«Ծխախոտի դեմ պայքարը Հայաստանում. մտահոգիչ պատկե՞ր, թե՞ արդյունավետ ռազմավարություն»
31.05.2017
13:00
Մայիսի 31-ին «Մեդիա կենտրոնում» տեղի ունեցավ Ծխախոտի դեմ պայքարի միջազգային օրվան նվիրված քննարկում «Ծխախոտի դեմ պայքարը Հայաստանում. մտահոգիչ պատկե՞ր, թե՞ արդյունավետ ռազմավարություն» թեմայով:

Քննարկման բանախոսներն էին  ՀՀ Առողջապահության նախարարի խորհրդական Դավիթ Պետրոսյանը և Հայաստանի Ամերիկյան համալսարանի Զուարթ Աւետիսեան Օնանեան առողջապահական ծառայությունների հետազոտման և զարգացման  կենտրոնի ավագ գիտաշխատող Արուսյակ Հարությունյանը:

Անդրադառնալով Հայստանում ծխախոտային կախվածության խնդիրներին ՀՀ Առողջապահության նախարարի խորհրդական Դավիթ Պետրոսյանը նախ նշեց, որ ձեռնարկված միջոցառումների շնորհիվ հաջողվել է էականորն կրճատել ծխողների թիվը Հայաստանում: Ըստ Դավիթ Պետրոսյանի՝ դրան նպաստել են ծխախոտի տարածման սահմանափակմանն ուղղված միջոցառումները, որոնց թվին է պատկանում առցանց ԶԼՄ-ներում ծխախոտի գովազդի արգելումը:

«1990թ. պետակական վիճակագրությունը ցույց է տվել, որ 15 տարեկան և ավելի մեծ տարիքի ծխող տղամարդկանց թիվը կազմում էր 63%: Տասը տարի հետո նույն մեթոդով արված հետազոտությունները ցույց տվեցին, որ թիվը 10%-ով պակասել է»,-ասում է Պետրոսյանը, հավելելով, որ արդեն իսկ երիտասարդների մոտ միտում է նկատվում չծխելու:

«Եթե առաջ 13,14,15 տարեկան տղաները դառնում էին ծխող, հիմա նման դեռահասների տոկոսը պակասել է»,-ընդգծում է Պետրոսյանը:

Արուսյակ Հարությունյանը իր հերթին նշում է, որ 2004թ. սկսած ծխախոտի տարածման դեմ պայքարի միջոցառումներն արդյունավետ են եղել հատկապես օրենսդրական բարեփոխումների առումով: Վերջինս նաև հավելեց, որ ծխելը պարզապես սովորություն կամ ապրելակերպ չէ, այլ խրոնիկ ախտադարձային  հիվանդություն:

«Ցանկացած բժիշկ, բուժաշխատող դրան պետք է վերաբերվի այնպես, ինչպես ցանկացած հիվանդության բուժմանը, այսինքն՝ ախտորոշի, բուժի և այլն: Այս մոտեցումը ՀՀ-ում ներդնելու համար 2014-ից մեր կենտրոնը իրականացնում է առջանային բժշկական օղակի բժիշկների կրթում հենց ծխախոտային կախվածության բուժման առումով:  Երբ ծրագիրը սկսեցինք ուսումնասիրել, հասկացանք, որ ոլորտում որևէ ուսումնասիրություն արված չէ, թե ի՞նչ կարծիքի են  բժիշկները, ի՞նչ մոտեցումներ ունեն»-նշեց Արուսյակ Հարությունյանը:

Դավիթ Պետրոսյանը, անդրադառնալով ծխախոտի տարածման դեմ պայքարի համալիր միջոցառումների մշակման քաղաքականությանը, նշեց որ միջազգային պրակտիկան ցույց է տալիս, որ ծխախոտի հարկերի բարձրացումը բերում է ծխախոտի թանկացման, ինչն էլ իր հերթին որոշակիորեն կանխարգելում է այդ արատավոր երևույթի տարածումը:

«Թանկարժեք առողջության պահպանման համար պետք է թողնել ծխելը, քանի որ դրա հետևանքով առաջացող հիվանդությունների պատճառով մարդիկ կորցնում են հսկայական կարողություններ։ Ապացուցված է, որ ծխախոտի ամենօրյա օգտագործումը ռիսկի հսկայական գործոն է, որը պատճառ է դառնում մի շարք հիվանությունների»,- նշեց Առողջապահության նախարարի խորհրդականը:

Արուսյակ Հարությունյանը ուշադրություն հրավիրեց այն հանգամանքի վրա, որ մոտ երկու տասնամյակ առաջ ծխելը համարվում էր բարեկեցության ցուցանիշ և տարածված էր զարգացած երկրներում, սակայն այսօր ընկալումներն արմատապես փոխվել են:

«Այժմ ծխախոտի պատճառով հիվանդության ու մահացության դեպքերի 80 տոկոսը բաժին է ընկնում միջին ու ցածր եկամուտ ունեցող երկրներին: Իսկ զարգացած երկրներում ծխելն արդեն համարվում է վատ կյանքի խորհրդանիշ: Այս արդյունքներին հնարավոր է եղել հասնել համալիր միջոցառումների շնորհիվ՝ գովազդի սահմանափակում, քարոզչություն, կրթում, հարկերի բարձրացում և այլն»,- նկատեց Հարությունյանը:

Քննարկման շարունակությունը դիտեք այստեղ:

 

Տեսանյութ
Print Friendly and PDF
Այլ մամլո հաղորդագրություններ
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...