«Գյումրու զարգացման ծրագրերը և անօթևանության խնդրի լուծումները. բյուջետային միջոցների ծախսման արդյունավետությունը»
10.11.2017
12:00
Վերջին շրջանում Հայաստանի երկրորդ քաղաք Գյումրիի զարգացման ծրագրերի մասին խոսում են և՛ կենտրոնական, և՛ տեղական իշխանությունները։ Ներկայում քաղաքը զարգացնելու առաջնային ուղղություններից մեկն է համարվում զբոսաշրջությունը, և իշխանությունները խոստանում են բազմամիլիոնանոց ներդրումներ ապահովել այդ ոլորտի զարգացման համար։

Այս համատեքստում անգամ ՀՀ վարչապետ Կարեն Կարապետյանն իր անձնական միջոցներից ներդրում է կատարել Գյումրիում։ Սակայն Գյումրին զարգացնելու բազմաթիվ ծրագրերի շարքում չի նկատվում քաղաքը տնակներից ազատելու ու մոտ 30 տարի ձգվող անօթևանության խնդրի լուծման և ոչ մի ծրագիր։ Ժամանակավոր վագոն-տնակներ կարելի է տեսնել քաղաքի տարբեր, անգամ կենտրոնական հատվածներում։

Նոյեմբերի 10-ին «Մեդիա կենտրոնը» Գյումրիում կազմակերպել էր «Գյումրու զարգացման ծրագրերը և անօթևանության խնդրի լուծումները. բյուջետային միջոցների ծախսման արդյունավետությունը» թեմայով քննարկում, որին հրավիրված էին ինչպես տեղական իշխանության, այնպես էլ խնդրով մտահոգ հասարակական կազմակերպությունների ներկայացուցիչներ: Գյումրիում անօթևանության ու վագոն-տնակների թվաքանակի վերաբերյալ մինչ այսօր որևէ հստակ պաշտոնական թիվ չի նշվում։ Այդ ուղղությամբ ուսումնասիրություններ իրականացրել են տարբեր կազմակերպություններ՝ հիմնադրամներ, հասարակական կազմակերպություններ, անգամ կուսակցություններ։ Տարբեր հաշվարկներով անօթևան ընտանիքների թիվը Գյումրիում հասնում է մինչև 3000 ընտանիքի։   Քննարկմանը մասնակցող ՀՀ Շիրակի մարզպետարանի քաղաքաշինության վարչության բնակարանային ենթակառուցվածքների գործունեության բաժնի պետ Տիգրան Հարությունյանը նշել է, որ պետությունը, 2017թ․ 84 անօթևան ընտանիքի բնակարանի գնման վկայագրեր տրամադրելով,  սպառել է իր պարտավորությունները 1988թ․ երկրաշարժի հետևանքով անօթևան ընտանիքների նկատմամբ։ Տիգրան Հարությունյանը միաժամանակ համաձայն էր այն գնահատականներին, որ դրանով անօթևանության խնդիրը քաղաքում չի լուծվում և փաստացի անօթևան ընտանիքների թիվն ավելին է, քան այդ 84 ընտանիքը․

«Հետազոտություններ ունենք, որ Գյումրիում կա մոտավորապես  600-700 անօթևան, որոնք 2008-2010 թթ. տարբեր պատճառներով փաստաթղթեր չեն ներկայացրել և դուրս են մնացել պետական ծրագրերից։ Իսկ վագոն-տնակների քանակը 1800-2000 սահմաներում է, և, բնականաբար, այնտեղ ապրող ընտանիքները համարվում են անօթևաններ, բայց ոչ՝ երկրաշարժի հետևանքով»։

Գյումրու ավագանու «ԳԱԼԱ» խմբակցության անդամ Լևոն Բարսեղյանը, հղում անելով ՀՀ կառավարությանը, նշեց, որ Հայաստանում կա 30 հազար անօթևան ընտանիք, ինչը կազմում է բնակչության 4,5-ից 5 տոկոսը․«Յուրաքանչյուր 20-րդ ընտանիք, պետական իշխանության տվյալներով, անօթևան է։ Իսկ Գյումրի քաղաքը այս իմաստով առանձնահատուկ խոցված է։ 90-ից 95 տնակային թաղամաս Գյումրիում դեռ պահպանվում է, ճիշտ է, դրանցում տնակների թիվը խիստ նոսրացած է, տեղ կա, որ 2 տնակ կա ընդամենը։ Սակայն դրանք խոցված տարածքներ են»։

Վերջինս փաստել է, որ մինչև 3000 անօթևան ընտանիք կա Գյումրի քաղաքում։

Ավագանու անդամը հաշվարկներ է ներկայացրել, ըստ որոնց՝ Գյումրիում անօթևանության խնդրի լուծման համար 35-ից 40 մլն ԱՄՆ դոլար է անհրաժեշտ․

«Այդ գումարը պետական բյուջեի մոտ 1,2-1,3 տոկոսն է, և եթե այս թիվը բաժանենք 4 տարվա վրա, ապա տարեկան հարկավոր կլինի ճարել 8-9 մլն դոլար, դնել 4 տարում էս խնդիրը վերջնական լուծել ու Գյումրին ազատել տնակներից, անօթևաններին դարձնել օթևան ունեցող և վերջ: Բայց այս խոցը չի բուժվում և շարունակում է քայքայել քաղաքը»։

Կառավարման փորձագետ Արթուր Համբարձումյանը բարձրացրել է խնդրի հետ կապված գերատեսչությունների ու պաշտոնյաների պատասխանատվության խնդիրը․«Մենք պետք է ֆիքսենք, թե կառավարման որ մարմինների ապաշնորհության, հանցագործության արդյունքում է, որ այս 30 տարիների ընթացքում դեռ այդ խնդիրը պահպանվում է։ Եթե մենք խոսում ենք 2000 անօթևան ընտանիքի մասին, ապա դա մոտ 10 000 հոգի է։ Իսկ եթե դա համադրենք Գյումրի առկա բնաչության թվի հետ, ապա կստացվի, որ քաղաքի բնակչության 10-ից ավելի տոկոսը անօթևան է»։

«Գյումրին առանց տնակների» հիմնադրամի տնօրեն Ղարիբ Հարությունյանը նշում է, որ իրենց կազմակերպությունն ամբողջական հետազոտություն է իրականացրել և հստակ պատկերի է տիրապետում, թե Գյումրիում քանի տնակ կա և քանիսում են մարդիկ բնակվում։

«Մոտ 3400 տնակի առկայության մասին է խոսքը, որտեղից եթե հանենք ավտոտնակները, քանդված, բայց դեռ հասցեն պահպանված տնակները, ապա կարող ենք ասել, որ 2500 ընտանիք բնակվում է տնակում, որնց մեջ մտնում են նաև քարաշեն ու կիսաքարաշեն տնակներ»։

Գյումրու ավագանու ԲՀԿ խմբակցության անդամ Սուսաննա Աստոյանը իր հերթին ներկայացրեց «Բարգավաճ Հայաստան» կուսակցության կողմից իրականացրած անօթևանների թիվը ճշտելուն ուղղված հետազոտությունների տվյալները․ «Պարզել ենք, որ Գյումրիում կա 3100 տնակներում բնակվող ընտանիք։ Այդ ընտանիքները անօթևան են դարձել տարբեր պատճառներով»։

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected]էլփոստին:

Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ