«ԵԼՔ» դաշինքի՝ ՀՀ անվտանգության և պաշտպանության տեսլականը․նախընտրական ծրագիր և գործնական քայլեր
02.11.2017
13:00
6-րդ գումարման Ազգային ժողով անցած բոլոր կուսակցություններն իրենց նախընտրական ծրագրերում առանձին դրույթներ ու առաջարկություններ ունեն երկրի անվտանգության խնդիրների հետ կապված:

Վերջին շրջանում անվտանգության ամենակարևոր կոմպոնենտ համարվող Զինված ուժերին վերաբերվող փոփոխությունները մեծ արձագանք ստացան հանրության շրջանում: Իշխող կուսակցության կողմից ներկայացված «Զինվորական ծառայության և զինծառայողի կարգավիճակի մասին» և «Պաշտպանության մասին»  ՀՀ օրենքի նախագծերը սուր քննադատության ենթարկվեցին խորհրդարանական ընդդիմադիր «Ելք» խմբակցության կողմից: Իր հերթին ՀՀ պաշտպանության նախարար  Վիգեն Սարգսյանը «Ելք» դաշինքին մեղադրեց դեստրուկտիվ մոտեցումներ ունենալու մեջ.

«Դեստրուկտիվ ոճի ջատագովները չցանկացան ըմբռնել, որ առաջարկվող լուծումներն անհամեմատ ավելի լավն են, քան հնարավոր բազմաթիվ, այդ թվում՝ իրենց առաջարկած տարբերակները»,- մասնավորապես ասել է Վիգեն Սարգսյան:

ԱԺ «Ելք» խմբակցության ներկայացուցիչներ Գևորգ Գեորգիսյանը, Լենա Նազարյանն ու Արտակ Զեյնալյանը, նոյեմբերի 2-ին հյուրընկալվելով «Մեդիա կենտրոնում», ներկայացրեցին դաշինքի մոտեցումները երկրի անվտանգության ապահովման ու ռազմական ուժերի մասով։

«Ելք» խմբակցության քարտուղար Գևորգ Գեորգիսյանը նշում է, որ իրենք բազմաթիվ կոնստրուկտիվ առաջարկներ են ներկայացրել օրինագծերի հետ կապված, որոնք բխել են իրենց նախընտրական ծրագրերից, սակայն մերժվել են իշխանությունների կողմից․

«Պաշտպանության մասին»  ՀՀ օրենքի մասով առաջարկություն ունեինք ներկայացված, որը մերժվեց և՛ հանձնաժողովի, և՛ պաշտպանության նախարարության կողմից, թեև իր մեջ միայն բանակին և տնտեսությանը նպաստող դրույթներ էր պարունակում, առաջարկը  ելնում էր մեր ծրագրային դրույթներից։ Ամբողջ իմաստը կայանում էր նրանում, որ ամեն տարի ավելացվի բանակի կողմից տեղական արտադրողից գնումները»։

Արտակ Զեյնալյանն իր հերթին նշեց, որ իրենց կողմից բարձրացված մի շարք սկզբունքային հարցեր անպատասխան են մնացել, որից մեկը մասնավորապես գլխավոր շտաբի կազմավորման հարցն էր, որը կարևոր հարց է երկրի ներքին ու արտաքին անվտանգության առումով․

«Մենք կարծում ենք, որ շտաբը պետք է լինի ավագանին, այն սպայակույտը, որն ընդունում է որոշումներ, և այդ որոշումները լինեն ավելի համախմբված՝ գաղափարների ու լուծումների տեսակետից»։

Միաժամանակ պատգամավորը նշում է, որ սույն օրենքը, որը կոչված է նախապատրաստելու զորակոչը, որևէ կերպ լուծումներ չի տալիս ռազմավարական խնդիրների, օրինակ՝ երեխաների նախապատրաստությունը զորակոչին ավելի վաղ շրջանից։

Պատգամավոր Լենա Նազարյանը նշում է, որ ներկայում շատ-շատ են դեպքերը, երբ բանակում ծառայելուց ազատվում են բժշկական հանձնաժողովների կոռումպացվածության պատճառով և տարեկետման իրավունքի վերացումը պարզապես կարող է մեծացնել իբր առողջական խնդիրների պատճառով բանակից ազատվողների թիվը․

«Բժշկական հանձնաժողովների կոռումպացվածության պատճառով բանակից ազատվողների 100 հոգուց 90-ը ազատվում են բժշկական ցուցումներով։ Մենք ասել ենք, որ փախուստի հիմնական լայն բացված դուռը  հենց այդտեղ է և նախարարի ամենաթիրախավորված բարեփոխումների ոլորտը պետք է լինեին բժշկական հանձնաժողովները»։

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected]էլփոստին:

Տեսանյութ
Print Friendly and PDF
Այլ մամլո հաղորդագրություններ
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...