիրառում: Եվ այս երևույթից խուսափելու համար, այնպես կարելի է անել, որ ընտանիքում բռնությունը նվազի: Կոչ կանեմ ծնողներին, որ այն, ինչ տեսել են նրանք վաղ հասակում` մանկության ժամանակ, վատը չփոխանցեն իրենց երեխաներին, փոխանցեն միայն լավը, քանի որ երեխաները միայն ապագան չեն, նրանք ներկան են, և եթե մենք հիմա չզբաղվենք մեր ներկայով, հազիվ թե կարողանանք կառուցել լավ ապագա»,-հավելեց Արտյոմ Ղազարյանը:

Ասուլիսի շարունակությունը դիտեք տեսագրությունում:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] էլփոստին:

 

Տեսանյութ
Print Friendly and PDF
Այլ մամլո հաղորդագրություններ
Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...