Ֆիլմի դիտում. Երբ բախվում են երկու աշխարհ
13.10.2017
15:00
Հոկտեմբերի 13-ին Արևորդի 7-րդ միջազգային բնապահպանական փառատոնի շրջանակում տեղի ունեցավ «Երբ բախվում են երկու աշխարհ» ֆիլմի դիտում Մեդիա կենտրոնում (հասցե` Սարյան 12, 3-րդ հարկ):

Ռեժ․՝ Հայդի Բրեդենբուրգ, Մաթյու Օրզել, իսպ․ / հայ․, ԱՄՆ, 103˝, 2016

Dir.: Heidi Brandenburg and Mathew Orzel, Esp. / Arm., USA, 103˝, 2016

Թրեյլեր՝ https://www.youtube.com/watch?v=Qe9ZybqKOLg

Լարված և տպավորիչ «Երկու աշխարհների բախում» ֆիլմը հանդիսատեսին կրակի գոտի է տեղափոխում, որի կիզակետում երկու ազդեցիկ պերուական խմբակցություններ ոչնչի առջև կանգ չեն առնի՝ իրենց նպատակներին հասնելու համար: Պայքարող կողմերից մեկը նախագահ Ալան Գարսիան է և պերուական կառավարությունը, ովքեր աշխարհի թատերաբեմ բարձրանալու նպատակով սկսում են նավթի, գազի և օգտակար հանածոների ագրեսիվ արդյունահանումը Ամազոնյան անմշակ տարածքներում:

Նրանք արագորեն բախվում են Ամազոնի ջունգլիներում բնակվող տեղացիների դիմադրությանը՝ Ալբերտո Պիզանգոյի գլխավորությամբ, ում կրքոտ ճառերը Գարսիայի ավերիչ գործողությունների դեմ բողոքի ցույցերի կազմակերպման են բերում: Երբ նախագահ Գարսիան շարունակում է անտեսել այդ կոչերը, բառերի լարված պատերազմը վերածվում է երկու կողմերի միջև բռնության, արյունահեղ ցույցերի և քաոսային բախումների:

Իրենց առաջին լիամետրաժ վավերագրական ֆիլմում, Հայդի Բրանդենբուրգը և Մեթյու Օրզելը համարձակ ու կայուն օպերատորական աշխատանքի շնորհիվ կարողացել են այս քաղաքական և բնապահպանական ճգնաժամին բազմակողմանի լուսաբանություն տալ: Արդարադատության քողարկված սրահներից մինչև Ամազոնի ջունգլիների սիրտը ներխուժող «Երկու աշխարհների բախումը» բացահայտում է տնտեսական օրինականություն պահանջող կառավարության և նախնիների հողը ավերումից փրկելու փորձ նախաձեռնած հայտնի բնապահպանի առաջնորդած ժողովրդի միջև հսկայական բախումը: Ֆիլմի հեղինակները մի քանի տարի ապրել են Պերուում՝ այս բարդ պատմությունը խորքային ուսումնասիրելու համար: Համախմբելով Պիզանգոյի հետ մտերիմ կապը, Ամազոնի գեղեցկությունը և Պերուի քաղաքական վերնախավի հետ համարձակ հարցազրույցները՝ հեղինակները ստեղծել են դավաճանության և խիզախության մասին մի սրտատրոփ պատմություն: ֆիլմը անդրադառնում է տեղաբնիկ ժողովրդների իրավունքների և Ամազոնյան անտառների պահպանպան շարունակական կարևորություն ունեցող խնդիրներին, որոնք անտեսվում են գլոբալիզացիայի հետևանքով:

 

Print Friendly and PDF
Այլ մամլո հաղորդագրություններ
«Զբոսաշրջությունը Հայաստանում COVID-19-ի պայմաններում»
21.05.2020
18:00
Մայիսի 21-ին, ժամը 18:00-ին, Մեդիա կենտրոնը կազմակերպեց առցանց քննարկում «Զբոսաշրջությունը Հայաստանում COVID-19-ի պայմաններում» թեմայով:

«Ո՞ր տարիքից և ինչպե՞ս երեխան կարող է պաշտպանվել սեռական ոտնձգություններից»
18.05.2020
14:00
Մայիսի 18-ին՝ ժամը 14:00-ին, «Մեդիա կենտրոն»-ը տեսակապի միջոցով կազմակերպեց քննարկում «Ո՞ր տարիքից և ինչպե՞ս երեխան կարող է պաշտպանվել սեռական ոտնձգություններից» թեմայով:
«Իմ տունն իմ ամրոցն է. որքանո՞վ ենք ապահով այդ ամրոցում»
15.05.2020
19:00
Մայիսի 15-ն Ընտանիքի օրն է:

Հանրային լրագրության ակումբը մայիսի 15-ին, ժամը 19:00-ին, հրավիրեց վեբինար «Իմ տունն իմ ամրոցն է. որքանո՞վ ենք ապահով այդ ամրոցում» թեմայով:
«Ի՞նչ պայմաններով կվերաբացվեն մանկապարտեզները»
15.05.2020
14:00
Մայիսի 15-ին, ժամը 14:00-ին, Մեդիա կենտրոնը կազմակերպեց առցանց քննարկում «Ի՞նչ պայմաններով կվերաբացվեն մանկապարտեզները» թեմայով:
«Ինքնասպանություն՝ տեսակներ, պատճառներ, կանխարգելում»
14.05.2020
19:00
Հանրային լրագրության ակումբը մայիսի 14-ին, ժամը 19:00-ին, կազմակերպեց վեբինար «Ինքնասպանություն՝ տեսակներ, պատճառներ, կանխարգելում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ