«Հայաստան- ԵՄ համապարփակ և ընդլայնված գործընկերության համաձայնագիր․ հեռանկարներ ու հնարավորություններ»
17.10.2017
13:00
Հոկտեմբերի 13-ին հրապարակվեց Հայաստան-ԵՄ դեռ տարեսկզբին նախաստորագրված համապարփակ և ընդլայնված գործընկերության համաձայնագիրը։ Փաստաթղթի վերջնական ստորագրումը տեղի է ունենալու Արևելյան գործընկերության գագաթնաժողովի շրջանակներում, որը նախատեսված է գալիք նոյեմբերին Բրյուսելում։

Որոշ առումներով համաձայնագրի տեքստի հրապարակումն անակնկալ էր։ Հայաստան-ԵՄ համաձայնագրի հրապարակումից մոտ մեկ ամիս առաջ Հայաստանում Եվրամիության պատվիրակության ղեկավար, դեսպան Պյոտր Սվիտալսկին հայտարարել էր, որ համաձայնագրի տեքստը գաղտնի կմնա այնքան ժամանակ, քանի դեռ այն վերջնականապես ստորագրված չէ:

Համաձայնագրի բովանդակության, տեքստի հրապարակման ժամանակի ընտրության և փաստաթղթի վերջնական ստորագրման հնարավոր խնդիրների վերաբերյալ կարծիքներ ու մեկնաբանություններ են հնչել հոկտեմբերի 17-ին Մեդիա կենտրոնում հրավիրված «Հայաստան- ԵՄ համապարփակ և ընդլայնված գործընկերությանհամաձայնագիր հեռանկարներ ու հնարավորություններ» քննարկման ժամանակ։

Երևանի մամուլի ակումբի նախագահ Բորիս Նավասարդյանը նշել է, որ համաձայնագիրը կարող էր հրապարակվել միայն երկու կողմերի՝ ԵՄ և Հայաստան, փոխադարձ համաձայնության դեպքում, ինչը նշանակում է, որ կողմերը վճռական են մոտակա ժամանակահատվածում այն ստորագրելու ․

«Սա նաև նշանակում է, որ դրսից ակնհայտ միջամտություն, ինչպես տեղի ունեցավ 2013թ․, չի ակնկալվում և դրա հիմնական պատճառն այն է, որ, ըստ երևույթին, համաձայնեցված է Ռուսաստանի հետ»։ Վերջինս նաև Եվրասիական Միությունից համաձայնագրի հետ կապված բացասական արձագանք չի սպասում, քանի որ այն պարտավորությունները, որոնք Հայաստանն ունի ԵԱՏՄ-ի նկատմամբ, առաջնային են մնում և չեն հակասում ԵՄ-Հայաստան համաձայնագրով ստանձնվող պայմանավորվածություններին։

Միևնույն ժամանակ բանախոսը չի բացառում, որ Հայաստան-ԵՄ համաձայնագիրը նոյեմբերին չստորագրվի ոչ թե Հայաստանի կողմից, այլ հենց Եվրոպական Միության, քանի որ ԵՄ կուլիսներում մտահոգություններ կան, թե ինչպես է լուծվելու իշխանության պատկանելիության հարցը 2018 թ․ ապրիլից հետո․

 «Հայաստանում տեղի են ունենում քաղաքական համակարգի հետ կապված լուրջ փոփոխություններ, և շատ անդամ երկրներ ուզում են հստակ պատկերացնել, թե ում հետ են գործ ունենալու ստորագրումից հետո։ Թեպետ ավելի լավատեսական ժամկետներ են նշում փորձագետները, բայց ես չեմ բացառում, որ ստորագրումը կարող է հետաձգվել մինչև ապրիլ-մայիս»։

Միջազգային փորձագետ Հովհաննես Իգիթյանը կարծում է, որ համաձայնագիրը հրապարակվել է ոչ թե հանրության պահանջով ու հանրային քննարկումների համար, այլ Ռուսաստանից հնչող մտավախությունները փարատելու համար։

Անդրադառնալով համաձայնագրի նշանակությանը՝ փորձագետը ԵՄ-Հայաստան հարաբերությունները համեմատեց մեծ փազլի հետ, որտեղ համաձայնագիրը հիմնական մասն է զբաղեցնում և դրա հրապարակումով արդեն կարող են տեսնել, թե այդ փազլն ինչ տեսք է ունենալու։

Անդրադառնալով համաձայնագրի ամենաշահարկվող կետին՝ Մեծամորի ատոմակայանի փակմանը, Իգիթյանը նշեց, որ դրանք պարզապես անհիմն շահարկումներ են, քանի որ այդ հարցը միշտ եղել է Հայաստան-ԵՄ հարաբերությունների օրակարգում․

«1988թ. երկրաշարժից հետո այն փակվել է ոչ նրա համար, որ քաղաքական ճնշում է եղել, այլ նույնիսկ այն ժամանակ ԽՍՀՄ համապատասխան մարմինները չէին կարող երաշխավորել, որ այն կաշխատի։ Բոլոր դեպքերում պետք է հասկանանք, որ ատոմակայանն ունի աշխատելու ժամկետ։ Եվ այդ հարցի պատասխանը, թե՝ հետո ի՞նչ, մեր իշխանությունները մինչև հիմա չեն տվել։ Գոնե մեր գործընկերն ասում է, որ, եթե գա մի օր, որ դա պետք է փակվի, իրենք պատրաստ են գումար տրամադրել այն սառեցնելու համար։ Երկրորդ՝ եթե Հայաստանը ցանկանա ժամանակակից, եվրոպական չափանիշերին համապատասխանող ատոմակայան ունենալ, ապա այդ բոլոր հնարավորությունները կան»։

Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը համաձայնագիրը հնարավորություն է համարում Հայաստանի համար, որից օգտվելը բխում է Հայաստանի ժողովրդի շահերից։ Վերջինս նշում է, որ համաձայնագրով բարեփոխումներ են նախատեսվում հանրային կյանքի գրեթե բոլոր ոլորտներում՝  կոռուպցիայի դեմ պայքար, արդարադատության համակարգի փոփոխություն, մարդու իրավունքների զարգացում, մշակույթ, կրթություն, գյուղատնտեսության և մի շարք այլ ոլորտներ։

«Հստակ գրված է. պետք է պաշտպանվի փոքր ու միջին բիզնեսի իրավունքը: Այդ կետերը հստակ ու նպատակաուղղված են: Օրինակ` տուրիզմի մասին. բավականին մանրամասն նշված է ծառայությունների մասին` փոստային, էլեկտրոնային, տրանսպորտային: Այսինքն` կոնկրետ մարդկանց կյանքի հետ կապված կետեր են: Գրված են նաև սկզբունքները, թե ինչպես պետք է աշխատեն այս կետերը: Երբ խոսվում է կոռուպցիայի դեմ պայքարի մասին, մի քանի խոսքով գրվում է նաև` ինչպես»,- ասում է Ստեփան Գրիգորյանը։

Փորձագետը շատ կարևոր է համարում ԵՄ-ի հետ վիզաների պրազեցման խնդիրը ու մարդկային մոբիլության խթանումը Հայաստանի ու ԵՄ երկրների միջև․

«Շատ կարևոր է, որ վիզաների ազատականացումը ներառված է համաձայնագրի մեջ, նախկինում այդ գործընթացը զուգահեռ էր գնում։ Կարևոր է նաև, որ մեզ համար բացեցին հնարավորություն երկրորդ փուլի՝ վիզաների երկխոսության անցնելու համար։ Եվ սա պահանջում է լուրջ բարեփոխումներ՝ ֆինանսական, արդարադատության համակարգերում, նաև կոռուպցիայի դեմ պայքարում և այլն»։

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք[email protected]էլփոստին:

Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ