«Քարոզչության ազդեցությունը մեդիայում քաղաքացիական շարժումների համատեքստում»
20.06.2017
13:00
Հունիսի 20-ին, «Մեդիա կենտրոնում» տեղի ունեցավ քննարկում «Քարոզչության ազդեցությունը մեդիայում քաղաքացիական շարժումների համատեքստում» թեմայով:


Քննարկման բանախոսներն էին մեդիա փորձագետ Սամվել Մարտիրոսյանը, «Ռեգիոն» հետազոտական կենտրոնի տնօրեն Լաուրա Բաղդասարյանը և «Մեդիամաքս» լրատվական գործակալության գլխավոր խմբագիր Դավիթ Ալավերդյանը:

Թեմային անդրադառնալով մեդիա փորձագետ Սամվել Մարտիրոսյանը նախ մատնանշեց քարոզչության կարևոր դերակատարությունը բոլոր ոլորտներում:

«Քարոզչությունը հսկայական ազդեցություն ունի: Իզուր չէ, որ մոտ 60 տարի առաջ տարբեր երկրներում գոյություն ունեին քարոզչության նախարարություններ: Հիմա քարոզչությունը բացասական իմաստ է ստացել: Մենք կարող ենք դա կոչել մարքեթինգ, գովազդ, PR և այլն: Ընդհանուր առմամբ զանգվածային մեդիան հսկայական ազդեցություն ունի, և դա կարելի է տեսնել առնվազն ծախսվող ֆինանսներից: Իսկ դա նշանակում է, որ քարոզչությունը շատ արդյունավետ գործիք է»,-նշեց Սամվել Մարտիրոսյանը: 

Իսկ քարոզչությունը քաղաքացիական շարժումների համատեքստում, մեդիա փորձագետի կարծիքով Հայաստանի դեպքում շատ կարևոր է:

«Մենք հասարակություն ենք, որտեղ քաղաքացիական հասարակությունը ձևավորված չէ: Փաստացի 2010-ականներից նոր մեզ մոտ սկսել է ձևավորվել քաղաքացիական հասարակությունը, որպես քաղաքացիների ինքնակազմակերպան ու ինքնակառավարման ինչ-որ ձև: Եվ այստեղ մեդիաներն ու սոցցանցերը մեծ դեր ունեն, դրանք դարձան այն աղբյուրը, որոնց միջոցով մարդիկ գտնում էին համախոհներ և ինքնակազմակերպվում էին»,-ընդգծեց մեդա փորձագետը:

«Ռեգիոն» հետազոտական կենտրոնի տնօրենԼաուրա Բաղդասարյանը անդրադառնալով քարոզչության դրական ու բացասական ընկալումներին շեշտեց, որ միանշանակ գնահատականներ տալ պետք չէ:

«Քարոզչությունը դանակի նման մի բան է՝ կարող ես մարդ սպանել, բայց կարող ես նաև ինչ-որ օգտակար բան անել, օրինակ՝ հաց կտրատել: Նույնը վերաբերվում է նաև սոցիալական ցանցերի գնահատականին: Նույն այդ քաղաքացիական շարժումները տարածելու ու ավելի զանգվածային դարձնելու առումով սոցցանցերի հետ կապված երկու կարծիք կա՝ առաջինը՝ սոցիալական ցանցերը նվազեցնում են օֆլայն ակտիվությունը զանգվածների, որովհետև բավական է նստել սոցիալական ցանցերի դիմաց ու գրառումներ անել և դա որոշակի ինքնաբավարարման զգացողություն է առաջացնում մարդկանց մեջ: Նրանց մոտ փողոց դուրս գալու պահանջը նվազում է: Կա նաև հակառակ կարծիքը, որ առանց սոցիալական ցանցերի, որևէ մի քաղաքացիական շարժում, օրինակ, «ԷլեկտրիԵրևանը», հանարվոր չէր լինի մարդկանց մասնակցությունը հասցնել մինչև 20 հազարի»,-ասաց Լաուրա Բաղդասարյանը:

«Մեդիամաքս» լրատվական գործակալության գլխավոր խմբագիր Դավիթ Ալավերդյանը թեմայի առնչությամբ նշեց.«Քարոզչության մեջ Գեբելսից հետո որևէ նոր բան չի հորինվել: Հիմնական սկզբունքները դրել է Ռեյխի ինֆորմացիայի ու պրոպագանդայի նախարար Գեբելսը, որը տեղեկատվական պատերազմի որոշակի չափանիշներ է սահմանել: Հիմա փոխվել են մատուցման ձևերը»:

Խնդիրը դիտարկելով «ԷլեկտրիկԵրևան» քաղաքացիական շարժման համատեքստում, Դավիթ Ալավերդյանը նկատեց, որ վերջին ժամանակահատվածի գրեթե բոլոր քաղաքացիական շարժումները ձևավորվել են սոցիալական ցանցերում:

«Ստեղծվել է համախոհների փոքրիկ խումբ, որը սոցցանցերում որոշակի շարժում է ձևավորել, իսկ հետո դա տեղափոխվել է օֆլայն: Դրանից հետո օնլայն ու օֆլայնը ձեռ ձեռի տված գնացել են մինչև վերջ: Եթե ուշադրություն դարձնենք «Էլեկտրիկ Երևան»-ի դեպքում օֆլայնը ավելի շուտ ավարտվեց, քան օնլայնը: Շարժումը արդեն չկար, ցրվել էր, սակայն մարդիկ շարունակում էին հանդես գալ սոցիալական ցանցերում և որոշակի շարունակական բնույթ ունեցավ»,-ասաց Ալավերդյանը:

Անդրադառնալով արտաքին քարոզչության ազդեցությանը, Դավիթ Ալավերդյանը հատկապես շեշտեց ռուսական ԶԼՄ-ների մանիպուլացիոն դերակատարությունը. «Ռուսական ԶԼՄ-ները շատ հեշտությամբ կարողանում են ներքին ինչ-որ խռովություն կամ պահանջ վերաձևակերպել որպես արտաքին պատվեր»:

Սամվել Մարտիրոսյանը հայ հասարակության վրա արտաքին քարոզչության ազդեցությանն անդրադառնալով, նշեց.«Մեր հասարակությունը շատ տարօրինակ է՝ բաժանաված է հակառուսականների ու հակաամերիկյանների, որոնցից յուրաքանչյուրը անվերապահորեն հավատում է կամ՝ ռուսական, կամ՝ արևմտյան ԶԼՄ-ներին: Այս վիճակում, երբ քո հասարակությունը նման կերպ ընկած է դրսի ազդեցության տակ, բավականին բարդ է մի բան անել»:

Լաուրա Բաղդասարյանը շարժումների ժամանակ քարոզչության օգտագործումը շատ բնական համարեց, քանի որ մի կողմից ցանկանում են այն օգտագործելով հզորացնել շարժումը, մյուս կողմից այն օգտագործում են հակառակն անելու համար: Կրկին «ԷլեկտրիկԵրևան» քաղաքացիական շարժման օրինակ բերելով, Լաուրա Բաղդասարյանը նշեց, որ այդ ընթացքում ակտիվ աշխատում էին նաև ուկրաինական ու վրացական ԶԼՄ-ները, որոնք ցանականում էին այդ դեպքերը տեսնել հակառուսականության ֆոնի վրա՝ անվանելով այն «հայկական մայդան»:

Քննարկման շարունակությունը դիտեք այստեղ: 

 

Տեսանյութ
Print Friendly and PDF
Այլ մամլո հաղորդագրություններ
Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...